Get the appBibleProject | የዘወረደ ምልከታዎችSample
በመጽሐፍ ቅዱስ የመጀመሪያ ገጽ እግዚአብሔር ይህች አለም መልካም እንደሆነች ተናግሯል፤ በመሆኑም ሰዎች እግዚአብሔር በሰራቸው መልካም ነገሮች ደስ ይሰኛሉ። ይሁን እንጂ፣ ይህች አለም እንዴት በእኛ ራስወዳድነት እንደተበላሸች እና አሁን በሞትና ዕጦት እንደተሞላች የመጽሐፍ ቅዱስ ታሪክ በተጨማሪ ያሳያል። እንዴት ነው አንድ ሰው እጅግ በበዛ ቀውስና ሀዘን መካከል ደስታን ሊለማመድ የሚችለው? በዚህ ውጥረት መካከል ስለደስታ የተለየ አመለካከት ከመጽሐፍ ቅዱስ እናገኛለን። የእግዚአብሔር ህዝብ ደስታ የሚረጋገጠው እግዚአብሔር ስለወደፊቱ ዕጣ ፈንታቸው በሰጣቸው የተስፋ ቃል እንጂ አሁን ባሉበት ሁኔታ አይደለም። ለምሳሌ፣ እግዚአብሔር እስራኤላውያንን ከባርነት በታደጋቸው ጊዜ፣ ሊሰጣቸው ቃል ከገባላቸው ምድር ርቀው በምድረ በዳ ቢሆኑም እንኳን በደስታ ጮኽዋል።
ያንብቡ፦
መዝሙር 105÷42-43፣ ዘጸአት 15÷1-3
ምልከታዎን ያስፍሩ፡
የትኞቹ የእግዚአብሔር የተስፋ ቃሎች ናቸው ሃሴት እንዲያደርጉ የሚያግዝዎ?
ለዚህ ምላሽ፣ እግዚአብሔር ስለገባልዎ የተስፋ ቃል ምስጋናዎን ይጻፉ ወይም ይዘምሩ።
Scripture
About this Plan
ባይብል ፕሮጀክት የዘወረደ ተከታታይ ትምህርቶችን ያዘጋጀው ግለሰቦች፣ ቡድኖች እንዲሁም ቤተሰቦች ዘወረደን፣ ማለትም የኢየሱስን ወደ ምድር መምጣት እንዲያከብሩ ለማነሳሳት ነው። ተስፋ፣ ሰላም፣ ሀሴት እና ፍቅር መጽሐፍ ቅዱሳዊ ትርጉማቸው ምን እንደሚመስል ተሳታፊዎች እንዲያጤኑ ለማገዝ እንዲጠቅም፣ ይህ የአራት ሳምንት የጥናት እቅድ የአኒሜሽን ቪዲዮዎችን፣ አጫጭር ማጠቃለያዎችን እና ሃሳብ ጫሪ ጥያቄዎችን አካቷል። እነዚህ አራት መንፈሳዊ እሴቶች እንዴት በኢየሱስ በኩል ወደ አለም እንደመጡ ለመረዳት፣ ይህን የጥናት እቅድ ይምረጡ።
More
