Известные библейские стихи из Psalmyn 18

Поделиться

Nee’ms geamagh er y Chiarn, ta feeu dy ve er ny voylley: myr shen bee’m sauchey veih my noidyn.

Ta raad Yee raad rea: ta goo yn Chiarn neesht er ny phrowal ’syn aile; eh yn fendeilagh ocsyn ooilley ta coyrt nyn dreishteil aynsyn.

Haink angaishyn y vaaish mygeayrt-y-moom: as ren ny thooillaghyn dy vee-chraueeaght m'y agglaghey.

Myr shen clynnee eh my choraa veih e hiamble chasherick: as hig my phlaynt kiongoyrt rish, hed eh stiagh dy-jarroo gys e chleayshyn.

Nee oo myrgeddin my chainle y oaddey: ver y Chiarn my Yee er my ghorraghys dy ve soilshey.

She Jee ta dy my eïllaghey lesh niart caggee: as ta jannoo my raad jeeragh.

Nee’n chloan yoarree failleil: as bee ad agglagh ayns ny ynnydyn follit oc.