Die geboorte van Christus was dan soSample

Die hoop van vervulde profesieë

Advent is gewortel in die profetiese beloftes van die Ou Testament. Hierdie profesieë het die koms van 'n Messias voorspel wat verlossing na die wêreld sou bring, en was waarlik 'n profetiese boodskap van hoop. Die profesieë aangaande die geboorte van Christus het die plek waar Hy gebore sou word aangedui (Miga 5:1), asook die misterie van sy maagdelike geboorte en een van die name wat aan Christus gegee moes word, naamlik: Immanuel, wat "God by ons" beteken (Jesaja 7:14). Die geboorte van Christus in Betlehem spreek onweerlegbaar van die hoop van vervulde profesieë (Matteus 1:18-25; Lukas 2:1-7) en is die gebiedende bewys van God se liefde en toegeneentheid teenoor die ganse mensdom. Wanneer ons nadink oor die vervulling van die profesieë aangaande die geboorte van Christus besef ons opnuut dat God 'n waarmaker van sy Woord is. Hierdie vervulde profesieë bewerkstellig ook 'n vreugdevolle hoop ten opsigte van die profetiese verwagting van Jesus Christus se wederkoms.