Spreuke – eenjaarleesplanSample

Vers 5: Vleitaal verstrik die een wat gevlei word. Wees dus baie versigtig vir 'n vleier. Die slegste bedoelings word met die gladste tong en mooiste woorde verbloem. Die vers kan ook geïnterpreteer word dat vleitaal uiteindelik ook die vleier verstrik.

Vers 6: Sonde bring skuld. 'n Bose mens kan die gevolge van sy eie oortreding nie keer nie. Die regverdige kan egter werklik vrolik leef, omdat hy ‘n skoon gewete het.

Vers 7: Regverdiges is besorg oor arm mense se lot voor die reg. 'n Goddelose verstaan dit nie en kom nie vir armes se reg op nie.

Vers 8: Ligsinnige mense blaas oproer aan in 'n stad. Dit is omdat hulle respeklose, siniese spotters is. Wyse mense bring woede tot bedaring.