Soma Biblia Kila Siku 12/2020Sample

Waisraeli wanapokutana ili kuabudu, wana sababu ya kumsifu Mungu. Licha ya kuwa Mwumbaji wao, yeye pia ni mfalme wao awapambaye kwa wokovu (m.4, Bwana awaridhia watu wake, kuwapamba wenye upole kwa wokovu). Wao ni wajumbe wa Mungu wanaoeneza utawala wake kwa wanadamu wote. Lakini kama utawala wa Mungu unataka kuenezwa duniani, ni lazima waasi waadhibiwe kwanza. Kwa hiyo hukumu juu ya maadui zake ni sababu ya sifa ya Mungu. Wajibu wa Mkristo wa leo ni kuwa mjumbe wa habari njema za Yesu, Bwana na Mwokozi wetu, kwa watu wote ili waache maasi.