Soma Biblia Kila Siku 8Sample

Sura ya 18 na 19 zinatueleza habari ya mateso na kifo cha Yesu Kristo. Katika somo la leo twahitaji kutambua hiariya Yesu katika kwenda njia ya msalaba! Je! kikombe alichonipa Baba, mimi nisikinywee?(m.11). Kikombe alichompa Baba ni mateso na kifo. Maombi ya Yesu katika bustani iitwayo Gethsemane yanaonyesha hiyo: Yesu akaomba, akisema, Baba yangu, ikiwezekana, kikombe hiki kiniepuke; walakini si kama nitakavyo mimi, bali kama utakavyo wewe(Mt 26:39). Yuda alikuja na kikosi chenye nguvu ya kutosha, lakini Yesu alipojitambulisha wakakutana na nguvu ya kimungu. Wakaogopa na kuanguka chini. Yesu angeweza kuwashinda, lakini akajitoa kwa hiari(m.7-8: Yesualipowaambia, Ni mimi, walirudi nyuma, wakaanguka chini. Basi akawauliza tena, Mnamtafuta nani? Wakasema, Yesu Mnazareti. Yesu akajibu, Nimekwisha kuwaambieni ya kwamba ni mimi; basi ikiwa mnanitafuta mimi, waacheni hawa waende zao)!