Versete biblice populare din Luka 5

Partajează

Neke lino avye amalile ukuvadalikila avanu inôngwa, neke baho amulongelage u-Simono neke atigilage: lino uhelelage pańandza pagati, pe mukasope indzafu dzeńo, mukibate isomba.

Neke apilusage Simono atigilage: mutw’ave, tugonile twiyimba, tusibite nambi jimwi, neke lino, pakuva ulongile uveve, apo swe ndisopa ulwâfu. Neke lino vavye vasopile, ndevye avalongye, neke baho vavonage dzigwilye isomba indzolofu, nulwâfu lwanavo lukole mukudemuka.

Neke umwene ikwegelage muluṅalaṅala mukulapangila.

Unene sindadzile mukuvakemela avagolofu ukuta vapitukage, hamu, unene ndikuvakemela avahosi nditigila: mupitukage.

Neke lino Simono Petele, avye aluvwene ulu, neke baho agwilage mumafugamilo ga Jesu neke atigilage: ungahega apangu apa, mutw’ave, pakuva ndili munu ndili muhosi unene.

Neke baho apilusage Jesu atigilage: avadzila-kitamwa vasisakula umujava-migoda, avatamwa avo visakula umujava-migoda.

Neke baho vakwegelage ifyômbo fyanavo paṅumbuṅumbu neke vafilekage baho fyonda neke vaninilage ju mwene.

Neke pe agendaga mukâja jimwi, neke baho amuvonage umugosi umuńa-fińa-muvili mumuvili gonda. Neke avye amuvwene Jesu, neke baho amugundamilage pasi neke adedevage atigilage: mutw’ave, ngana ukelye uveve, apo usilemwa pakuneledza. Neke baho agolosage ilivoko lyakwe neke amwabasage mumuvili neke atigilage: e! utelelage, ndikelye. Neke lino baho na mulomo gula ifińa-muvili fijagage.

Neke lino baho inôngwa, dze vamuhahaga, dzilutilage pakutagalila kondakonda. Neke baho avanu ikipuga neke valundanilage apakwe mukumupulika nukuta: tuhōswage ifitamwa fyesu.