Soma Biblia Kila Siku 10/2020Sample

Lakini hakuonekana wa kumsaidia Adamu aliyefanana naye(m.20). Wanyama walifanana naye kwa namna fulani, maana walikuwa na pumzi na damu kama yeye, tofauti na miti na majani. Na Adamu akawafurahia viumbe hivi. Hata hivyo hakuridhika. Mungu ni mmoja. Na ana nafsi tatu. Kwa hiyo mtu hakuwa bado mfano halisi wa Mungu, maana ni nafsi moja tu. Basi Mungu akamwumba mwanamke. Hivyo mtu akawa na nafsi mbili, na wakati huohuo walikuwa mwili mmoja(m.24). Nafsi ya tatu ni Mungu watakayemtegemea!