YOANO 9

1YI pakadikayi, akamona muntu udi mufofo pôi kulelebwa kwanci. 2Beyi banci lolo bakamwapangusa ene, Labi, akakwona ñani, ndo you ndo tetenci yi mamanci, bixelelebwayi mufofo ? 3Yisu akapingasa ene, You kasokwona, ndc tetenci ndo mamanci, kate bixekwebexebwa makisa a Ncembi munda mwanci. 4Ndi yi dibambu dia kukisa makisa anci a you akangutuma, pakala munyinya ukidiko. Butuku buiolwa butabiyi muntu kukisa. 5Ku kikondo kingwakala ku loboko, ndi obo a loboko. 6Pakamanayi noku kutôya, akakwela mati pa yimbwi, yi akasala lubumbu yi mati, yi akaxinga meso anci yi lubumbu. 7Yi akamwambiia ene, Yaka, ya udikusuli ku didiba dia Siloama, (pa kusakolebwa ene, Mutumibwi). Akaya lolo, yi akakusula, yi akaiwa yi meso.

8Mbwôso bena bula bwanci yi bobo bakamumona kalikali udi mulombi, bakatôya ene, Ki yei ndo muntu you akaxikama, akalomba lomba ? 9Banga ene, Kayou ; bamo ene, Kañana ; mo afwañanana yinanci ; mikyenci ene, Meme kayou. 10Bakamwambila lolo ene, Ape meso ebe amadipudibwa beci ? 11Yei akapingasa ene, Muntu abikilabo ene, Yisu, ndo akasala lubumbu, yi akaxinga meso amene, yi akangwambila ene, Yaka ku Siloama, udikusuli ; mbwôso namaya kusula, yi namamona. 12Ndo biakamwambilabo ene, Yei udi kupai ? Yei ene, Kisolubukwa.

13Bakamucwala kudi baFalixi akadi mufofo kalikali. 14Kwakadi lolo sabado ku diba diakasala Yisu lubumbu, diakadipulayi meso anci. 15Mbwôso baFalixi bakamwapangusa kabidi mwakangatayi meso anci. Akabambila ene, Akateka lubumbu ku meso amene, yi nakakusula, yi ngwamona. 16Mbwôso banga baFalixi ene, You muntu kiena a Ncembi, bwalo butasonamayi sabado. Banga ene, Ape muna bubi ubili kwenca bilayixilu bia noku beci ? Yi bakanamukafiana bonamu. 17Mbwôso bakatôyela mufofo kabidi ene, Owe watôya beci ku bwalo bwanci, bwalo bwamadipulayi meso ebe ? Yei ene, Udi mudimuxi.

18Mbwôso bena Yuda bakadi kabasokwetabusa ku bwalo bwanci ene, akadi mufofo yi akangata meso, biakabikilabo tetenci yi mamanci a you akangata meso. 19Yi bakabapangusa ene, You udi mwanenu, i unwatôya nonu ene, akalelebwa mufofo ? amona lolo nkyekyu beci ? 20Tetenci yi mamanci bakapingasa ene, Tubili you, ene, udi mwanecu, yi ene, akalelebwa mufofo ; 21mo mwamonayi nkyekyu katusomulubukwa ; ndo ñani apudipula meso anci, coco katusolubukwa. Numwapangusi mikyenci ; yei udi mwamukulu ; unaditôyela mikyenci. 22Tetenci yi mamanci bakatôya noku, bwalo bwakacinabo bena Yuda ; bwaio bwakakwetabusañana bena Yuda buxi ene, aka muntu mwoso umwasakoia ene, udi Kalistu, uxekwelebwa kixingidilu ixongo. 23Ndo biakatôya tetenci yi mamanci ene, Udi mwamu kulu ; numwapangusi.

24Mbwôso bakabikila muntu you diamubidi akakala mufofo, yi bakamwambila ene, Tumbisa Ncembi ; coco twalubukwa ene, muntu you udi munabubi. 25Biakapingasayi, ene, Ndo udi muna bubi meme kisolubukwa. Kintu kimokimwe ndo kingwalubukwa ene, isanga nakadi mufofo, nkyekyu ngwamona. 26Bakamwambila kabidi ene, Akakwenca yinebe kai ? Akadipula meso ebe beci ? 27Akabapingasa ene, Napunwambila buxi, yi nwakadi kanusokwombwa ; kukai nwananga kwombwa kabidi ? Nonu kabidi nwakyeba kwakala beyi banci ? 28Bakamudidika, yi bakatôya ene, Owe ndo mweyi anci, mo coco tudi beyi ba Mosese. 29Coco twalubukwa ene, Ncembi akatôyela Mosese ; kaninga you, katubiyi kulolwayi. 30Mwamulumi akapingasa yi akabambila ene, Ape kikamakama ndo kieki, nonu kanusolubukwa kulolwayi, yi amadipula meso amene. 31Tubili ene, Ncembi kasokwombwa bena mabi ; kate ndo muntu udi muxingidi a Ncembi, yi encenca nyinga yenci, you noku ndo ombo mbwayi. 32Pôi bubangabanga bwa loboko, kapasokwombwebwa pô ene, muntu amadipula meso a muntu akalelebwa mufofo. 33Kutena muntu you apwakala muna Ncembi, kaxelubukwa kwenca kintu kioso. 34Bakapingasa yi bakamwambila ene, Owe wamalelebwa mu mabi dyendeli ; owe lolo utweyesa ? Yi bakamwela ixongo. 35Yisu akakwombwa ene, bamamwela ixongo ; yi pakadi amamusokolola, akamwambila ene, Owe wamakwetabuxila Mwana a Ncembi ? 36Yei akapingasa ene, Ñani lolo yei, Fumu, binxemwetabuxila ? 37Yisu akamwambila ene, Wapumumona, udi you ambilañana yinebe. 38Yi akatoya ene, Namakwetabusa Fumu ; yi akamuxingila. 39Yi Yisu ene, Ku kusambola ndo kunamalwa ku loboko, bixemona bantu batasomona ; yi bixeakala bantu bafofo bamona. 40Yi banga baFalixi bakadi yinanci bakakwombwa malo aa, yi bakamwambila ene, Coco kabidi tudi bafofo ? 41Yisu akabambila ene, Ndo nwakadi bafofo, kanuxeakala yi kwona ; kaninga bwalo bunwatôya ene, Twamona, kwona kwenu kwamasala.

Atualmente Selecionado:

YOANO 9: Luna_NT

Destaque

Copiar