Marako 9

1Kotema kes atiar, “Abeit katemari yes atiar, ejaas ituŋa kaŋul kaluebwoete kane lumam iirete cut atwanare, aitodol neaanyuniata ajakanut naka Edeke abu kapedor.”

2 # 2 Pet 1:17-18. Akaulo naka apaarasia akanykape koyaŋa Yesu Petero ka Yakob ka Yokana, kogitaros bonik, kitodoka ŋesi kes oroŋat loeoja; kituluor kakonyenekec, 3kimilias ikenapen, kokwanut kiac, kopone lomam epedori ekelotan loka akwap aitwakaŋuunia. 4Kitakanikinos Eliya ka Musa, inerasi ka Yesu. 5Koboŋok Petero kotema Yesu atiar, “Ekesisianakinan, ejok oni ajaut ne; ikoto keswamata iswamin iuni, ediopet lokon, ediopet loka Musa, ka ediopet da loka Eliya.” 6Naarai mam kejeni nukinera, naarai apotu kokuriakata noi. 7#Mat 3:17; Mk 1:11; Luk 3:22; 2 Pet 1:17; Ikis 18:15; Asw 3:22. Kobu edou kiteribo kes, kolom epororo kotoma odou ebe, “Lo ŋes Okokuka lominat; kiirasi ŋes.” 8Atipet koŋoleŋoleoto, mam bobo eanyuna idiotuŋanan nepepe kakes dimarai Yesu bon.

9 # Mk 8:30. Napedokunete koroŋat, kicor kes kinyeis alimokin idiotuŋanan kere nuaanyut, aitodol naejarunia Okoku loka etuŋanan kotoma okatwak, 10Koricito akirot, kiŋitanaros bonik ebe ajarun kotoma okatwak ikoni bo ai? 11Kiŋita ŋes, kotemasi atiar, “Kanukinyo ineratar ikewadikak ebe ibusakinit ber Eliya aige abunore?” 12#Mal 4:5; Isa 53:3. Kotema kes atiar, “Abeit ebunit ber Eliya aiteteun akiro kere; ido iwadikatai bo biai nuka Okoku loka etuŋanan, ebe iticanio nuipu ka amwaŋio da? 13#Mat 11:14; 1 Ika 19:2,10. Konye katemari yes atiar, Adau Eliya abunore, kiswamakis ŋes kere nuakotos, kwape Iwadikatere nukeŋ.”

14 # Mat 17:14-21; Luk 9:37-42. Nakedolioto mama ejaas ikesisiak, koanyut ekodet loapol elukunit, ka ikewadikak lukepegas kakes. 15Atipet nakeanyuniata ŋes lukokodet kere, koumokis noi, kokerata mama ejai kiyogata ŋes. 16Kiŋit kes ebe, “Nunyoika nuipegas kakes?” 17Koboŋok ediopet kotoma okodet ebe, “Ekesisianakinan, ayaŋaunit ikakoku mamakon, ejai ajokit naabaŋ; 18ido naikamunia kere, ibirokini kwap: ekui ekuetete, iriamanakin ikel, idekererar; elip ikonikesisiak aireŋear ŋes; mam epedoro.” 19Koboŋok kes kotema atiar, “Wu okwe yes atur namam iyuunit, etodoli eoŋ ai ajaut kayes? Etodoli ai da atitiŋikinit yes? Koinunai.” 20Koyaut ŋes mamakeŋ; atipet nakeanyunia kisiilio ajokit; kibirokin kwap, kibelibel koku ekuetete. 21Kiŋit Yesu papake ebe, “Apak anyoin adau ŋesi ikoni nen?” Kotema atiar, “Ameuni keiditeu. 22Ecakanakini irwanipu toma akim, toma akipi da, tetere emudiari: konye arai ipedori akirot kere, kitimoi sio, kiŋarak.” 23#Mk 11:23. Kotema Yesu ŋes atiar, “Arai ipedori! Epedorio kere kama ejai yeniyuunit.” 24#Luk 17:5. Atipet kiworo papa loka ikoku kotema atiar, “Eyuunit; kiŋarak amamus aiyuunika.” 25Nakeanyunia Yesu ebe akeru ekodet mama ejai, kiretak ajokit naerono, kotema atiar, “Ijo ajokit naabaŋ naakimiŋ, kecorakinit jo ebe kolom kaneejai ŋesi, ido sirikiboŋok bobo.” 26#Mk 1:26. Komony, kitamaran jokan, kolom do: kosubite ikoku bala atwana; kotemasi luipu ebe, “Atwana.” 27Konye Yesu kitiŋ akekan, kitonyou ŋes; kobwo do. 28Nakelomaria togo, kiŋita ŋes ikekesisiak kaiyeiyea ebe, “Kanukinyo mam sio kipedoria aireŋear ŋes?” 29Kotema kes atiar, “Mam epedori epone lo aireŋeario kanuka akirot kere dimarai kanuka ailip bon.”

30 # Mat 17:22,23; Luk 9:43-45. Konyoutu kanen kitoroto Galilaya: komam ŋes ekoto ituŋanan ajenun. #Yok 7:1. 31#Mk 8:31; 10:32-34. Naarai kisisianak ikekesisiak, kotema kes atiar, “Elosi Okoku loka etuŋanan ainakinio akanin nuka ituŋa, kes da earete ŋes; kedau aario, akaulo kapaarasia auni ejaruni.” 32#Luk 9:45; 18:34. Konye mam kes apotu kojenut akirot ŋin, koyoŋata aiŋit ŋes.

33 # Mat 18:1-9; Luk 9:46-50. Kodoloto Kaparanaum: nakejaar togo kiŋit kes ebe, “Nuunyoika nan ipegas korot?” #Mat 17:24. 34Konye kililiŋata: naarai kepegas bonik ka bonik korot ebe iŋai bo lokapolon. 35#Mk 10:44. Kiboikin, konyarau lutomon kaluarei kotema kes atiar, “Arai ekoto ituŋanan araun yenisodit, koraun yenikawasia adepar kere, ido ikejaanakinan yenika luce kere.” 36#Mk 10:16. Kolem ikoku, kisibwo kokidiŋikec: kotun ŋes, kotema atiar, 37#Mat 10:40; Luk 10:16; Yok 13:20. “Ŋin yenisukunyikini idiopet kodwe kwaka yen kokirorika, kesukunyikinit eoŋ; ŋin da yenikesukunyikini eoŋ, mam kesukunyikinit eoŋ, dimarai je lokejukuni.”

38 # Mar 11:27,28. Kotema Yokana ŋes atiar, “Ekesisianakinan, kipou kaanyutu etuŋanan ireŋeari ajokin kokirorikon lomam kiupa kaoni: kesimika ŋes, naarai mam kiupa kaoni.” 39#1 Kor 12:3. Konye kotema Yesu atiar, “Sirikisimika: naarai emamei ituŋanan yeniswamai nakapedor kokirorika, yenepedori atipet amoromor eoŋ. 40#Mat 12:30; Luk 11:23. Naarai yenimam kitusurupit oni, erai yenikowaiwok, 41#Mat 10:42. Naarai ŋin yenikitamasi yes akoli naka akipi, naarai kimaikinitai luka Kristo, abeit katemari yes atiar, Mam cut etwaniari ainak ineteke.

42“Ido yenidupori idiopet ka ludidik kalu kalukeyuunito, tiejok aenikin akukuse naepol omurisiŋike, ka acakakin aŋolol, 43#Mat 5:30. Arai kidupori jo akonikan, kojepa; ejok jo alomar aijar koŋwalite itia ajaut kak anin aarei alosit ogeena, neejai akim namam eduŋei. [44Nemam etwania ekurutukec, karaida akim mam eduŋei.] 45Arai kidupori jo akonikeju, kojepa; ejok jo alomar aijar icedo, itia ajaut kakeje aarei acakakinio ogeena. [46Nemam etwania ekurutukec, karaida akim mam eduŋei.] 47#Mat 5:29. Arai kidupori jo akonikoŋu, kogoro: ejok jo alomar ajakanut naka Edeke idoponyony, itia ajaut kakonyen aarei acakakinio ogeena; 48#Isa 66:24. nemam etwania ekurutukec, karaida akim mam eduŋei. 49#Leb 2:13. Naarai ibwaikinio ŋinituŋanan akim kwape ibwaikinere abalaŋ, 50#Mat 5:13; Luk 14:34-35; Kol 4:6. Ejok abalaŋ; konye arai kepianiar, itemokinio kinyo? Kojaas kabalaŋ tomakus, kojaas kainapakin bonik ka bonik.”

Atualmente Selecionado:

Marako 9: AOV1961

Destaque

Copiar