Известные библейские стихи из Zone 11

Поделиться

Meke zama la koa sa se Zisu, “Arau tugo sa tinuru pule pa minate meke sa tinoa. Asa sapu va hinokarau si na tie toana si asa, be vea ele mate gua. Meke asa sapu toana meke va hinokarau, si lopu kaqu mate si asa. Va hinokaria goi sapu gua asa?” gua se Zisu.

Ba olaṉa se Zisu, “Vegua, lopu tozi nigo tu Rau sapu kaqu dogoria goi sa ṉiniraṉira te Tamasa be va hinokara si goi?” gua si Asa.

Meke kabo se Zisu.

Meke sipu avosia Zisu sapu gua asa, si zama si Asa, “Sa minoho hie si lopu kaqu kamo pa minate, ba ta evaṉa si hie pude tava lavata sa Tamasa, meke koasa ginugua asa si kote tava lavata tugo sa Tuna Tamasa,” gua se Zisu.

Sipu beto zama ni Sa saripu gua hire, si titioko va ululae si Asa, “Lazarasi, vura mae!” Meke vura mae gana si asa, ta hadei poko tana lovu sa doduru tinina, meke gua tugo sa isumatana. Meke zamai Zisu si arini, “Mi vagi pani sari poko lovu mamu va taloa ia.”

Siṉo maṉini pule se Zisu meke la koasa lovu, sapu keke bae pu ta tuku patu sadana.

Beto zama nia Zisu sapu guahe, si zama pule si Asa, “Sa nada baere e Lazarasi si ele puta, ba kaqu la va vaṉunia Rau si asa,” gua se Zisu.