Soma Biblia Kila Siku Julai 2021Sample

Kila mmoja wetu ameonja namna fulani ya ugumu katika maisha. Kama wewe ni mmojawapo je, unafanyaje ili kushinda hali hii? Mfalme Daudi alitambua kwamba Mungu ndiye kimbilio lake, kwani hakuna wa kufanana naye. Nasi tupatwapo na matatizo tujiangalie tusije tukategemea njia za uovu wala miungu mingine. Tukumbuke ilivyoandikwa katika m.4: Heri aliyemfanya Bwana kuwa tumaini lake, wala hakuwaelekea wenye kiburi, wala hao wanaogeukia uongo. Tumwambie Mungu, tumngoje kwa saburi naye atasikia kilio chetu, atatupandisha toka shimo la uharibifu na kuisimamisha miguu yetu mwambani, kama mtunzi zaburi anavyoshuhudia katika m.1-2: Nalimngoja Bwana kwa saburi, akaniinamia akakisikia kilio changu. Akanipandisha toka shimo la uharibifu, toka udongo wa utelezi; akaisimamisha miguu yangu mwambani, akaziimarisha hatua zangu.