Luka 5
5
1-11: Mat. 4, 18-22; Mal. 1, 16-20.
1Neke baho pakigono kimwinga avanu avolofu vafińine hela, vatigye tupulikage inôngwa dza Nguluvi, umwene avye imile pańandza ja mu-Genesalete,
2neke baho afivonage ifyômbo fivili vakwegye palubali pańandza. Neke avene avalofi vahumile mufyômbo, vali mukuho-gofya indzafu dzanavo.
3Neke baho ingilage mukyômbo kya Simono neke atigilage: ungakisuṅa, kijefye kuṅumbuṅumbu. Neke baho ikalage mukyômbo neke avadalikilage avanu inôngwa.
4Neke lino avye amalile ukuvadalikila avanu inôngwa, neke baho amulongelage u-Simono neke atigilage: lino uhelelage pańandza pagati, pe mukasope indzafu dzeńo, mukibate isomba. Joh. 21, 6.
5Neke apilusage Simono atigilage: mutw’ave, tugonile twiyimba, tusibite nambi jimwi, neke lino, pakuva ulongile uveve, apo swe ndisopa ulwâfu.
6Neke lino vavye vasopile, ndevye avalongye, neke baho vavonage dzigwilye isomba indzolofu, nulwâfu lwanavo lukole mukudemuka.
7Neke baho vavakemelage na vajanavo ava mukyômbo ikingi neke vatigilage: mwadze mututange. Neke avene vadzage, neke lino fimemage fye fivīli ifyômbo neke figane fidwivale.
8Neke lino Simono Petele, avye aluvwene ulu, neke baho agwilage mumafugamilo ga Jesu neke atigilage: ungahega apangu apa, mutw’ave, pakuva ndili munu ndili muhosi unene.
9Avwene lyavagwilye ilitulo na ju mwene na vajagwe, ve fyali lumwi, vavwene ndzolofu isomba, dze vibite.
10Na va-Jakovo na Johana, avamwa-Sebedaja, avajagwe va Simono, navo ndeni. Neke umutwa atigilage: utane ukogopa uveve, ulahuma kuneṅuli, ulavedza mulofi ya vanu.
11Neke baho vakwegelage ifyômbo fyanavo paṅumbuṅumbu neke vafilekage baho fyonda neke vaninilage ju mwene. Mat. 19, 27.
12-16: Mat. 8, 1-4; Mal. 1, 40-46.
12Neke pe agendaga mukâja jimwi, neke baho amuvonage umugosi umuńa-fińa-muvili mumuvili gonda. Neke avye amuvwene Jesu, neke baho amugundamilage pasi neke adedevage atigilage: mutw’ave, ngana ukelye uveve, apo usilemwa pakuneledza.
13Neke baho agolosage ilivoko lyakwe neke amwabasage mumuvili neke atigilage: e! utelelage, ndikelye. Neke lino baho na mulomo gula ifińa-muvili fijagage.
14Neke umwene Jesu neke adzidzage atigilage: utane ukupulisa kwe munu, uhelelage hela, ukivonesage kwa mutekedzi, ukategulage ifya pamite-kelele gyako, fye alagye nu-Mose, fivedzage fya volesi avene.
15Neke lino baho inôngwa, dze vamuhahaga, dzilutilage pakutagalila kondakonda. Neke baho avanu ikipuga neke valundanilage apakwe mukumupulika nukuta: tuhōswage ifitamwa fyesu.
16Neke umwene ikwegelage muluṅalaṅala mukulapangila. Mal. 1, 35.
17-26: Mat. 9, 1-8; Mal. 2, 1-12.
17Neke pakigono ikingi, umwene avye akuvavūla inôngwa, vikalile baho nava-Fwalisaja navigani-dza-milagililwe, avahumile monda na mu-Galilaja na mu-Judaja na mu-Jelusaleme, neke baho ingufu dza mutwa dzivedzage pa pakwe idza kuvapumu-nuhidza avanu.
18Neke baho vavonage hava avanu vamuńamwe umunu palupāsa, umuńitela neke vatigilage: tumwingidze, tumuvike kuvutalo ukwakwe.
19Neke vavye vavwene pagajile apakumwingihidza, pakuva avanu vali volofu, neke baho vinukage kukyâńa kwikiṅa lya ńumba neke valalatulage amatimilo neke vamusolondohedzage kumwinga na lu lupāsa lwakwe neke vamuvikage pagati kumîho ga vonda.
20Neke umwene avye aluvwene ulufuvo lwanavo, neke atigilage: ve munw’ave, ndidzivodzidze indzanangifu dzako.
21Neke baho navakagulihâte nava-Fwalisaja neke vakole mukwiganisa neke vatigilage: je nani uju, je idzova fivi kwa Nguluvi? Umuńa-kuvodza indzanangifu je nani? Si je Nguluvi mwene?
22Neke umwene Jesu, avye adzivwene, dze vi-ganisaga, neke baho avandage neke atigilage: mwikwiganisa kiki munumbula dzeńo?
23Neke atigilage: luli ngelula lulikwi nulwa kuta: ndikuvodzidze indzanangifu dzako nulwa kuta: vwimage, ugendage?
24Neke lino kye ndesile nigilage mumukagulage umuswamuve va munu, ukuva navo uvutavulilwe vwa kuvodzehedza jujo kwen’eńi kuno indzanangifu, neke lino ndikukulongela uveve nditigila: vwimage uveve, vwinulage ulupāsa lwako, uhelelage kuńumba jako.
25Neke baho umwene imilage namulomo gugo neke ahelelage vulolela vonda, neke inulage na lu lupāsa lwakwe neke ahelelage kuńumba jakwe neke amulumbage Nguluvi.
26Neke baho ilitulo livagwilage vonda, neke vamulumbage Nguluvi. Neke luvagwilage nulwa vogofi neke vatigilage: gwe tuguvwene nalelo mudzi swe.
27-32: Mat. 9, 9-13; Mal. 2, 13-17.
27Neke pambele, avye ahegile kuko, neke amuvonage umunu umutovakodi, je vatigilaga ilitavwa je Levi. Neke avonage ikalile pavutovelo vwa kodi. Neke je amutigilage: uninilage ukwangu.
28Neke baho umwene neke afilekage baho fyonda neke image neke amuninilage jujo.
29Neke baho Levi neke amutelekelage nifilyo ifyolofu muńumba jakwe. Neke vikalage mukulya ikipuga ikikomi kya vatovakodi neke vahangage navangi avajanavo. 15, 1.
30Neke avene ava-Fwalisaja navakagulihâte avajanavo neke viṅulandzage kuvańigendwa vatigilage: mwihanga kiki pakulya navahakipembe navahosi, mwińwelanila kiki navo?
31Neke baho apilusage Jesu atigilage: avadzila-kitamwa vasisakula umujava-migoda, avatamwa avo visakula umujava-migoda.
32Unene sindadzile mukuvakemela avagolofu ukuta vapitukage, hamu, unene ndikuvakemela avahosi nditigila: mupitukage.
33-39: Mat. 9, 14-17; Mal. 2, 18-22.
33Neke avene vatigilage: avańigendwa va Johana vihwa kitalya ifilyo kavili-kavili neke vilapangila nukulapangila, neke avańigendwa va va-Fwalisaja navo vigita ndesi, e neke avako lino uveve vinemela ukulya ifilyo, vinemela ukuńwa hela uvugimbi, kye kiki evo?
34Neke umwene avalongelage atigilage: avalya-filyo fya panavula avaga-gilidzage ani ulwa kuta muhwedzage kitalya ifilyo, ka kuno vave vali nave umutodzi?
35Kiladza ikigono, kye valavona umutodzi ajagile, apo pe pene pe valahwa kitalya filyo ifigono fifyo.
36Neke avalongelage nulwa kumańagidza neke atigilage: si pwali, je ide-mula ikipabiko pamwênda umupya neke akipabikage pamwênda umusakafu, ngana ikola mukupabika. Ngana itigila agite evo, apo ikwambudza na gu mupya, gwifwa ndesi, alavona na ki kipabiko ikipya kisikwege-mana numwênda umusakafu.
37Kangi si pwali jungi, je isopa uvutoṅoni uvuhudzano mubogolo isakafu ija vutoṅoni. Ngana umunu isopavo, apo uvutoṅoni uvuhudzano vwipwefuliṅasa ibogolo idza vutoṅoni neke baho uvutoṅoni vonda vwikwitikila pasi, na dzi bogolo ve dzanangike dzonda.
38Hamu, uvutoṅoni uvuhudzano umunu asopage mubogolo imya.
39Si pwali je ikela ukuńwa uvutoṅoni uvuhudzano, je ihongile pakuvuńwa uvutoṅoni uvugona. Ndivwene itigila: vulutye uvutoṅoni uvugona paminogele.
Selectat acum:
Luka 5: II
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
New Testament in Bena © Bible Society of Tanzania, 1958.
