Известные библейские стихи из Lʉkas 21

Поделиться

Diʼe ga nkehe. Jwɨʼla ga é jɔʼ yiyɛh, ó bɨn nkʉʼ syɛhle bɨsyɛɛla bɨ moho waa bibyɛh. Jwɨʼla ga nteme ó, bɨn nkʉʼ be e nkul ecyɛb é mih mo Mwan mo Mʉr.»

«Diʼe ga ncye! Monyʉl mɨn, mé amu jaa cyɛʼ ebe mpwaʼ edɨɨ ndwe e mpur monwoʼ, nkʉ ebe mɨpɛhla mɨ tiʼ si nwa. Esie e mbi jɔʼ yi, lé amu jaa pyal bɨn motwɨra, mpʉ tir lé etwɨra é jɔʼ nyi bil é syɛm ɨ.

Tiʼɨ ga monyʉl mɨn é zi bihbe win.»

ebe, me mʉr tɨ, me óbɛa dwe bɨn mokan e pɨʼ, é mbi ndɨ ó, bʉr o ndɨ esa bɨn mongan ɨ, bé óbe, abe e nkul eka pɨr, nkʉ tɨ mɨlɛa min ɨ.

Kʉ e si, byé ólaa; mɨlɔb myam myɛɛ, myé ódi njʉmdia e njʉmdia.»

«Bɨbwaʼbwaʼ bɨdweʼle bɨ nkul ndwe e mosima, byé ódɨ syɛɛ é dobo e l'alomo ndwe e baatwitwɛn tʉŋlʉ. Oboʼo o maŋ, bé ólaŋle pɨʼba le edùo. Bʉr o bɨkul bɨ si nwaʼ bibyɛh, bé ójoʼo bʉa, mɨleme é mo é zaaama. Bʉa óbul mɛr bʉr é mɨleme, bé ntɔʼ puro mpal lé etoŋlo sa yé óbe, yé mu lé eze syɛɛ é si nwaʼ ɛ, ebe, bɨsa bɨ nkul bɨnɨnɨ ndɨ é jobo kʉ ɨ, byé ólwɨʼlɨ. É jɔʼ yaa ó bé óbee Mwan mo Mʉr lé eze é nkur tʉŋlʉ, lwɨŋla e nkul ndwe e buobuo moncɛnba ɛ.

Bʉr bɨbɛh, bé ónwim bɨn é lɔb wam.

Si óncyeŋa bɨgumo bɨgumo. Za ónyaŋla. Bɨnumò, byé ópyal-pyal é byʉʉ bɨgumo. Bɨsyɛɛla ndɨ esa ó bʉr joʼa bʉa ɛ, ndwe e bɨbwaʼbwaʼ bɨdweʼle bɨ nkul, byé ósyɛɛ é jobo kʉ.

Bɨn bé ójoʼo bʉr lé elwib-lwib mɨlɔb mɨ mɔm le ejoʼo nteme mpʉ bʉr mu lé ebɨn mɨlʉ, kaŋa e mojwɨ̀ʼa ɛ. É jɔʼ bɨn bé ójoʼo no e, mʉr ayi joʼo bʉa. Yé ejala ó, bɨsa byaa taara syɛɛlɨ. Dam be no, esie e mbi jɔʼ yi, lé ákwoʼ kpahbe pyal.» No ó nye a bâʼle lɛɛ e be ó: «Yiʼ kul bʉr, yé ólwimla e yʉʉ; nwaʼ njwɨɨ lwimla e nuu.

«Bɨbwaʼbwaʼ bɨdweʼle bɨ nkul ndwe e mosima, byé ódɨ syɛɛ é dobo e l'alomo ndwe e baatwitwɛn tʉŋlʉ. Oboʼo o maŋ, bé ólaŋle pɨʼba le edùo. Bʉr o bɨkul bɨ si nwaʼ bibyɛh, bé ójoʼo bʉa, mɨleme é mo é zaaama. Bʉa óbul mɛr bʉr é mɨleme, bé ntɔʼ puro mpal lé etoŋlo sa yé óbe, yé mu lé eze syɛɛ é si nwaʼ ɛ, ebe, bɨsa bɨ nkul bɨnɨnɨ ndɨ é jobo kʉ ɨ, byé ólwɨʼlɨ.

No ó nye a bâʼle lɛɛ e be ó: «Yiʼ kul bʉr, yé ólwimla e yʉʉ; nwaʼ njwɨɨ lwimla e nuu.

No ó Yesʉs a lɛɛ ó: «Diʼe ga ncye! Abir ga ó, mʉr gomla bɨn é bebebebe zi. Buobuo bʉr, bé óze e die lam, lé elɛɛ-lɛɛ ó: “Mɛm ó di Lœma mulo mo Zyɛm!” Bé ólɛɛ nteme ó: “Jɔʼ nɨ, yé mu ó kunokuno le epyal!” Sa gwar, mʉr adu ga be.