Marako 8
8
1 #
Mat 15:32-39. Kapaarasia kaŋun, nakejaar bobo atukot naapol, kemameete kes inyamat, konyarau ikesisiak, kolimok kes ebe, 2#Mk 6:34-44. “Etim ekodet, naarai adaut apaarasia auni iboiete keoŋ, kwabo emameete kes inyamat, 3Arai katwara kes alosit oreriakec eriebi eteŋei, iiloros korot; ice kakesi eponito kama elwana.” 4Koboŋokis ikekesisiak ebe, “Okwe, epedori biai ituŋanan aisimonikin ituŋa lu kimugatin kane kamodiŋ?” 5Kiŋit kes ebe, “Ejaas yes imugatin imwaasi ai?” Kobalas ebe, “Ikanykaarei.” 6Kicorak ekodet aiboikin kwap; kolem imugatin lukanykaarei, kimala, kobilibil, koinak ikekesisiak akoranakin, kokoranakis kesi da ekodet. 7Kejaas da agaria nuikidioko. Kisirereŋ kes, kolimok kokoranakis ŋun da. 8#Ikis 28:5. Konyama, kimonikinos; kotukonokis atutubeta nuabilibila nukesalete, ibukito ikanykaarei. 9Keraas ituŋa bala ilukumin iwoŋon. Kotwar kes. 10Atipet kodoka ataker nepepe kikekesisiak, kolot atutubeta nuka Dalamanuta.
11 #
Mat 16:1-12. Kopotu Iparisayon mamakeŋ, kogeutu epeget kaŋes. Kokotos aanyunet naebuni kokuju, kokodokodata ŋes. #Mat 12:38; Luk 11:16; Yok 6:30. 12#Mat 12:39; Luk 11:29. Koom etau, kokadak komoyokeŋ, kotema atiar, “Kanukinyo emootor atur na aanyunet? Abeit katemari yes atiar, Mam cut atur na einakinio aanyunet.” 13Kinye kes kodoka bobo ataker, kolot okekwa juwai.
14Kimurwokis kes ayaŋaar imugatin; dimarai kejai emugati ediopet bon kakes toma ataker, 15#Luk 12:1; Mk 3:6. Kicor kes kobala ebe, “Kokwenya, kocoito aitubuunet naka Iparisayon, ka aitubuunet da naka Kerode.” 16Kiŋitanakinos bonik naarai amameete imugatin. 17#Mk 6:52. Konye kojen Yesu kotema kes atiar, “Kanukinyo iŋitanakinotor, naarai emameete yes imugatin? Eriŋa ber emisiikina, karaida ajenun? Eninik ca ma ikusitauon? 18#Yer 5:21; Esk 12:2; Mk 4:12. Ijaas kakonyen, mam ca ianyunete; ijaas kaki da, mam ca ipupunete? Mam kereka iitunito? 19#Mk 6:41-44. Naabilibilia imugatin ikany kanuka ituŋa ilukumin ikany, ipotu kotukonokis iditai imwaasi ai lueleleba atutubeta nuabilibila?” Kolimokis ŋes ebe, “Itomon kaluarei.” 20#Mk 8:6-9. Ebe da, “Ka lukanykaarei kanuka ilukumin iwoŋon, ipotu kotukonokis ibukito imwaasi ai lueleleba atutubeta nuabilibila?” Kolimokis ŋes ebe, “Ikanykaarei.” 21Kotema kes atiar, “Eriŋa ca yes ejenuna?”
22 #
Mk 6:56. Kodoloto Betesaida. Koinunai emuduki, kiŋaiŋaata atiror ŋes. 23#Mk 7:32,33; Yok 9:6. Kitiŋ akan naka emuduki, kitoloma kiŋa naka ere; kosodi kedau aimuikin akonyeke, ka aidokokin akekanin, kiŋit ŋes ebe, “Ianyuni ibore?” 24Kosesen kuju kotema atiar, “Aanyuni ituŋa; konye esubito bala ikito elosete.” 25Kanen kidokok bobo akekanin akonyeke; kosesen kotenan, koŋaleu, koany iboro kere ejok. 26#Mk 7:36. Kotwar ŋes alosit oreke, kobala ebe, “Sirikiloma ber ore lo.”
27Konyou Yesu nepepe kikekesisiak, koloto oreria luka Kaisarea Pilipi, Korot kiŋit ikekesisiak kotema atiar, “Ebalas ituŋa ebe arai eoŋ iŋai?” 28#Mk 6:14-15; Luk 9:7-8. Kolimokis ŋes ebe, “Yokana Lokebatisan; ice ebe ‘Eliya’; ka ice da ebe, ‘Ediopet konabin.’ ” 29#Yok 6:68-69. Kiŋit kes ebe, “Ido bo yes kibalas ebe arai eoŋ iŋai?” Koboŋok Petero kotema atiar, “Irai ijo Kristo.” 30#Mk 9:9. Kicor kes kinyeis alimokin idiotuŋanan akiroke.
31Kogeu aisisianakin kes ebe, ibusakinit Okoku loka etuŋanan aiticanio nuipu, egirete da imakio ka isasedotin lupeti ka ikewadikak, ka aiar, kapaaran da nakiwuniet ejaruni, 32Kinera ŋun aitebeunun. Koyaŋa Petero ŋes, kogeu aitoron, 33Konye kibelokin kosesen ikekesisiak, kitoron Petero, kotema atiar, “Koboŋo kaukaŋ, Satan; naarai mam iwomit aomisio nuka Edeke konye nuka ituŋa.”
34 #
Mat 10:38; Luk 14:27. Konyarau ekodet nepepe kikekesisiak, kotema kes atiar, “Arai ekoto ituŋanan aitup eoŋ, koŋerokin ilopet, korioŋ ekemusalaba, katup eoŋ. 35#Mat 10:39; Luk 17:33; Yok 12:25. Naarai ŋin yenekoto aitajar akeijar etwaniari; konye ŋin yenetwaniari akeijar kanukaŋ, kanuka akiro nukajokak da, itajari ŋes. 36Naarai ajokis anyoin arai kedumu ituŋanan akwapin kere, kitwatania akeijar? 37Naarai etacakini ituŋanan inyo alakunia akeijar? 38#Mat 10:33. Naarai yenirumete ileic kanukaŋ kanuka akakiro da kotoma atur na naadote nakadiakanaran, irumete ileic Okoku loka etuŋanan da kanukeŋ, naebunio rwaru kaibuses naka Papake nepepe kimalaikan lukalaunak.”
Atualmente Selecionado:
Marako 8: AOV1961
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Ateso Old Version Bible © United Bible Societies, 1961.
