Известные библейские стихи из LUKA 6

Поделиться

mugabege nainywe muligabirwa; endengo enungi, igatitwe, ecikinyinzibwe, erukuseseka, niyo balibaha omu kifuba. Baitu endengo eyimulengeramu, nainywe muligirengerwamu.

Omuntu asemire aiha ekisemire omu lyahu’ro erisemire eryomutimagwe; kandi omuntu ebihire aiha ekibihire omu lyahu’ro eribihire: baitu ebisaga omu mutima akanwake nibyo kagamba.

Baitu mugonzege abanyanzigwa banyu, mubagirege okurungi, mubohorege, okutalekayo okunihira; empera yanyu eriba nyingi, nainywe muliba bana bogu anyakuli haiguru muno; baitu abagira kurungi abatasima nababihire.

Inywe muikalege nembabazi, nka Isinywe okwayina embabazi.

Kandi mutalicwa musango, nainywe timuligucwerwa; Kandi mutalihende’ra, nainywe timulihende’rwa; mulekerege nainywe mulirekerwa

Baitu nimbagambira inywe abanyakuhu’ra nti Mugonzege abanyanzigwa banyu, mubagirege okurungi abanyakubanoba, mubasabirge omugisa abanyakubakyena, mubasabirege abanyakubagira okubi.

Kandi nkokumugonza abantu okugira inywe, nainywe nukwo mubagirege muti.

Ogu akutera orusaya omuhindu’rege norwakabiri: nogu akuihaho omwegereko gwawe, nekyesomeko kyawe otalikimuima. Wena akusaba omuhege; nogu akuihaho ebintu byawe otaligaruka kubimusaba.

Baitu busaho muti ogusemire ogurukwana ebyana ebibihire; nobugwakuba omuti ogubihire ogurukwana ebyana ebibihire; noburukwana ebyana ebisemire.

Baitu omuti gwona gumanyirwa ha byana byagwo gwonka. Baitu abantu tibanoga amatini ha mahwa, nobukwakuba okunoga emizabibu ha kyeramaino.