Известные библейские стихи из Luka 6

Поделиться

Pelini, namwe mulapelwa. Mulapelwa cilingilo cisuma cisindelwe, cakuti musakatile. Pano cilingilo cino mukalingila auzo, acino namwe Leza alamulingila.”

Muntu musuma akafumya vintu visuma pamulandu wa visuma vyaya mu mwenzo wakwe. Muntu mwipe nawe akafumya vintu viipe pamulandu wa viipe vyaya mu mwenzo wakwe. Pano mulomo ukavwanga vintu vizile mu mwenzo.

Lelo temwini anisi inu nu kuyacitila visuma. Nupya mwakongwesya kwaula kupaalila kupokelela cimwi kunoyali. Lyene mulakwata icilambu cikulu, nupya mulaya ana yakwe Leza uwa papelapela. Pano wene akacita visuma kuli yano asitaizya na aipe kwene.

Muye na mizu wakwe vino So uwa mwiyulu waya na mizu.

“Mutapingula auzo, nga Leza nawe atalamupingula. Mutavunuka auzo, Leza nawe atalamuvunuka. Mwaelela auzo, namwe Leza alamwelela.

“Lelo mwe muno mukunguvwa namunena nati, temwini anisi inu, nu kucita cisuma kuli yano amupata. Polelelini yano akumutipwila nupya pepelini yano akumucuzya.

Vino mungatemwa kuti antu yamucitile avino namwe kwene mwayacitila.

Muntu umwi ndi wakuma pitama lyonga, leka akume nu kulyuze kwene. Muntu umwi ndi watola ikoti lyako, leka atoole ni laya kwene. Pela kuli wensi wakulenga icintu cimwi. Muntu umwi ndi watola icakwako, utamuzya kuti akuwezezye.

“Umuti usuma utangaseeka vizao viipe, nu muti uwipe utangaseeka vizao visuma.

Umuti onsi ukamanyika ku vizao vino ukaseeka. Pano antu yasikulula masamvu kufuma ku munga nanti kukulula matingi kufuma kuli nkololwe.