Известные библейские стихи из Luk 17

Поделиться

Kwe kumugamba nti: “Yimuka ogende, kubanga okukkiriza kwo kukuwonyezza.”

Ate bw'asobyanga gy'oli emirundi musanvu mu lunaku lumu, emirundi omusanvu egyo n'ajja gy'oli ng'agamba nti: ‘Mmoneredde,’ omusonyiwanga.”

Awo omu ku bo bwe yalaba ng'awonye, n'afunyamu ng'atendereza Katonda n'eddoboozi ddene, n'agwa ku maaso ge ku bigere bya Yezu nga yeebaza, sso nga yali Musamariya.

“Mwegendereze; muganda wo bw'asobyanga mukomeko; ate bw'amala n'abonerera, musonyiwenga.

Yezu kwe kugamba nti: “Abalongooseddwa tebabadde kkumi? Kale omwenda bali luuyi wa?

Omukama n'agamba nti: “Singa mwalina okukkiriza okwenkana ng'empeke ya kaladaali, mwandigambye omuti gw'omukunyu guno nti: ‘Weesindule, weesimbe mu nnyanja,’ ne gubawulira.”

Buli awatanya okuwonya obulamu bwe alibubuza; naye buli abuza obulamu bwe, alibuwa okulama.

Ate n'agamba abayigirizwa be nti: “Ebyesittazo tebirirema kujja; naye alibireeta zimusanze! Ekyandisinze obulungi ku ye, lwe lubengo okussibwa mu bulago bwe n'asuulibwa mu nnyanja, aleme kuleetera kyesittazo omu ku bato bano.

Nga bwe gwali mu budde bwa Nowa, era bwe guliba ne mu budde bw'Omwana w'Omuntu. Baali balya nga banywa, nga bawasa, nga bafumbizibwa, okutuusa olunaku Nowa lwe yayingira mu kyombo; omujjuzi ne gujja ne gubazikiriza bonna.