YOANO 12

1YISU lolo, buxi bwa Kidikixilu matuku asambomo, akalwa ku Betani kwakadi Lasaiusu, akabisa Yisu kudi bafu. 2Mbwôso bakamwencela kidilu koku, yi Mata akabasadila ; kaninga Lasalusu akadi yinabo bamaxikama ku mesa. 3Mbwôso Mali akangata manyi a ncobo a “ nada ” a diso dikola a Iwedi lwa pundu umoumwe, akaxinga makasa a Yisu, yi akakupulula makasa anci yi nyonyi yenci ; yi ncibo akakwolubilañana yi manonu a manyi. 4Mo munga mweyi anci, Yudaxi, muna Ixikalioto uxemwenga, akatôya ene, 5Kukai manyi aa kasokwodixibwa ku nkama isatu ya denalio ya kupebwa bakombi ? 6Kate akatôya nako kumoni bwalo bwakakwombwelayi bakombi mwengo, mo bwalo bwakadiyi mwefi, yi bwalo bwakakalayi muna mwosokye, yi akacwala bintu biakatekyebwa momu. 7Mbwôso Yisu akatôya ene, Numulekyeli ; akadi amabumba manyi aa bwalo bwa diba dia kuncikibwa kwamene. 8Bwalo bunutani yi bakombi yinenu matuku moso ; kaninga kanusoakala yinami mikyemi matuku moso.

9Mbwôso kimbukuma kinene kia bena Yuda bakalubukwa ene, udi koku ; yi bakalwa, kumoni bwalo bwa Yisu butupu, kate bixemonabo Lasalusu kabidi akabisayi kudi bafu. 10Kaninga makanda manene akakwelañana nkanyi bixexipabo Lasalusu kabidi, 11bwalo bwakancuka bantu bangi ba bena Yuda ku mucwe kwanci, yi bakakwetabuxila Yisu.

12Mankyelo, kimbukuma kinene kia bantu bakadi bamalwa ku kitula, pakakwombwabo ene, Yisu ulolwa ku Yelusaleme, 13bakangata manga a mabwe yi bakabatuka kuya pomana yinanci, yi bakakwamena ene, Osana ; you atumbixibwi ulolwa ku dina dia Fumu, Fumu a Isalele. 14Yi Yisu, pakasañanayi mpundu mubende, akakwapema kulu ; bea biakafundibwa ene, 15Kucini, mwana a Siono ; mona, Fumwebe ulolwa uxikamini kulu kwa mwana a mpundu. 16Beyi banci bakadi kabasolembetela bintu bebi ku buxi buxi ; kate pakadi Yisu amabandixibwa kulu, kunyuma bakakwela nkanyi ene, bintu bebi biakamufundidibwa, yi ene, bakamwencela bintu bebi. 17Mbwôso kimbukuma kiakadi yinanci pakabikilayi Lasalusu munda mwa lukita, yi pakamubisayi kudi bafu, kiakamutôbôlela ntôbô. 18Mbwôso kabidi kimbukuma kiakaya pomana yinanci bwalo bwakakwombwabo ene, akakisa kilembetelu kieki. 19BaFalixi lolo bakakwambilafiana ene, Nwamona ? kanusokwenca kintu ; mona, bungi bwa bantu bamamulanda.

20Kwakadi lolo banga bena Ngiliki yinabo bakalwa kulwa xingila ku kitula ; 21baba noku bakalwa kudi Filipi, muna Betesaida a Ngalili, yi bakamwapangusa ene, Mukyelengi, twakyeba kumona Yisu. 22Filipi akalwa ambila Andelo, yi Andelo akalwa yi Filipi yi bakakwambila Yisu. 23Kaninga Yisu akabambila ene, Kikondo kiamafika kixetumbixibwa Mwana a Muntu. 24Sôsôlwo, nwatôyela ene, Kutena mutongu ă mwobele ămapona mu yimbwi yi ămafwa, udiasadila mikyenci ; kaninga ndo unafwa, unalela mitongu mingi. 25You ananga môyo ănci unauncimisa, yi you anyafiana môyo ănci ku loboko lolu, unaubumba ku môyo ă kô kô. 26Ndo muntu mwoso ungwasadila, angulandi ; yi ku kidi kindi meme, koku kabidi kunakala musadi amene. Aka muntu mwoso ungwasadila, Tete unamuteka yi kinemu.

27Nkyekyu mucima ămene utaputowa, yi nakutôya beci ? Ene, Tete ungupandisipo kikondo kieki ? Kate ku bwalo bobu ndo kunapulwa ku kikondo kieki. 28Tete, tumbisa dina diebe. Mbwôso, mu diulu mwakalwa diyi, ene, Namaditumbisa, yi nakuditumbisa kabidi. 29Biakatôya kimbukuma kiakakwemana kiakakwombwa, ene, Dikongola kadedi. Banga ene, Mwangele aputôya yinanci. 30Yisu akapingasa ene, Diyi dedi kadiluli ku bwalo bwamene, kate ku bwalo bwenu. 31Nkyekyu kudi lopelo lwa loboko lolu, nkyekyu kunatenyekyebwa fumu a loboko lolu. 32Yi meme, ndo nakwombuludibwa kunci kwa loboko, nakuputa bungi bwa bantu kundi. 33Mo akatôya noku ndo kwebesa pa butonga bwa lufu luxefwayi.

34Kimbukuma kiakamupingasa ene, Coco twamakwombwa mu bwadi ene, Kalistu ndo asala kô kô ; yi Owe watôya beci ene, Mwana a Muntu uxekwombuludibwa ? Udi ñani ? you Mwana a Muntu. 35Mbwôso Yisu akabambila ene, Mo kakondo kabende katani obo yinenu. Nwendi pakala nutani yi obo, bitaxenukwata mwedima. You lolo endenda ku mwedima kasolubukwa kuyeyayi. 36Pakala nukidi yi obo, nwetabuxili obo, binuxeakala bana ba obo. Yisu akabambila malo aa, yi akancuka, yi akabasokoma.

37Kaninga isanga akakwenca bilayixilu bungi noku ku mpala yabo, bakadi kabasomwetabuxila, 38bixefikixibwa diyi dia mudimuxi Esaya diakatôyayi ene, Fumu, ñani amakwetabusa mwoximo ěcu ? Kudi ñani lolo kwamakwebexebwa kiboko kia Fumu ? 39Mbwôso bakadi kababiyi kwetabusa, bwalo bwakatôya Esaya kabidi ene, 40Amaxipa meso abo bufofo, yi amakolesa mucima ăbo, ximbi baxemona ku meso abo yi baxelubukwa ku mucima ăbo, yi baxekulumuka, yi meme nxebapandisa. 41Malo aa noku akatôya Esaya bwalo bwakamonayi dikai dienci, yi akakwambila dla bwalo bwanci. 42Kaninga bantu bangi, isanga bantu banene, bakamwetabuxila ; kate ku bwalo bwa baFalixi kwakadibo kabasosakola, bitaxekwelebwabo kixingidilu ixongo, 43bwalo bwakadilabo lotumbu lulolwa kudi bantu, kumoni lotumbu lulolwa kudi Ncembi.

44Mo Yisu akakwamena diyi, akatôya ene, You ungwetabuxila meme, kasongwetabuxila meme, kate you akangutuma ; 45you ungwamona meme ndo amona you akangutuma. 46Meme namalwa ku loboko, obo, ene, muntu mwoso ungwetabuxila kaxesala mu mwedima ; 47aka lolo muntu mwoso ombombwa meyi amene, yi kasoanama, meme kisomusambola, bwalo buntaluli kulwa sambola loboko, kate kupandisa loboko. 48You ungwanyañana, utasoangata meyi amene, udi yi umoumwe umwasambola ; diyi dinaputôya, kadedi dinamusambola ku dituku dia ku sula. 49Bwalo buntatôyeli biamene mikyemi ; kate Tete akangutuma amangupa mulangu mikyenci binxetôya yi binxekwambila. 50Yi namalubukwa ene, mulangu ănci udi môyo ă kô kô. Mbwôso diembi dingwatôya, bea biapungwambila Tete, ndo bingwatôya.

Atualmente Selecionado:

YOANO 12: Luna_NT

Destaque

Copiar