Luka 6

1-5: Mat. 12, 1-8; Mal. 2. 28-28.

1Neke baho pakigono kya ńwabaha, pe agendye iṅasi ja pamigunda gya ngano, neke baho avańigendwa vakwe neke yapululage ińodzo dza ngano neke vafigihage namavoko neke validzage.

2Neke baho avangi ava-Fwalisaja vatigilage: mwilima lwa kiki, ululi mwîko pakululima pańwabaha?

3Neke baho apilusage umwene Jesu neke atigilage: uńeńe musidzivwene pahâte dzila, dze alimaga Davidi, pala pe avye adagine na ju mwene na ve ali navo?

4Pe ingilaga muńumba ja Nguluvi, pe inulaga uvugali uvuvonese neke alyage na ve ali navo, uvuli mwîko ukulya munu, vwe vilya va vatekedzi vene?

5Neke kangi atigilage: umuswamuve va munu na kuńwabaha mutwa.

6-11: Mat. 12, 9-14; Mal. 3, 1-6.

6Neke lino pańwabaha ijingi neke ingilage muluholanilo lwanavo neke avadalikilage inôngwa. Neke amuvonage mumo numunu umuńa-livoko ilya-bodzine, lyali lya ndyo.

7Neke avene avakagulihâte nava-Fwalisaja vamwitegelelage, nde iku-mupumunusa pańwabaha, neke vatigilage, pe tudzivonelage baho idza kumuvala. 14, 1.

8Neke umwene adzikagulage, dze vahodzaga, neke baho amulongelage umuńa-livoko ilyabodzine, atigilage: vwimage neke vwime pagati apa. Neke umwene image pagati.

9Neke Jesu atigilage: lino ndikuvavudza mumbulage uńeńe, kivagye kiki pańwabaha nukulima inofu nukulima imbîfu, nukugungula umutima gwa munu nukugutipula?

10Neke avalolesage vonda neke atigilage: uveve ugolosage ilivoko lyako! Neke umwene agolosage ilivoko lyakwe. Neke baho ilivoko lyakwe lidzukage linofu.

11Neke avene pakuka-lalila neke vavedzage ngita vagulwike lukwale neke vakalonganage idza kuta: tumugitage ndavuli Jesu uju?

12-16: Mal. 3, 13-19.

12Neke baho pafigono fifyo neke ahelelage kukidunda mukulapangila, neke agonage ilapangila kwa Nguluvi.

13Neke baho kuvye kukye, neke baho avakemelage avańigendwa vakwe neke muvene ava avahălage avańikyumi na vavili. Neke avapelage nilitavwa ilya v-Apositili. Mat. 10, 2-4; Apos. 1, 13.

14Ve va-Simono, je amupelye ilya Petele nu-Andeleja, umunuṅuve, na Jakovo na Johana, na Filipi na Balatolomaja,

15na Mataja na Toma, na Jakovo, umwa-Alifaja na Simono, je vitigila ilitavwa ilipelwa je Muńa-mufūlo,

16na Juda, umwa-Jakovo na Juda u-Isikalyoto, jujo pambele je ali mudu-musi.

17-12: Mat. 4, 23-5, 1; Mal. 3, 7-12.

17Neke baho asulunukage navo avanu neke akimage navo pavutelefu. Neke vavedzage baho na va vańigendwa vakwe ikipuga ikikomi, nevanu avolofu, avahumile monda na mu-Judaja na mu-Jelusaleme na mwe jikungile muńandza, ija mu-Tili nija mu-Sidono. Vonda ava vadzile muku-pulika inôngwa, dze alongaga nukuta avahōsage ifitamwa fyanavo.

18Vonda hela, ve gyava-fwahidzaga imibepo imilamafu, vonda ava neke avapumunusage.

19Neke lino vonda, ikipuga kyonda, neke vatigilage twabasage gu muvili gwa mwene, pakuta ingufu dzihumage mu mwakwe neke umwene avahōsage vonda.

20-23: Mat. 6, 3. 4. 6. 11. 12.

20Neke baho avinamukilage amîho avańigendwa vakwe neke atigilage: muli kitendileme, ńe vahangala, pakuva uvutwa vwa Nguluvi vweńo juńe.

21Muli kitendileme, je mwidagana lino, pakuva muliguta. Muli kitendileme, je mwivemba amohodzi li lino, pakuva mulaheka uluheko. Luv. 7, 10. 17.

22Muli kitendileme uńeńe, ngana munuṅilwe kuvanu, ngana vikuvabagula na kulukombeso, na pe mwiligwa, ngana namatavwa geńo vikugadilulila pivala, vitigila mahaluka, pakuva muli vanu va nde mwâna va munu.

23Apo mwali mukelage hela pakigono kikyo, mwali mukine nukukina, apo ifya kuvahomba filavedza si fya kugela kukyâńa. Ndivwene na va vadadavo vagite evo pakuvatogela avavidzi.

24Neke kangi iga, ńe vasafi, pakuva mwinulye ṅani ifya kuvańamadza uńeńe. Jak. 5, 1.

25Iga, je mugālahidze ṅani li lino, pakuva muladagana indzala juńe. Iga, je mwiheka, pakuva mina-ńŏńŏvala, mulavemba namohodzi.

26Iga, je mwilongwa ulunofu kuvanu, pakuva na vadadavo vagitaga evo pakuvalonga inofu avavidzi ava vudesi. Jak. 4, 4.

27-36: Mat. 6, 39-48.

27Neke lino uńeńe, je mwipulihidza, ndikuvavula nditigila: muvendage avańa-vukava veńo, ulunofu muvalimilage avakuvasula uńeńe.

28Muvapogodzage avakuvalekela indeko, pakulapangila muvalapangililage navańa-kuvaliga.

29Neke je idzagulwa paludzedze ikivâte kimwi, alutavulage na lu lujagwe. Neke je ifula umwênda gwa pakyâńa gwako, apo utane ukutanila nisopeka.

30Neke vonda, avińilika ifya kuńilika ukwako, apo uvapelage. Neke je ińaga ifyako, utane ukumuhiga.

31Neke dzonda, dze mukelye ukuta avanu vava-limilage uńeńe, dze dzene dze muvalimilage avajińu. Mat. 7, 12.

32Neke ngana mukuvenda, avavendile uńeńe, apo luli kwi, ulwa kuva-hongedza uńeńe? Ndivwene nava vahosi vikumwenda, je avendile.

33Ndivwene ngana mukuvalimila inofu vavo, avakuvalimila inofu na juńeńe, apo luli kwi ulwa kuvahongedza uńeńe? Na va vahosi vigita ndesi.

34Ndivwene ngana mukuvapinga, ve mukuvahuvila ukuta kangi tulafinula, apo luli kwi ulwa kuvahongedza uńeńe? Na va vahosi vakuvapinga avahosi vajanavo, pakuva vitigila tulinula ndesi, ndevye fyategine ifyesu.

35Swe apo humbi muvendage avańa-vukava veńo, muvalimilage inofu, muvapingage nifya kupinga, kindzila-kuhuvila ukuta valatwavula ifyesu, apo ifya kuvahomba uńeńe filavedza fyolofu, apo mulavedza vâna va je alutye, pakuva umwene ivelye muńa-mutima-mufupi na kuvandzila-luhongedzo kwa mwene na kuvahaluka.

36Mupyanidzage, ndevye a ipyanidza na ju dadińo.

37-49: Mat. 7.

37Mutane ukumuhiga munu, apo najuńe asila-vahiga munu. Mutane ukumuhiga ililema umunu, apo na juńe asilavahiga ililema. Muvavodzage avańa-kuvangula, apo na juńeńe valavavodza, ve muvangwe. Mat. 6, 14.

38Mupēlage, apo na juńeńe valavapēla. Pakwanukila mulamba pamagulu geńo ifya pakigelelo ikinofu ikisindile ikikińi-nile ikiselenduka numwîto. Ndivwene ikigelelo, kye mwigelela uńeńe, kye mulagelelwa kikyo na juńeńe. Mal. 4, 24.

39Neke avalongelage ikimańagihidzo neke atigilage: umubofu asilemwa pakumulongolela ilikasi umubofu mujagwe? Vasigwila mwigema ve vavili? Mat. 15, 14.

40Pehela numuńigendwa, j’alutye kwa mwiganidzi vakwe. Nde ave-azage amalile pakwigila, iva ategine numwiganidzi vakwe ndesi. Mat. 10, 24. 25; Joh. 15, 20.

41Vwilola ka kiki akabandzi, akali mulîho lya muńa-lukolo vako, kuno usikwilola uveve ikipanda mulîho lyako?

42Vwilonga ndavuli kwa muńa-lukolo vako ukuta: ve lyâne, ungima tândi, ndikuhedze ikibandzi, ikili mulîho lyako, kuno uveve ilipanda, ilili mulîho lyako usikwilola? Ve mukedus’ave, ka ungatala vwihedze tândi ilipanda, ilili mulîho lyako, apo pe ukagedze ukuhedza na kabandzi, akali mulîho lya mujago.

43Si poguli umubiki umunofu, ugwiveleka ifivîfu, si poguli numubiki umuvîfu, ugwiveleka ifinofu.

44Gonda amabiki gika-gulilwa pa pameke, dze giveleka. Ndivwene utupeke twa midzombe umunu asinokola pamivajula, na vu vutoṅoni umunu asijava pamipogolo.

45Umunu umunofu ifumbula inofu, dze alundile munumbula jakwe, umwene umuhaluka ifumbula ińaluka, dze alundise munumbula jakwe. Ndivwene umunu pamulomo pakulonga ikeledza idzime-mile munumbula jakwe. Mat. 12, 34.

46Mukundonga kiki unene, pe mukunigila mutw’ave, mutw’ave, ukwangu, ka kuno musigendela pa dze nguvavulanidza.

47Neke je ikwadza ukwangu neke apulikage namadzwi gangu neke agendelage gago, ujo aliṅine na nani? Muleke ndivavule.

48Aliṅine numunu, je adzengaga ińumba neke baho agimage neke ahotolage neke palut-alâvwe avikage uvwalo vwa maganga. Neke lino baho vuvye vulemwike uvulava, neke baho ululenga lwitoveledzage pańumba jijo neke lutane ukujide-gusa na padebe, pakuva uvwalo vwińwilidze mulutālâvwe.

49Neke lino je ibihila ukuganinila amadzwi gangu, pe apulike, ujo aliṅine numunu, je adzenga-gaińumba jakwe kindzila-kwala kinu pasi. Neke lino luvye lwitovidze ululenga mumo, neke baho jigwidzage nakalingi hela. Neke baho jonda jivulu-nukage mbandu ulwa kugwa.

Selectat acum:

Luka 6: II

Evidențiere

Partajează

Copiază