Johana 7
7
1Neke pambele pa idzi neke baho Jesu adzungutilage mu-ńi ja mu-Galilaja, pakuva asakelye ukudzungutila mu-ńi ja mu-Judaja, pakuva avwene ava-Juda vagane vamuvulage. 6, 1.
2Neke ikyâka kya va-Juda ikya matînga kyali pîpi.
3Neke baho avanuṅuve neke vamulongelage neke vatigilage: uhegage pa-ńi iji, uhelelage kuko ku-Judaja, na va vańigendwa vako navo vagavonage amalimo gako, ge vwilima uveve. 2, 12; Mat. 12, 46; Apos. 1, 14.
4Tuvwene sipwali umunu, je ilimila ikinu kukińele, ngana isakula ukwivonesa kyedzamutima. Ngana vwilima ndavuli idzi, apo usikukilage ku-ńi.
5Pakuva navanuṅuve vasamufuvwaga.
6Neke umwene Jesu avalongelage neke atigilage: unene ikigono kyangu kisina kifikila, uńeńe ikigono kyeńo kisili na lunu. 2, 4.
7Uńeńe ińi jilemwa ukuvasula, neke unene jisulile, pakuva ndikujolela nditigila: amalimo gajo mahaluka. 15, 18.
8Uńeńe mwinukage muhelelage kukyâka. Unene sindikwinuka kukyâkaiki, pakuva ikigono kyangu unene kisina kidudzwa.
9Avye avalongye ulu, neke baho umwene ikalage mu-ńi ja mu-Galilaja.
10Neke lino avye avwene avanuṅuve vinwike, neke nave neke inukage neke ahelelage kukyâka. Neke umwene atanage ukugenda vudondya, nda umwene agendaga kukińele.
11Neke avene ava-Juda neke vamusakulage pakyâka neke vatigilage: ali kwi umwene jula?
12Neke avanu dzivedzage ndzolofu idza kuhēhanila, pe vamulongaga umwene. Neke avangi vatigilage: umwene munofu. Neke avangi vatigilage: nda! akuvalūfya avanu.
13Asali pwali ujungi umuńa-kudzilonga kyedza-mutima idzen’idzi, pakuva vavogopaga ava-Juda. 9, 22; 12, 42; 19, 38.
14Pagatinagati ja kyâka neke baho Jesu inukage neke ahelelage mutembele neke aviganidzage avanu.
15Neke baho ava-Juda neke vadzumangage neke vatigilage: umunu uju akudzikagula ndavuli inôngwa idza pahâte, kuno si muvunge? Mat. 13, 54.
16Neke baho apilusage neke atigilage: uvwigidzi vwangu si vwangu june nda, vwa jujo je anumile unene.
17Neke je itigila alulimage, lwe akelye umwene, apo alavukagula uvwigidzi uvu, kwe vuhumile, nde vuhumile kwa Nguluvi, nde ndidzova hela lu lwangu.
18Neke umuńa-kulonga dzi dzakwe ju mwene, apo ujo isakula ulwa kwiginya ju mwene. Neke lino je itigila: ndimuginyage je anumile, apo ujo je va koluli, apo na vu vugaja-vugolofu si movuli umwakwe. 5, 41. 44.
19U-Mose asivapelye imilagililwe? Neke uńeńe, ndevye mugenda vuli, si pwali nambi jumwi, je igendela imilagililwe. Ka mwisakula kiki pakumbulaga? Apos. 7, 53; 5, 16. 18.
20Neke baho vapilusage avanu neke vatigilage: uli muńa-lukwale humbi! Je nani je atigye akuvulage uveve? 8, 48. 52; 10, 20.
21Neke apilusage Jesu neke atigilage: ndilimile lumwinga hela neke valudzumangile mbandu. 5, 16.
22U-Mose avapelye ukusingwa (neke ukwene ukuhumila sikuhumye pa-Mose, nda kuhumye pavadadisu). Neke lino uńeńe umunu mukumusinga na pańwabaha.
23Neke lino umunu, ngana ikwanukila ukusingwa pańwabaha, pakuva mwitigila: imilagililwe gya Mose tutane ukugidzumba, apo mukumbikila ililakali ndavuli unene, pakuva ndimuhosidze umunu monda pańwabaha?
24Pe mwihiga, mutane ukuhiga lu lwa mu mîho hela, hamu, muhigage idza vugolofu.
25Neke baho avangi ava mu-Jelusaleme mumo neke vatigilage: si je mwene, je vakatigye vakumuvulaga uju? v. 19.
26Ahuju ilonga hela kyedzamutima neke avene ukwakwe vasipilusa kinu; valudzelye ndakyene lino avavina, ukuta je Kilisiti uju?
27Lino kangi hamu, pakuva uju tumudzelye, kwe ahumile. Neke ngana lusiku alava ikwadza u-Kilisiti, apo tusilamudzela na kwe ahumile. v. 41.
28Neke baho umwene Jesu neke ańwilidzage mbandu mutembele, pe ikuvadalikila inôngwa neke atigilage: ena, mundzelye mbandu unene, mundzelyenakwe ńumile. Neke lino mutane ukutigila unene ndadzye vusuṅe vwangu june, ha nda, kwali umwene uva ndakyene, je anumile unene, je musimudzelye uńeńe.
29Neke unene ndimudzelye, pakuva ndihumile ku kwakwe, nukunuma anumile jujo. Mat. 11, 27.
30Neke baho vagane vamwavike, kangi asage-dzidze jungi pakumuda-mika ilivoko, pakuva jali jave jumwene isala jakwe. 8, 20; Luk. 22, 53.
31Neke avamufuvwaga, avali mukipuga kikyo, vali volofu neke vatigilage: neke ulwene, nde avedzage ikwadza u-Kilisiti, alalutila kwa munu uju pakuvonesa ifilŏle? 8, 30.
32Neke baho ava-Fwalisaja neke vapulikage, dze vapwepanilaga idzakwe avanu ikipuga kyonda. Neke baho avatekedzi avavina nava-Fwalisaja neke vavatumage avańivaha vanavo ukuta mukamwavike.
33Neke lino Jesu atigilage: lino twihwedzasa nańeńe ifigono nde filingi hela, apo ve swêla ndipilukila kwa je anumile unene. 13, 33.
34Mulasakula neke musilambona ponu. Neke kwe ndidzivedza unene, uko mwilemwa ukudzifika. 8, 21.
35Neke baho ava-Juda vilondzage vatigilage: ikola kwi umwene uju, kwe itigila musilambona? Ihelela kuvajesu, avapalaṅanye muva-Giliti ss? Itigila ndihelelage neke ndivavulanidzage ava-Giliti ss?
36Ilonga kiki, pe itigila: mulasakula neke ukumbona kwe musilambona ponu, na pe itigila: na kwe ndidzivedza unene, kwe uńeńe mulalemwa ukudzi-fika?
37Neke pakigono ikya kuvwapulilo vwa kyâka, ikyali kikomi, neke baho u-Jesu image baho neke inusage ilidzwi neke atigilage: je akelwike iṅelu, adzage ukwangu neke ańwage. 4, 10.
38Umuńa-kufuvwa ukwangu, apo ujo ifilwita fya lulenga lwa vûmi filadwivuka mwileme lyakwe, ndevye jilonga na ji hâte.
39Lwen’ulu amulongaga ju Mubepo, je vakolaga mukumwanukila avamufuvwaga, avwene u-Mubepo ali ave ukutavulwa, pakuva u-Jesu ali ave ukwingila mundolo dzakwe. 16, 7.
40Neke baho avanu avamukipuga mumo, avapulikaga amadzwi, ge alongaga, neke avangi vatigilage: ndakyene uju je muvidzi jujo. 6, 14.
41Neke avangi vatigilage: je Kilisiti uju. Neke avangi vatigilage: neke lino Kilisiti ihumila mu-Galilaja ss? 1, 46.
42Ihâte jisitigila: u-Kilisiti alahumila mukipelela kya Davidi, jisitigila: Kilisiti alahumila mukâja mu-Beteleheme, mwe mwali u-Davidi? Mat. 2, 5. 6; 22, 42.
43Neke baho avanu neke valekanage mwe ndekano ulwa panôngwa jakwe. 9, 16.
44Neke avangi vaganage vamwavike neke kangi atanage ukumudamika ilivoko nambi jumwi. v. 30.
45Neke baho vahelelage avańivaha kuvatekedzi avavina na kuva-Fwalisaja. Neke baho avene vatigilage: musimuletile kiki?
46Neke vapilusage avańivaha neke vatigilage: si pwali umunu, je ilonga ndevye ilonga umunu uju. Mat. 7, 28. 29.
47Neke baho ava-Fwalisaja vatigilage: o, najuńe avalufidze?
48Pwali jumwi umuvina, je amufuvilwe; pwali nambi umu-Fwalisaja, je amufuvilwe?
49Nda hamu, gi minu gyene, igisigidzelye na gi milagililwe, gye mińandeko swe.
50Neke umwene u-Nikodeme, je ahelye kwa Jesu pamwandi, nave je ali mujanavo, neke je atigilage: 3, 1. 2.
51ino vona imilagililwe gyesu gikumukĕlela ṅani umunu, pe vave nukumu-pulika na ju mwene, pe vasina valufika na lwe ahokile?
52Neke avene vapilusage vatigilage: vona najuve upihumile mu-Galilaja? Ka ungapodzandza najuve neke ulufikage ukuta umuvidzi asihumila ponu mu-Galilaja. v. 41.
[53Neke baho vapalańa-nage neke na jula ahelelage kukâja jakwe.
Selectat acum:
Johana 7: II
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
New Testament in Bena © Bible Society of Tanzania, 1958.
