Manolotra ny fitsaharany Andriamanitra

“Mampandry ahy amin'ny ahi-maitso Izy;..” (ny Baiboly, Salamo 23:2)

Fantatrao ve fa Andriamanitra tenany dia nitsahatra ? Rehefa niasa mafy nandritra ny enina andro Izy namorona an’izao tontolo izao, dia nitsahatra Andriamanitra tamin’ny andro faha fito. Dia nandidy Izy, ao amin’ny Didy folo, andro fitsaharana ho an’ny Olony : ny andro sabata.

Izany fitsaharana isan-kerinandro izany dia endrikin’ny fitsaharana tonga lafatra sy mandrakizay izay nentin’i Jesosy tamin’ny fahatongavany tety an-tany. Izany fitsaharana izany dia tsy vokatry ny asantsika. Izany dia miorina ao amin’i Jesosy Kristy irery. Jesosy dia nilaza, “‘Mankanesa atỳ amiko, ianareo rehetra izay miasa fatratra sy mavesatra entana, fa Izaho no hanome anareo fitsaharana.’” (ny Baiboly, Matio 11:28)

Mahatsiaro reraka, mavesatra, vizana ve ianao ? Manatona an’i Jesosy izao. Izy no Mpiandry anao ary hanome anao fitsaharana Izy, fitsaharana ara-batana, ara-tsaina ary ara-panahy koa.

• Avelao ny tenanao hotarihin’i Jesosy. (Malemy fanahy sy manetry tena)
• Avelao Izy hampianatra anao. (Mpampianatra tsara indrindra Izy.)

Ary hahita fitsaharana ho amin’ny fiainanao ianao (Matio 11:29)

Misaotra fa misy ianao!

Eric Célérier