AHOANA RAHA AVELANAO HITARIKA ANAO IZY ?

“mitarika ahy amin'ny lalan'ny fahamarinana noho ny anarany Izy.” (Ny Baiboly, Salamo 23:3)

Jesosy, ilay Mpiandry tsara, dia tonga mba hananan’ny ondriny fiainana ary hananany be dia be : “Izaho avy mba hananany fiainana, sady hananany be dia be.‘.’” (Jaona 10:10)

Ny ondriny maheno ny feony: “‘Ny ondriko mihaino ny feoko, ary Izaho mahalala azy, ary izy manaraka Ahy,’” (Jaona 10:27)

Miditra sy mivoaka izy ireo ka mahita ahitra. Maniry ny mpiandry ondry mba hahita fifaliana sy fahafinaretana eny amin’ny ahitra maintso ireo ondriny. “‘Izaho no vavahady; raha Izaho no hidiran'ny olona, dia hovonjena izy ka hiditra sy hivoaka sady hahazo hanina.’”(Jaona 10:9)

Jesosy no mpiandry anao. Avelao Izy hitarika ny fiainanao! Te hitarika anao tsikelikely amin’ny lalana tsara Izy, ho amin’ny fiainana feno fahafenoana, mahafapo sy feno fifaliana.

Fantatrao ve fa tao amin’ny iray amin’ireo hafatra ampahibemaso voalohany nataon’i Jesosy, “Ny Hasambarana”, dia nampiasa ny teny “tahiana” Izy, izay midika koa hoe “faly”, in-tsivy? Ny fifaliana dia anjara efa nomanin’’Andriamanitra ho anao : “Fa Izaho mahalala ny hevitra iheverako anareo, hoy Jehovah, dia hevitra hahatonga fiadanana, fa tsy loza..”(Jeremia 29:11)

Davida dia namarana ity salamo ity amin’ny filazana hoe “Eny tokoa, fahasoavana sy famindram-po no hanaraka ahy amin'ny andro rehetra hiainako,...” (Salamo 23:6) Ho hitantsika izany ao aoriana ao.

Mandrapaha tonga izany, maninona raha manontany ny Mpiandry anao hitarika anao ianao ?

Misaotra fa misy ianao!

Eric Célérier