Известные библейские стихи из MATEO 26

Поделиться

Lâ cuianáꞌ no lâ gnab lo Dioz lehdy di ctzoo laꞌd ni racladzy bêndzab. Xguîlmbahñ laꞌd racladzy ctzoo ni ulihbu nac xñahzû, per xcuerp laꞌd nehx rtibladzy.

Were ra me meññ-rieꞌ yahc ni ziyno me: ―Leññ dguîlmbahñaꞌ nu to xroꞌ guîltrixd, lé rluu gatyaꞌ. Lâ guiaꞌn neꞌ, no lâ cuianáꞌ no naa.

Luxu, za Jesúz stoozy zit-yaañ no bisshiby me lé güdihsh ihqy me lo yu, no günab me lo Dioz, ne me: ―Lii ni nac dTadaꞌ, bâḻ ñahcu ni ñaḻ, bislaa naa de lo ni nadz ni gabiahz naa; per dac‑e gac ni gynin, mazyg ni gyniiy‑e.

porni nirieꞌ we drieñaꞌ ni no lee rdee Dioz diidz nu sto mod-coby par tzu meññ tohzy no leeme, no gyxieꞌu par xtahl meññ hor-gatyaꞌ lehdy guiar xguîlquie yâme.

Lóni gayahgü yâme, cuaꞌ Jesúz paṉ lo ña me, no bdee me xquix Dioz. Luxu, ptzulaꞌy meu, no bdee meu cuaꞌ xmeññ me, no ra me leeyâme: ―Lâ ycaꞌ nirieꞌ, no lâ gahgu; dcuerpaꞌ we leeu.

Luxu cuaꞌ me to cop lo ña me, bdee me xquix Dioz, no bdee meu xmeññ me, ra me lee: ―Lâ goo ni nu leññ cop, gyre laꞌd

Luxu, gubyguiat me ru biaꞌn xmeññ me, no bwieꞌ me nishcahsy yâme, no ra me Pedr: ―¿Di ñaḻ dxi mbianáꞌ laꞌd no naa nîcze diby hór la?

Gapyaꞌ laꞌd, ba nehx zibyguiat gooraꞌ nirieꞌ ni riaa no blatzy xtâ dze-ba diaa nunon laꞌd ru rtzoo dTadaꞌ mdad, were goo nó nicoby.

Were bitsêlou Pedr de ni ra Jesúz leeme: “Dgueññ ziaꞌ cuiadz rig, lii ba tzonn vuelt güniiy nehx rzacloꞌy naa.” Byluxu byruu Pedr de uga, biin me gyre gylux.

Lâ guiahs, tzoꞌ. Lâ güieꞌ, ba gadziñgahsh mpyquie ni gdee naa.

Were ra Jesúz leeme: ―Güluꞌ xispadiꞌ xilgaru. Porni gyre dxu rdeḻy no spad la, no spad gahc‑e gaty yâme.