Versete biblice populare din Luka 7

Partajează

Kye ndilesile ndikuvūlage nigilage: indzanangifu dzakwe dzivodzi-dzwe indzolofu mbandu, pakuva endile mbandu. Neke lino je ahedzilwe indzanangifu iṅefu, ikwenda ulukefu. Neke baho amulongelage umukiṅinavo neke atigilage: indzanangifu dzako ndikuvodzidze.

Neke baho umwene amulongelage umukiṅinavo neke atigilage: lukunanidze ulufuvo lwako, uhelelage, ve utengamine.

Neke image kumagulu kumbele neke avembage amohodzi. Neke amohodzi akole mukugadomo-hedza mundzajo dzakwe, neke afyangulilage indza-jo nifwili dzakwe neke adzinonelage indzajo neke adzibakage nimono.

Kye ndalesile nditane nukwadza unene ukwako, pakuva simbagye ukwako najune. Hamu, ulongage ilidzwi lyene neke aponage umwâna vangu uju. Ndivwene ndili munu hela unene ndilevile kuvakomi, najune ndi navo avasilikali mumagulu gangu, neke lino ngana ndilonga kwa jumwinga nditigila: uhelelage kuvutunga, apo ihelela, ujungi ngana nditigila: vwadze kuno, apo ikwadza, kwa muvanda vangu ngana nditigila: ulimage ikitunga, apo ilima. Neke umwene Jesu, avye apulike ulu, neke baho amudzumage neke asedukilage ku vamuninilaga ikipuga kyonda neke atigilage: ndikuvavula, ńe vâne, ulufuvo nde ulu sindina ndiluvona nambi muvakina-Jisilahele muno.

Neke isala jijo umwene ali mukuhōsa avańa-mungo avolofu navańa-fitamwa ifyavapumusaga, nimibepo imihaluka, navabofu avolofu akuvahulila ukulava. Neke umwene Jesu apilusage atigilage: muhelelage mukamuvule Johana na dze mwilola na dze mwipulika mukatigilage: avabofu vilola, avalemafu vigenda, avańa-fińa-muvili vitelela umuvili, avadibafu vipulika, avafwe vidzulubuka, kuvahangala lidalikwa ilyevangeli.