Luka 7
7
1-10: Mat. 8, 5-13.
1Neke lino Jesu avye amalile dzonda ukuvavuda avanu, avapulihi-dzaga, neke baho ingilage mu-Kapelenahumu.
2Neke lino mukâja jijo ali mwali umuvanda va muńa-kipuga, ali vwidevulilo kwa mutwa vakwe, atamike mbandu, ali asa-mba afwa.
3Neke umwene umuńa-kipuga, avye apulike idza Jesu, neke baho avatumage avandzagila va vakina-Juda, atigilage: mukamudedeve mbandu, adzage ku kuno, ananihi-dzage umuvanda vangu.
4Neke baho avene, vavye vadzifike kwa Jesu, neke baho vagimbage pakumudedeva neke vatigilage: avagye umutange, asili vukano uju,
5tuvwene atwendile unefwe pakipelela kyesu na lu luholanilo lwesu atu-dzengye ju mwene.
6Neke baho umwene Jesu neke fivujasage. Neke lino pavye pasigye padebe pakufika pańumba ja muńa-kipuga, neke avatumage je vadzeline, avakutigila: utane ukwi-fwahidza, ve mutw’ave, ndivwene unene sindivagye ukuta vwingilage mukitinga kyangu uveve.
7Kye ndalesile nditane nukwadza unene ukwako, pakuva simbagye ukwako najune. Hamu, ulongage ilidzwi lyene neke aponage umwâna vangu uju.
8Ndivwene ndili munu hela unene ndilevile kuvakomi, najune ndi navo avasilikali mumagulu gangu, neke lino ngana ndilonga kwa jumwinga nditigila: uhelelage kuvutunga, apo ihelela, ujungi ngana nditigila: vwadze kuno, apo ikwadza, kwa muvanda vangu ngana nditigila: ulimage ikitunga, apo ilima.
9Neke umwene Jesu, avye apulike ulu, neke baho amudzumage neke asedukilage ku vamuninilaga ikipuga kyonda neke atigilage: ndikuvavula, ńe vâne, ulufuvo nde ulu sindina ndiluvona nambi muvakina-Jisilahele muno.
10Neke lino vavye vadzifike kuńumba avatumilwe kwa muńa-kipuga, neke baho vakavonage umuvanda ahôkile.
11Neke pakigono kya kilavu neke ahelelage kukâja jimwi, je vitigila Najini. Neke figendasage navańigendwa vakwe nikipuga kya volofu.
12Neke lino vavye vahegelye kukipata kya kâja, neke baho vavonage vańamwe umukwamidzi, je afwe, vihelela muku-musila, umwâna umuńa-kimwinga mwa ṅina. Neke uṅina ali mufwile, neke vavonage navanu ikipuga ikikomi vigenda nave umukiṅinavo.
13Neke umutwa, avye amuvwene umukiṅinavo uju, neke baho amupyanilage neke atigilage: utane ukuvemba.
14Neke baho ahegālelage neke abasage ulupāsa, neke baho vimage avańamwe. Neke baho umwene atigilage: ndiku-kuvula juve, ve mukwa-midz’ave, nditigila: lamuka!
15Neke baho, je afwe, neke akoṅomalage neke akole mukulonga. Neke baho umwene amusindikage kwa ṅina.
16Neke baho uvogofi neke vuvagwilage vonda, neke vamulumbage Nguluvi neke vatigilage: najufwe lino atuvonekye umuvidzi umukomi, kangi vatigilage: Nguluvi atufikye twe vanu vakwe. 1, 68.
17Neke uludzovo, lwe vamudzovaga ulu, neke lutagalile ponda pa-ńi ja mu-Judaja na pa-ńi, ija-fudike mumo.
18-35: Mat. 11, 2-19.
18Neke baho avańigendwa va Johana vakamu-longelage dzonda idzi.
19Neke baho umwene Johana neke avakemelage vamwi avańigendwa vakwe vavili neke avatumage kwa mutwa vakatigilage: vona je veve, je vitigila ikwadza, ene vuli tumudzindilage ujungi?
20Neke baho avagosi ava, vavye vadzifike kwa mwene, neke vatigilage: atutumile ukwako u-Johana umudzabisi, atigye mukatigilage: vona je veve, je vatigilaga ikwadza, ene vuli tumudzindilage ujungi?
21Neke isala jijo umwene ali mukuhōsa avańa-mungo avolofu navańa-fitamwa ifyavapumusaga, nimibepo imihaluka, navabofu avolofu akuvahulila ukulava.
22Neke umwene Jesu apilusage atigilage: muhelelage mukamuvule Johana na dze mwilola na dze mwipulika mukatigilage: avabofu vilola, avalemafu vigenda, avańa-fińa-muvili vitelela umuvili, avadibafu vipulika, avafwe vidzulubuka, kuvahangala lidalikwa ilyevangeli.
23Neke ali kitendileme, je asikuluvona ulwa kwija-mbuhidza ukwangu unene.
24Neke lino vavye vahelye, ve avatumile Johana, neke baho amulage Jesu ukumulonga Johana kuvanu ifipuga neke atigilage: mwahelelaga mukudzilola kiki muluṅalaṅala? Mwahelelaga mukudzilola uludete, ulwipungidzila kuṅala?
25Ongo lino, mwahelelaga mukudzilola kiki? Mwahelelaga mukumulola umunu, je afwete imyênda imideke? Mulolage avipombye imyênda imideke na valya-muno, avo ve vivaha.
26Ongo lino, mwahelelaga mukudzilola kiki? Mwahelelaga mukudzilola umuvidzi? Ena ndakyene, ndikuvavula unene nditigila: alutye na kwa muvidzi. 1, 76.
27Je mwene, je jikumu-longa nihâte, pe jitigila: „lolage, ndikukutumila umuńa-mwandza vangu, umuńa-kukulongolela vulolela, je alakuvujapila iṅasi jako kuvulongolo ukwako.“
28Neke unene ndikuvalongela nditigila: kuvonda, avaholilwe kuvaki-ṅinavo, asina avoneka ujungi, je alutye uvuvina kwa Johana. Neke umunaṅi kuvonda uva muvutwa vwa kukyâńa, ujo amulutye uvukomi u-Johana kangi. 1, 15.
29Neke baho navanu vonda, avapulikaga idzi, navahakipembe neke navo vamupugudzage Nguluvi neke baho vadzabikwage uludzabiko lwa Johana. 3, 7. 12; Mat. 21, 32.
30Va va-Fwalisaja vene navakagula-milagililwe neke vafufyage lwe aluvonye ṅani Nguluvi, neke vatigilage: unefwe tulema ukudzabikwa kwa mwene. Apos. 13, 46.
31Ndivaliṅanidzage nde kiki avanu avalino ava? Valiṅine na nani?
32Valiṅine navâna, avikalile pasokôni, avakwi-kemela vitigila: twe vajińu, tuvapembye nululudzi, neke lino uńeńe musikina, twe vajińu tutahidze nikivembo, neke uńeńe musi-twidihidze pakuvemba.
33Ndivwene adzile Johana, asalyaga ifilyo, asańwedzaga nuvugimbi vwa vutoṅoni, neke baho mwitigila: ali na mudemono.
34Kangi adzile umuswamuve va munu, a ilya, a ińwa, neke lino kangi mwitigila: mudzumage umunu uju, mulya-muno, muńwa-vugimbi, mujanavo na vahakipembe na vahosi. 15, 2.
35Neke lino Luhala ipugudzwa kuvâna vakwe vonda.
36Neke baho umu-Fwalisaja jumwi neke amuke-melage, vakahange ukulya. Neke baho umwene akingilage muńumba ja mu-Fwalisaja neke akikalage. 11, 37.
37Neke lino mukâja jijo ali mwali umukiṅinavo umuhosi. Neke avye apulike ukuta ali muńumba ja mu-Fwalisaja neke baho ańamulage isupa jakwe ja mono ja mila. cf. Mat. 26, 7-13; Joh. 12, 3-8.
38Neke image kumagulu kumbele neke avembage amohodzi. Neke amohodzi akole mukugadomo-hedza mundzajo dzakwe, neke afyangulilage indza-jo nifwili dzakwe neke adzinonelage indzajo neke adzibakage nimono.
39Umwene umu-Fwalisaja, je amukemelye, avye aluvwene ulu, neke baho ahodzage mwileme lyakwe ulwa kutigila: umunu uju, aka avedzage muvidzi, apo ngali amudzelye umukiṅinavo, je akumwabasa uju, ukuta je tunga, na gi migendele gyakwe nga amudzelye, pakuva muhosi.
40Neke baho Jesu neke amwaṅage neke atigilage Simonw’ave, ndili nutukani utwa kukuvūla; neke umwene atigilage: ongo, ulongage, ve mwiganiazi.
41Neke umwene atigilage: vapingile vavili kwa muńa-mâli jumwinga; ujungi apingile ulupija magana gahanu (500), umujagwe apingile makyumi gahanu (50).
42Neke lino fivye fivagajye avene ifya kumwavula, neke baho avapyanilage, avalekage. Ongo lino, ve vavīli ava, alaluta ukumwenda mbandu alikwi?
43Neke apilusage Simono atigilage: Unene nditigila alalutila ukumwenda jujo, je amupelye amalupija amolofu. Neke baho umwene atigilage: ena, ugolwise pakulukĕla.
44Neke baho asedukilage kwa mukiṅinavo neke amulongelage Simono atigilage: ukumuvona umukiṅinavo uju? Ndingye muńumba jako muno, uveve usimelye ululenga ulwa kuhogofehedza indzajo neke lino umwene andomohidze namohodzi pandzajo, afyangulye nifwili dzakwe.
45Uveve usinonye pamulomo unene, umwene amulye gu mwingilo, pe ngikwingila muńumba muno, asina apola ulwa kunonela indzajo dzangu. Lom. 16, 16.
46Uveve usimbakile umutwe nimono. Neke umwene adzibakile indzajo nimono ja mila.
47Kye ndilesile ndikuvūlage nigilage: indzanangifu dzakwe dzivodzi-dzwe indzolofu mbandu, pakuva endile mbandu. Neke lino je ahedzilwe indzanangifu iṅefu, ikwenda ulukefu.
48Neke baho amulongelage umukiṅinavo neke atigilage: indzanangifu dzako ndikuvodzidze. 5, 20. 21.
49Neke baho avene, ve fīkalise pakulya neke vahodzage ulwa kutigila: je munu muki uju, je ivodza na dzi ndzanangifu?
50Neke baho umwene amulongelage umukiṅinavo neke atigilage: lukunanidze ulufuvo lwako, uhelelage, ve utengamine. 8, 48; 17, 19; 18, 42.
Selectat acum:
Luka 7: II
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
New Testament in Bena © Bible Society of Tanzania, 1958.
