Bruă Mơnuă 7
7
Tơlơi Êtiên Pơtô
1Khua ngă yang prŏng hloh tơña kơ Êtiên: “Djơ̆ sĭt tui anŭn mơ̆?”
2Êtiên laĭ glaĭ: “Ơ ƀing adơi ayŏng, Ơ ƀing ama, dŏ hmư̆ kâo bĕ! Ơi Adai kơ tơlơi ang yang hmâo pơƀuh brơi kơ Abraham, ơi adon ƀing ta hlăk ñu dŏ pơ Mêsôpôtami, hlâo kơ ñu nao dŏ pơ plei Čaran,#Čơd 12:1. 3hăng laĭ kơ Abraham: ‘Tơbiă bĕ mơ̆ng čar hăng mơ̆ng kơnŭng djuai ih, laih anŭn nao pơ čar Kâo či kơčrâo brơi ih.’ 4#Čơd 11:31; Čơd 12:4.Hlăk anŭn ñu tơbiă mơ̆ng čar Kaldê hăng nao dŏ pơ plei Čaran. Tơdơi kơ ama ñu djai, Ơi Adai ngă brơi ñu tơbiă mơ̆ng plei anŭn nao dŏ amăng čar ƀing gih dŏ ră anai. 5#Čơd 12:7; 13:15; 15:18; 17:8.Ơi Adai ƀu brơi kong ngăn hơgĕt kơ ñu ôh amăng čar anŭn, ƀôdah sa pŏk lŏn đơ plă tơkai juă kŏn hmâo lơi, samơ̆ Ơi Adai ƀuăn či brơi čar anŭn jing kong ngăn kơ ñu laih anŭn kơ ƀing ană tơčo ñu tơdơi adih, wơ̆t dah hlăk anŭn Abraham aka hmâo ană ôh. 6#Čơd 15:13,14.Ơi Adai laĭ ƀing ană tơčo ñu či jing tuai amăng čar arăng; arăng či mă ƀing gơñu ngă hlŭn hăng kơtư̆ juă gơñu amăng pă rơtuh thŭn. 7#Tơb 3:12.Samơ̆ Ơi Adai laĭ: ‘Kâo či phat kơđi djuai mơnuih ngă kơ gơñu jing hlŭn. Giơ̆ng kơ anŭn gơñu či tơbiă mơ̆ng čar djuai tuai hăng rai kơkuh pơpŭ kơ Kâo amăng anih anai.’ 8#Čơd 17:10-14; Čơd 21:2-4; Čơd 25:26; Čơd 29:31–35:18.Ơi Adai brơi kơ Abraham kơnol pơgop hăng phĕt khăt klĭ. Hnŭn yơh, tơ Abraham tơkeng Isak ñu khăt klĭ gơ̆ amăng hrơi tal sapăn. Isak khăt klĭ kơ Yakôp, Yakôp ăt kar kaĭ mơ̆n khăt klĭ kơ ƀing pluh dua čô ơi phŭn kơ ƀing Israel.
9 #
Čơd 37:11;
Čơd 37:28;
Čơd 39:2,21. Ƀing ơi phŭn anŭn moañ kơ Yôsep, sĭ hĭ ñu pơ čar Êjip. Samơ̆ Ơi Adai dŏ hrŏm hơbĭt hăng ñu, 10#Čơd 41:39-41.laih anŭn pơklaih ñu mơ̆ng abih bang tơlơi tơnap tap hăng brơi kơ ñu hmâo tơlơi pap laih anŭn tơlơi kơhnâo ƀơi anăp Pharaôn, pơtao čar Êjip. Pơtao anŭn jao brơi gơ̆ jing khua prŏng wai lăng čar Êjip wơ̆t sang pơtao mơ̆n. 11#Čơd 42:1,2.Hlăk anŭn hmâo tơlơi ư̆ rơpa tar ƀar čar Êjip hăng wơ̆t čar Kanaan. Hmâo tơlơi tơnap tap prŏng, laih anŭn tơl ƀing ơi adon ƀing ta ƀu dưi hyu sem gơnam ƀơ̆ng huă tah. 12Tơ Yakôp hmư̆ hing amăng čar Êjip hmâo pơdai, ñu pơkiaŏ ƀing ơi adon ta nao pơ anŭn tal sa. 13#Čơd 45:1; Čơd 45:16.Truh tal dua, Yôsep brơi ƀing adơi ayŏng ñu thâo krăn ñu. Laih anŭn kah Pharaôn thâo krăn kơnŭng djuai Yôsep. 14#Čơd 45:9,10,17,18; Čơd 46:27 (LXX).Yôsep pơkiaŏ arăng nao tŭ mă Yakôp ama ñu hăng abih bang kơnŭng djuai gơ̆, hmâo tơjuh pluh rơma čô. 15#Čơd 46:1-7; Čơd 49:33.Tui anŭn Yakôp trŭn nao dŏ pơ čar Êjip, laih anŭn djai hĭ pơ anŭn, wơ̆t ƀing ơi phŭn ƀing ta ăt djai kar kaĭ mơ̆n. 16#Čơd 23:3-16; 33:19; 50:7-13; Yôs 24:32.Klang gơñu arăng ba glaĭ pơ plei Sičem, hăng dơr gơñu amăng pơsat Abraham hmâo blơi laih hăng nua prăk mơ̆ng ƀing ană đah rơkơi Hamôr plei Sičem.
17 #
Tơb 1:7,8. Tơ giăm truh rơnŭk Ơi Adai pơsĭt tơlơi Ñu ƀuăn hăng Abraham, ană plei ta amăng čar Êjip đĭ lar lu jai, 18tơl hmâo sa čô pơtao pơkŏn wai lăng čar Êjip, pô anŭn ƀu thâo krăn Yôsep ôh. 19#Tơb 1:10,11; Tơb 1:22.Pơtao anŭn ngă tơlơi mơneč hăng ƀing kơnŭng djuai ta, laih anŭn pơgŏ ƀing ơi adon ta khŏm glŏm lui hĭ ană nge, ƀu brơi gơñu hơdip ôh. 20#Tơb 2:2.Amăng rơnŭk anŭn arăng tơkeng kơ Môis, ñu jing hiam rŏ biă mă ƀơi anăp Ơi Adai, laih anŭn amĭ ama ñu hmâo rong ñu pơ sang amăng klâo blan. 21#Tơb 2:3-10.Tơ amĭ ama ñu lui hĭ ñu, hơbia ană Pharaôn mă rong ba ñu hrup hăng ană ñu pô. 22Arăng pơhrăm Môis abih tơlơi kơhnâo ƀing Êjip. Ñu hmâo tơlơi dưi kơtang amăng tơlơi pơhiăp wơ̆t amăng bruă ngă.
23 #
Tơb 2:11-15. Hlăk Môis hmâo pă pluh thŭn laih, ñu hmâo tơlơi pơmĭn amăng pran jua ñu kiăng nao čuă ngui ƀing adơi ayŏng ñu, jing ƀing Israel. 24Tơ ñu ƀuh arăng ngă sat kơ sa čô amăng ƀing gơñu, ñu pơdŏng pô arăng kơtư̆ juă hăng taih pơdjai hĭ mơnuih Êjip anŭn kiăng kơ rŭ nua brơi. 25Ñu mĭn dah adơi ayŏng ñu či thâo hluh Ơi Adai či yua hăng tơngan ñu pơklaih ƀing gơñu, samơ̆ gơñu ƀu thâo hluh ôh. 26Hrơi tơdơi ñu ƀuh dua čô Israel pơrơdjơ̆ pơtaih tơdruă gơñu, Môis nao jĕ kiăng ngă pơrơnom glaĭ hăng laĭ: ‘Hơi, hmư̆ kâo bĕ ƀing gih jing adơi ayŏng hyư̆m kiăng ngă pơrăm tơdruă lĕ?’ 27Samơ̆ pô kơtư̆ juă ƀing gơ̆p ñu anŭn hơngah lui Môis hăng laĭ: ‘Hlơi hmâo pơjing ih khua wai lăng hăng khua phat kơđi kơ gơmơi? 28#Tơb 2:14.Ih kiăng pơdjai kâo kar hăng ih hmâo pơdjai laih mơnuih Êjip hrơi tơ̆m brôi anŭn hă?’ 29#Tơb 18:3,4.Tơ hmư̆ tơlơi anŭn, Môis đuaĭ dŏp nao dŏ amăng čar Madian. Pơ anŭn ñu hmâo dua čô ană đah rơkơi.
30 #
Tơb 3:1-10. Pă pluh thŭn tơdơi, sa čô ling jang pơƀuh kơ Môis amăng jơlah apui dŏ ƀơ̆ng pum drơi pơ tơdrŏn har čư̆ Sinai. 31Môis ƀuh hăng kơtuă hling hlang kơ anŏ ñu ƀuh anŭn, laih anŭn ñu nao jĕ kiăng lăng rơđah hloh, samơ̆ ñu hmư̆ săp Khua Yang pơhiăp hăng ñu, 32‘Kâo jing Ơi Adai kơ ƀing ơi adon ih. Ơi Adai kơ Abraham, Ơi Adai kơ Isak, laih anŭn Ơi Adai kơ Yakôp.’ Môis hwĭ tơtư̆ ƀu khĭn lăng ôh. 33#Tơb 3:5.Khua Yang laĭ kơ ñu: ‘kleh hĭ bĕ klĭ juă mơ̆ng tơkai ih, yua kơ anih ih dŏ dơ̆ng anŭn jing lŏn rơgoh hiam. 34#Tơb 3:7-10.Sĭt biă mă Kâo ƀuh laih tơlơi arăng kơtư̆ juă ƀing ană plei pla Kâo amăng čar Êjip. Kâo hmư̆ laih tơlơi gơñu ur krao, hnŭn yơh Kâo trŭn rai kiăng pơklaih gơñu. Ră anai, rai bĕ, Kâo či pơkiaŏ nao ih pơ čar Êjip.’
35 #
Tơb 2:14. Môis anai yơh, pô gơñu hmâo hơngah laih hăng laĭ: ‘Hlơi hmâo pơjing ih khua wai lăng hăng khua phat kơđi kơ gơmơi?’ ñu yơh Ơi Adai pơkiaŏ nao jing khua wai lăng laih anŭn jing pô pơrơngai hăng tơngan ling jang, pô hmâo pơƀuh laih kơ ñu amăng pum drơi. 36#Tơb 7:3; Tơb 14:21; Yap 14:33.Môis anŭn yơh jing pô hmâo ba gơñu tơbiă. Ñu hmâo ngă lu tơlơi mơsêh mơyang hăng gru kơnăl mơyang amăng čar Êjip, ƀơi ia Rơsĭ Mriah, laih anŭn ƀơi tơdrŏn har amăng pă pluh thŭn. 37#Mơñă 18:15,18.Môis anai yơh pô hmâo pơhiăp laih kơ ƀing ană Israel tui anai: ‘Ơi Adai či yŏng đĭ mơ̆ng tơ̆ng krah adơi ayŏng ƀing gih sa čô pô laĭ lui hlâo kơ ƀing gih kar hăng kâo.’#7:37 kar hăng kâo; ƀôdah kar hăng Ñu hmâo yŏng đĭ laih kâo; 38#Tơb 19:1–20:17; Mơñă 5:1-33.Môis anai yơh pô dŏ amăng tơ̆ng krah ană plei pla pơtŭm pơ tơdrŏn har hrŏm hơbĭt hăng ling jang, Pô hmâo pơhiăp laih hăng ñu ƀơi čư̆ Sinai, laih anŭn hăng ƀing ơi adon ƀing ta. Laih anŭn ñu mơ̆n hmâo tŭ mă laih boh pơhiăp hơdip kiăng brơi kơ ƀing ta. 39Samơ̆ ƀing ơi adon ƀing ta ƀu kiăng tui gưt kơ Môis ôh, hơngah hĭ ñu, laih anŭn pran jua ƀing gơñu kiăng glaĭ pơ čar Êjip. 40#Tơb 32:1.Tui anŭn gơñu laĭ kơ Arôn: ‘Ngă brơi bĕ kơ gơmơi ƀing yang nao hlâo ba jơlan kơ ƀing gơmơi. Bơ Môis, pô hmâo ba ƀing ta tơbiă mơ̆ng čar Êjip, gơmơi ƀu thâo ôh hơgĕt tơlơi hmâo truh laih kơ ñu.’ 41#Tơb 32:2-6.Amăng khul hrơi anŭn, gơñu tuh rup sa drơi rơmo ană. Gơñu pơyơr mơnơ̆ng ngă yang kơ rup trah anŭn, hăng hơ̆k mơak kơ bruă tơngan gơñu hmâo ngă anŭn. 42#Amôs 5:25-27 (LXX).Yua kơ anŭn, Ơi Adai lui hĭ gơñu hăng jao hĭ gơñu brơi kơkuh pơpŭ kơ khul pơtŭ amăng adai, tui hăng arăng hmâo čih laih amăng hơdrôm hră ƀing pô laĭ lui hlâo:
‘Ơ ƀing Israel, ƀing gih hmâo pơyơr mơ̆ mơnơ̆ng ngă yang laih anŭn mơnơ̆ng pơyơr kơ Kâo,
Amăng pă pluh thŭn pơ tơdrŏn har?
43Ư ưh, ƀing gih čơkung ba sang khăn yang Môlok,
Laih anŭn rup pơtŭ yang Rôphan,
Rup anŭn ƀing gih ngă pioh kiăng kơkuh pơpŭ.
Yua kơ anŭn yơh, Kâo či puh pơđuaĭ ƀing gih pơ gah adih čar Babilôn.’
44 #
Tơb 25:9,40. Ƀing ơi adon ƀing ta hmâo laih sang khăn tơlơi Gơ̆ng Jơlan Pơsĭt amăng tơdrŏn har, tui hăng Ơi Adai pô hmâo pơtă kơ Môis brơi ngă kar hăng rup sang ñu hmâo ƀuh laih. 45#Yôs 3:14-17.Amăng rơnŭk ơi adon ƀing ta, gơñu čơkung ba sang khăn anŭn hrŏm hơbĭt hăng Yôsuê, tơl gơñu sua mă lŏn ƀing djuai mơnuih Ơi Adai hmâo puh pơđuaĭ mơ̆ng anăp gơñu. Sang khăn anŭn ăt dŏ truh pơ rơnŭk pơtao Đawit. 46#II Sa 7:1-16; I Čih 17:1-14.Đawit hmâo tơlơi pap ƀơi anăp Ơi Adai laih anŭn ñu rơkâo kiăng pơdơ̆ng sa boh sang, anih dŏ pioh kơ Ơi Adai Yakôp;#7:46 Ơi Adai Yakôp; đơđa Hră Ơi Adai Pơhiăp so đưm čih ƀing Israel. 47#I Pơtao 6:1-38; II Čih 3:1-17.Samơ̆ Salômôn yơh pơdơ̆ng sa boh sang kơ Ơi Adai.
48Samơ̆ Ơi Adai Pô Glông Hloh ƀu dŏ amăng anih sang ngă hăng tơngan mơnuih ôh; kar hăng tơlơi pô laĭ lui hlâo hmâo pơhiăp laih,
49 #
Êsai 66:1. ‘Khua Yang laĭ, Adai jing gre pơtao Kâo,
Laih anŭn lŏn tơnah jing hnăl tơkai Kâo juă.
Sang pă ƀing gih či pơdơ̆ng brơi kơ Kâo,
Ƀôdah anih pă jing anih brơi Kâo dŏ pơdơi?
50Ƀu djơ̆ ôh hă tơngan Kâo hmâo ngă abih bang tơlơi anai?’
51 #
Êsai 63:10. Ơ ƀing mơnuih khăng akŏ, pran jua hăng tơngia ƀu khăt klĭ hơi! Nanao ƀing gih pơkơdơ̆ng glaĭ hăng Yang Bơngăt Hiam. Kar hăng ơi adon ƀing gih hmâo ngă laih, ƀing gih ăt ngă kar kaĭ mơ̆n. 52Hmâo mơ̆ hlơi amăng ƀing pô laĭ lui hlâo ƀing ơi adon ƀing gih ƀu hmâo ngă sat ôh? Gơñu ăt pơdjai mơ̆n ƀing laĭ lui hlâo kơ Pô Tơpă či rai, Pô Tơpă anŭn ră anai ƀing gih hmâo pơblư̆ lui hăng pơdjai hĭ laih. 53Ƀing gih hmâo mă tŭ laih tơlơi juăt mơ̆ng ƀing ling jang jao brơi, samơ̆ ƀing gih ƀu tui gưt tơlơi juăt anŭn ôh!”
Arăng Pơdjai Êtiên
54Tơ gơñu hmư̆ hơdôm tơlơi anŭn, gơñu bă hăng tơlơi hil kơtang, laih anŭn kĕ tơgơi kơ Êtiên. 55Samơ̆ Êtiên, bă blai Yang Bơngăt Hiam, angak lăng pơ adai, ƀuh tơlơi ang yang Ơi Adai laih anŭn Yêsu dŏ dơ̆ng ƀơi gah hơnuă Ơi Adai. 56Êtiên laĭ: “Lăng adih, kâo ƀuh adai pŏk hĭ, laih anŭn Ană Mơnuih dŏ dơ̆ng gah hơnuă Ơi Adai.”
57Samơ̆ gơñu ur kraih kơtang, kơđơ̆l hĭ amăng tơngia gơñu, laih anŭn hrŏm hơbĭt gơñu blŭng nao mă Êtiên, 58gơñu dui hrơ̆t ba gơ̆ pơ gah rơngiao plei laih anŭn glŏm boh pơtâo kơ gơ̆. Ƀing ngă gơ̆ng jơlan pioh sum ao gơñu ƀơi tơkai sa čô tơdăm anăn ñu Sôl. 59Tơdang gơñu glŏm boh pơtâo kơ Êtiên, Êtiên iâu laĭ tui anai: “Ơ Khua Yang Yêsu, rơkâo kơ Ih tŭ mă bơngăt kâo.” 60Êtiên tŏ tơŭt hăng ur kraih kơtang: “Ơ Khua Yang, anăm yap tơlơi soh anai kơ ƀing gơñu ôh!” Giơ̆ng ñu pơhiăp tơlơi anŭn, gơ̆ pĭt yơh.
Selectat acum:
Bruă Mơnuă 7: JRA2016
Evidențiere
Partajează
Copiază
Dorești să ai evidențierile salvate pe toate dispozitivele? Înscrie-te sau conectează-te
© 2016 United Bible Societies. All rights reserved.
