YOANO 8

1MO Yisu akaya ku lupongo lwa Olife. 2Yi ku butwatuku pexe kwakalwayi kabidi ku tempelo, yi bungi bwa bantu bakalwa kudiyi ; yi akaxikama yi akabeyesa. 3Yi bafundi ba mikanda yi baFalixi bakacwala mwamukaxi kudiyi amakwacibwa sasa ; yi pakadi bamamuxikika pakacikaci 4bakamwambila ene, Mweyexi, mwamukaxi you apukwacibwa sasa, pa kwenca noku. 5Ku bwadi lolo kwakatôya Mosese ene, Nuxipi bantu ba noku yi mabwe ; mbwôso owe watôya beci ? 6Kaninga bakatôya noku ndo kumwelekyesa, bixeakalabo yi bwalo bwa kumusanya. Mo Yisu akakwenama, yi akafunda yi lulembu lwanci paxi. 7Pakadi bakiamukuxulula, akadisangola yi akabambila ene, You udi yinenu utena yi kwona amweli dibwe buxi. 8Yi akakwenama kabidi yi akafunda yi lulembu lwanci paxi. 9Kaninga bobo, pakakwombwabo, bakabatuka ku umoumwe ku umoumwe pôi babakulu pôi bena sula ; yi Yisu akaxiyibwa mikyenci, yi mwamukaxi kwakadiyi pakacikaci. 10Yisu lolo akadisangola yi akadi kasomona muntu utena mwamukaxi you ; yi akamwambila ene, Mwamukaxi, badi kupai, basanyi bebe ? Kabasokubela kudi muntu umoumwe ? 11Yei akatôya ene, Kumoni muntu umoumwe, idyanga. Yi Yisu akamwambila ene, Meme kabidi kisokubela ; yaka ; pôi nkyekyu kwoni kabidi nyô.

12Mbwôso Yisu akabambila kabidi ene, Meme ndi obo a loboko ; you ungwalanda kanakwenda ku mwedima, kate unakala yi obo a môyo. 13BaFalixi lolo bakamwambila ene, Owe udiatôbôlela mikyebe ntôbô ; ntôbô yebe kayina sôsôlwo. 14Yisu akapingasa yi akabambila ene, Isa ndo meme ndiatôbôlela mikyemi ntôbô, ntôbô yamene idi sôsôlwo, bwalo bungwalubukwa kundolwa yi kunceya ; mo nonu kanubiyi kundolwa yi kunceya. 15Nonu nwasambola kusambola kwa munyu, meme kisosambola muntu. 16Aka lolo ngwasambola, kusambola kwamene kudi sôsôlwo, bwalo buntasoakala mikyemi mutupu, kate mikyemi yi Tete akangutuma. 17Yi ku bwadi bwenu kabidi kwamafundibwa ene, Ntôbô ya babalumi babidi idi sôsôlwo. 18Meme udiko udiatôbôlela mikyemi ntôbô ; yi Tete akangutuma ungwatôbôlela ntôbô. 19Ndo biakamwambilabo ene, Tetebe udi kupai ? Yisu akapingasa ene, Kanusolubukwa ndo meme ndo Tetemi ; ximbi nwamangulubukwa, nuxelubukwa Tetemi kabidi. 20Meyi aa ndo akatôyayi mu kibumbilu kia tempelo, pakakweyesayi mu tempelo ; yi kakwakadi muntu umwakwata, bwalo butafikili ola anci.

21Akabatôyela lolo ene, Meme ngwancuka yi nunangupalala, yi nunafwa mu bubi bwenu ; kunceya meme, nonu kanubiyi kulwa. 22Mbwôso bena Yuda bakatôya ene, Unadixipa mikyenci ? bwalo bwatôyayi ene, Kunceya, nonu kanubiyi kulwa. 23Yi akabambila ene, Nonu nudi bena muxi ; meme ndi muna kulu. Nonu nudi bena loboko lolu ; meme kiena muna loboko lolu. 24Ndo binapunwambila ene, nunafwa mu mabi enu ; bwalo kutena nunakwetabusa ene, Meme ndi you, nunafwa mu mabi enu. 25Biakamwambilabo ene, Udi nani Owe ? Yisu akabambila ene, Ndi dyendeli bea binamanwambila kabidi. 26Ndi yi malo mangi kutôya yi kusambola ku bwalo bwenu ; kate you akangutuma udi sôsôlwo, yi malo aa anamakwombwa kudiyi, ka aa angwatôyela loboko. 27Bakadi kabasolembetela ene, amabambila dia Tete.

28Mbwôso Yisu akabambila ene, Panakala nwamakwombulula Mwana a muntu, kunyuma nunalubukwa ene, Meme ndi you, yi kisodikixila kintu biamene mikyemi, kate luna biamangweyesa Tete ndo bingwatôya malo aa. 29You lolo akangutuma udi yinami ; yei kasonguxiya mikyemi mutupu, bwalo bungwencenca malo matuku moso adi loko ku meso anci. 30Pakatôyayi malo aa, bantu bangi bakamwetabuxila.

31Yisu lolo akatôyela bena Yuda baba bakamwetabuxila ene, Ndo nwasala mu diyi diamene, nudi beyi bamene sôsôlwo, 32yi nunalubukwa sôsôlwo, yi sôsôlwo unanupauia. 33Bakamupingasa ene, Tudi bana ba Abalami, yi katwakadi ku bupika bwa muntu umoumwe nyô ; owe watôya beci ene, Nunapaudibwa ? 34Yisu akabapingasa ene, Sôsôlwo, sôsôlwo, nwatôyela ene, Muntu mwoso encenca bubi udi mupika a bubi. 35Mupika lolo kasosala mu ncibo kô kô ; mwana ndo asala kô kô. 36Aka lolo Mwana unanupaula, nunapauka sôsôlwo. 37Ngwalubukwa ene, nudi bana ba Abalami ; kate nwapalala kunguxipa, bwalo butasoakala diyi diamene yi kibwelelu munda mwenu. 38Meme ngwatôya binamamona kwa Tetemi, yi nonu nwencenca binwamakwombwa kwa tetenu. 39Bakapingasa yi bakamwambila ene, Abalami udi tetecu. Yisu akabambila ene, Ximbi nwapwakala bana ba Abalami, nuxekwenca makisa a Abalami ; 40kate i nkyekyu nwapalala kunguxipa meme, muntu apunwambila sôsôlwo you unapwombwa kudi Ncembi ; Abalami akadi kasokwenca noku. 41Nonu nwencenca makisa a tetenu. Bakamwambila ene, Coco katusolelebwa ku budibi ; tudi yi Tete umoumwe, Ncembi. 42Yisu akabambila ene, Ximbi Ncembi akadi Tetenu nuxengunanga, bwalo bunakabatuka kudi Ncembi yi namalwa kudiyi ; bwalo buntasodilula mikyemi, kate yei akangutuma. 43Kukai kanusokyendula diembi diamene ? Bwalo bunutabiyi kwombwa diyi diamene. 44Nonu nudi yi diabolo ku tetenu, yi nwakyeba kwenca xindilu ya tetenu. Yei akadi muxipanani pôi bubangabanga, yi akadi kasokwemana mu sôsôlwo, bwalo butenako sôsôlwo munda mwanci pô. Padimbayi lodimbu, pamatôyayi bwalo budi bwanci ; bwalo budiyi muna ncimi yi tete a ncimi. 45Kaninga bwalo bungwatôya sôsôlwo, nonu kanusokwetabusa. 46Ñani yinenu ungwatongola bwalo bwa kwona ? Ndo ngwatôya sôsôlwo, kukai kanusokwetabusa ? 47You udi muna Ncembi ombombwa meyi a Ncembi ; mbwôso nonu kanusokwombwa bwalo bunutena bena Ncembi.

48Bena Yuda bakapingasa yi bakatôya ene, Ka bitwatôya ene, Owe udi muna Samalia, udi yi kidimu kibi ? 49Yisu akapingasa ene, Meme kiena yi kidimu kibi ; kate ngwanemeka Tetemi, yi nonu nungwakisa meme. 50Kaninga kisopalala dikai diamene mikyemi ; munga udiko apalala yi asambola. 51Sôsôlwo, sôsôlwo, nwatôyela ene, Ndo muntu mwoso unanama diyi diamene, kanamona lufu nyô. 52Bena Yuda bakamwambila ene, Nkyekyu twalubukwa ene, udi yi kidimu kibi. Abalami akamafwa yi badimuxi ; yi owe watôya ene, Ndo muntu anama diyi diamene, kanakikisa lufu nyô. 53Owe wamadika tetecu Abalami bunene, akamafwa ? yi badimuxi bakamafwa ; Owe udiateka mikyebe ñani ? 54Yisu akapingasa ene, Meme ndo ndiatumbisa mikyemi, kinemu kiamene kidi kanana ; kudi Tetemi ungwatumbisa, unwatôya nonu ene, udi Ncembi enu. 55Y nonu kanumulubukili ; mo memc mwalubukwa ; yi ndo nxetôya ene Kisomulubukwa, nxeakala bea nonu, muna ncimi. Kate mwalubukwa, y ngwanama diyi dienci. 56Tetenu Abalami akaxekyelela bwalo buxe monayi diba diamene ; yei akamona yi akaxekyelela. 57Mbwôso bena Yuda bakamwambila ene, Owe ukid kuna yi mbula masangi atano ; Owelolo wamamona Abalami ? 58Yisu akabambila ene, Sôsôlwo, sôsôlwo nwambila ene, Buxi bwakakala Abalami kienako, meme udiko. 59Ka biakakwongulabo mabwe ndo kumwelao, mo Yisu akadisokoka yi akabatuka mu tempelo, udi mu kuya pakacikaci pabo ; nako kwakadikayi.

Atualmente Selecionado:

YOANO 8: Luna_NT

Destaque

Copiar