Versete biblice populare din Luka 8

Partajează

Neke lino ijene, ija-gwidzaga pa-ńi inofu, ve vene, avivona vapulike ilidzwi neke valivikage munumbula indele inofu neke vigugumidzage pakuveleka.

Ijadzigwilaga pamifwa, ve vene, avivona vapulike neke pamigendele gyanavo valetage nukwi-ganya nuvusafi nuvudobofu vwa mīkalile, avene ava vitītwa neke imeke dzitane ukukangala.

Ijagwaga palutālâvwe, ve vene, avivona vapulike ilidzwi, neke baho vakelage pakulyanukila. Neke avene imidela vasili nagyo, ulufuvo lwanavo luli pafigon, o nde filingi. Vivona pe yigemwa neke valekesage.

Neke avavudzage atigilage: ulufuvo lweńo lulikwi? Neke avene vahandzage nuvogofi nuku-dzuma neke vivudzage vatigilage: je nani umwene uju? Pakuva idzova kwivelo na kululenga.

Ijagwaga pikasi, ve vene, avipulika, neke kangi umuhēsi adzage alińagage ilidzwi munumbula dzanavo, pakuva itigila vatane ukufuvwa neke vanane.

Ndivwene ngana lusiku fyonda ifya kukińele filivonesa pavudondya, neke tonda utwigubikye, ngana lusiku, tulagubutulilwa, tulavonekela pavuvalafu.

Neke lino umukiṅinavo, avye avwene ukuta sindifihamika, neke baho ahegēlelage nuvogofi ṅani neke agwilage pasi neke amugotolelage dzonda, idzamuhulye ukumwabasa neke adzilongage hela, pe vipulika avanu vonda. Neke amuvulage na lwe ananye bahobaho hela. Neke umwene atigilage: ve mwalivangu uveve, lukunanidze ulufuvo lwako, uhelelage, ve kuvalye.

Neke baho vahelelage vamulamusage vatigilage: mulugw’ave, mulugw’ave, twifwa. Neke baho umwene alamukage neke akabusage kumuvelo na kumavingo ga lulenga, neke baho palitamage, neke pavedzage dzidzidzi hela.