Soma Biblia Kila Siku Julai 2021Sample

Huyu mtawala Gogu atakuwa na jeshi kubwa na la kutisha sana. Lakini Ezekieli anaeleza kuwa Mungu ataliangamiza kabisa jeshi hilo. Litafika mpaka milima ya Israeli, basi. Habari za silaha kuwa kuni na wanajeshi wa adui kushindwa kuzikana zituambie kwamba ndiye Mungu aliyetenda. Hivyo mataifa yote wataona jinsi nguvu, enzi na mamlaka yake yalivyo makuu, akipiga vita katika hasira yake takatifu dhidi ya uovu wowote (m.7,  Jina langu takatifu nitalifanya kuwa limejulika kati ya watu wangu Israeli; wala sitaliacha jina langu takatifu kutiwa unajisi tena; nao mataifa watajua ya kuwa mimi ndimi Bwana, na Aliye Mtakatifu katika Israeli). Hakika hakuna wa kumshinda Aliye Mtakatifu katika Israeli. Tumtegemee.