Jesus, Ons Alles. 'n Studie Van Hebreërs Sample

Lees: Hebreërs 8:1–6; Kolossense 1:15-20

SOAP: Hebreërs 8:6; Kolossense 1:17-18

Maar nou het Jesus ‘n voortrefliker priesterdiens gekry deurdat Hy Middelaar is van ‘n beter verbond wat op uitnemender beloftes gegrond is.

Voor alles was Hy al daar, en deur Hom bly alles in stand. Hy is die hoof van die liggaam, van die kerk. Hy is die oorsprong daarvan, Hy is die Eerste, die Een wat uit die dood opgestaan het, sodat Hy die eerste plek in die heelal inneem.

Oordenking

Na sewe hoofstukke om uit te lê, kom die skrywer van Hebreërs tot sy lesers se redding om te probeer bepaal wat sy hoofpunt is, deur te sê: 'Die belangrikste punt van wat ons sê, is dit ...' (Heb 8: 1).

Jesus is ons Hoëpriester. Hy het 'n nuwe verbond, 'n nuwe heiligdom, 'n nuwe orde van aanbidding geskep. Jesus se bediening is nie net verhewe bo die Levitiese stelsel nie. Dit is beter as enige godsdienstige stelsel wat mense ontwikkel het. Hy is verhewe bo al ons strewe, al ons pogings om God te bereik en al ons goeie dade.

Jesus self is hierdie volkome bediening. Hy het nuwe beloftes aan ons gegee. Ons hoef nie meer in vrees te lewe of ons dade dop te hou nie. Daar is geen skaal wat ons in die regte rigting hoef te laat kantel nie. Jesus het alles verander. Hy is eerste in alles en gee ons die vryheid om van Hom afhanklik te wees in alles; van ons ewige verlossing tot ons alledaagse behoeftes. Hy is ons volkome bediening.

Gebed

Jesus, ek prys U. U is voor alle dinge. U hou alles bymekaar. Help my om U voortdurend eerste in my lewe te plaas. Help my om te glo dat daar niks is wat ek hoef te doen om u guns te verdien of my redding te verkry nie. U het dit alles reeds gedoen. U is verhewe bo alle dinge. In u Naam, amen.