Spreuke – eenjaarleesplanSample

Vers 30 kontrasteer die liggaamlike gevolge van innerlike beheerstheid of onbeheerstheid. ’n Kalm hart hou jou liggaam gesond. Naywer – ’n begeerte na iets wat buite jou bereik is – vreet jou van binne-af op (Prediker 4:4; Job 5:2: “onbeheerstheid").

Interessant, dieselfde woord (qinʾâ) word gebruik in ’n positiewe sin as jy ’n “ywer” het vir iets wat goed en reg is (2 Konings 10:6; Hooglied 8:6). Dit word selfs vir God se begeerte na sy mense gebruik (2 Konings 19:31: “sy onverdeelde trou”).

Vers 31 kontrasteer die geestelike gevolge van jou gedagtes oor en gedrag teenoor armes en behoeftiges. As jy ’n arme verdruk (uitbuit, verontreg of selfs beledig), vervloek jy sy Maker. As jy ’n behoeftige genadig is (jou “gratis” oor hom ontferm, vriendelik behandel, veral as hy jou nie kan terugbetaal nie) eer jy God.