YOANO 14

1MUCIMA ěnu kautepexebwi ; nwamakwetabuxila Ncembi, nungwetabuxili meme kabidi. 2Mu ncibo a Tetemi mudi ngumbu mingi ; kutena mwakadi noku, nxenwambila, bwalo buntanaya kuya nulungikila kidi. 3Yi ndo nakuya nulungikila kidi, ndolwa kabidi kulwa nwangata kundi mikyemi, binuxeakala nonu kungwakala meme.

4Yi kuntanaya, nonu nwamakulubukwa, yi nwamalubukwa ncila.

5Tomasa akamwambila ene, Fumu, katubiyi kuyeya ; tubili ncila lolo beci ? 6Yisu akamwambila ene, Meme ndi ncila, yi sôsôlwo, yi môyo ; kakuna muntu ulolwa kudi Tete kutena kundi meme. 7Ximbi nwamangulubukwa nuxelubukwa Tetemi kabidi ; pôi nkyekyu numwalubukwa, yi nwamamumona. 8Filipi akamwambila ene, Fumu, utwebesipo Tete, nako kunatukuka. 9Yisu akamwambila ene, Napwakala yinenu kikondo bungi noku, yi kusongulubukwa Filipi ? You amangumona amamona Tete ; owe watôya noku beci ? ene, utwebesi Tete. 10Kusokwetabusa ene, Meme ndi munda mwa Tete, yi Tete udi munda mwamene ? Meyi anwatôyela, kisoatôya biamene kanana, kate Tete asala munda mwamene, yei ndo encenca makisa. 11Nungwetabusi meme ene, ndi munda mwa Tete, yi Tete munda mwamene ; kaninga ndo kumoni, nungwetabusi ku mucwe ă makisa mikyeao. 12Sôsôlwo, sôsôlwo, nwatôyela ene, You ungwetabuxila meme, makisa angwencenca meme ndo anakwencayi kabidi ; yi amo adika aa noku manene ndo anakwencayi, bwalo buntanaya kudi Tete. 13Yi kintu kioso kinunalomba ku dina diamene, nakukienca, bixetumbixibwa Tete mu Mwana. 14Ndo nunalomba kintu kioso ku dina diamene, meme nakukikisa.

15Ndo nungwananga, nunami milangu yamene. 16Yi meme nakwapangusa kudi Tete yi unanupa munga Musamunini bixeakalayi yinenu kô kô, 17Mwoxixi a sôsôlwo,utabiyi loboko kwangata, bwalo butasomumonalu, yi bwalo butasomulubukwalu ; kaninga nonu numwalubukwa, bwalo bwasalayi yinenu, yi unakala munda mwenu. 18Kinanukadeya bana ba xiyi ; ndolwa kunudi. 19Mo kakondo kabende yi loboko kalusongumona kabidi ; kaninga nonu nungwamona ; bwalo bungwakala yi môyo meme, nonu kabidi nunakala yi môyo. 20Ku diba dedi nonu nunalubukwa ene, meme ndi munda mwa Tetemi, yi nonu nudi munda mwamene, yi meme ndi munda mwenu. 21You udi yi milangu yamene, uyanama, yei ndo muntu ungwananga ; yi you ungwananga unanangibwa kudi Tetemi, yi meme nakumunanga, yi nakudiebesa mikyemi kudiyi.

22Yudaxi, (kumoni you a Ixikalioto), akamwambila ene, Fumu, ape unadiebesa mikyebe kutudi beci, yi kumoni kudi loboko ? 23Yisu akapingasa yi akamwambila ene, Aka muntu mwoso ungwananga unanama diyi diamene, yi Tetemi unamunanga, yi tunalwa kudiyi yi tunakwenca ncibo ecu yinanci. 24You utasongunanga kasonama meyi amene ; yi diyi dinwombombwa kadina diamene, kate dia Tete akangutuma.

25Namanwambila malo aa, pakala nkidi yinenu. 26Kaninga Musamunini, Mwoxixi a babala, unatuma Tete ku dina diamene, yei unanweyesa malo moso, yi unanwelesa malo moso nkanyi anamanwambila. 27Ngwaxiya polo yinenu ; nupapa polo amene mikyemi ; kumoni bea bipapa bena loboko ndo binupapa meme. Mucima ěnu kautepexebwi, kaucini. 28Nwamakwombwa binapunwambila ene, Ngwancuka, yi ndolwa kunudi. Ndo nwamangunanga, nuxexekyelela bwalo buntanakwenda kudi Tete, bwalo bwamangudika Tete bunene. 29Nkyekyu lolo namanwambila buxi butafikili noku ; binuxekwetabusa pako panakala kwamafika. 30Kinakwambila yinenu kabidi wungi wungi nyô, bwalo bulolwa fumu a loboko lolu, yi munda mwamene kamusoakalayi yi kintu kimokimwe pô. 31Kate bixelubukwa loboko ene, ngwananga Tete, yi bea biakangulanga Tete, ndo bingwencenca noku. Nwemani, tuncuki kunu.

Atualmente Selecionado:

YOANO 14: Luna_NT

Destaque

Copiar