Spreuke – eenjaarleesplanSample

Waar die vorige twee hoofstukke gefokus het op die twee hoof beskrywings van menslike gedrag: wysheid (Spreuke 25) en dwaasheid (Spreuke 26) – met die verskil wat veral lê in die respek vir allerlei grense al dan nie – fokus Spreuke 27 meer op persoonlike houdings en emosies en hoe dit in sosiale gedrag na vore kom.

Telkens word dié spreuke met skerp pittige prentjies verwoord, waarvan sommige net mooi is en nie eintlik opgesom kan word nie, dus liefs net so gememoriseer moet word!

Vers 1: Moenie grootpraat oor môre nie. Jy kan per definisie nie van môre seker wees nie. Dit is ‘n belangrike waarheid wat Jakobus met die afhanklikheid van God verbind het, en waar ons idee van Deo Volente, as die Here wil, vandaan kom Jakobus 4:13-17; Psalm 37:3; Matteus 6:34).

Vers 2: Moenie jouself prys nie. Dit lê ook aan die wortel van ons idioom: “Jakkals prys sy eie stert!” (Johannes 12:43)