Oduu Nagayaa Ka Yohaannisii 16

1 # 15:18-27; Mat. 11:6; 13:21 Akka hin guffanneef kana isinitti hime. 2#9:22; Mat. 5:11; 10:17; 24:9; Hu. Er. 8:1; 9:1; 23:12 Mana sagada Yihuudotaa keessaa isin baasanii kana caalaallee akkasuma worri isin ajjeesan maruu akka waan Rabbii hojjataaranii hennaan isaanitti fakkaatu hin dhufa. 3#15:21; Hu. Er. 3:17; Qor. 1ffaa 2:8; Yoh. 1ffaa 3:1 Kanallee wonti isin irratti godhaniif, Aabbaa fi anallee waan hin beenneef. 4#13:19; 14:29 Haata'uu ammoo yoo hennaan gaye, akka ani isinitti himetti akka yaaddaniif kana isinitti hime. Qara waan isin woliin jiruuf kana isinitti hin himne.

Hujii Ayyaana Woyyu'uu

5 # 7:33; 13:36; 14:5 Amma ammoo gara ka na ergee deema; isin keessaallee eessa deemta? jedhee ka na gaafatu hin jiru. 6#16:22 Haata'uu ammoo kana waan isinitti himeef gaddi garaa keessan keessa guuteera. 7#14:16, 26; 15:26 Ani ammoo dhugaa isinitti hima, ani yoo deeme isinii woyya. Yoo ani hin deemnee ka isin jajjabeessu gara keessan waan hin dhufneef, ani yoo deeme ammoo isa isinii erga. 8#Qor. 1ffaa 14:24; Hu. Er. 24:25 Innillee dhufeeti waan cubbuu, waan qajeellumma'aatii fi waan murti'ii adunya'atti hima. 9-10#3:18; 8:24; 15:22, 24 Waan cubbuu isaaniitiif waan natti hin amanneef, waan qajeellumma'aatiif gara Aabbaa waan deemuuf, asiin maayessa waan na hin argineef. 11#12:31; 14:30 Waan murti'iitiif ammo bulchaa adunyaa tanaatitti duraanuu murteefameera.

12 # Qor. 1ffaa 3:1 «Waan isinitti himu ammallee waan heddu qaba. Haata'uu ammoo mara isaa qaabachuu hin dandeettan. 13#14:17, 26; Yoh. 1ffaa 2:27 Inni Ayyaanni dhuga'aa ammoo hennaa dhufe gara dhuga'aa maraa isin geessa. Waan dhagayu mara dubbata malee, ufi irraa waan hin dubbanneef waan dhufullee isinitti hima. 14Inni na kabbajja narraa fuudhee isinitti waan himuuf. 15#3:35; 17:10 Wonti Aabbaa maruu kiyya. Kanaaf, ‹Ka ani qabu irraa fuudhee isinitti hima› jedhe.

Gaddaa Fi Gammachuu

16 # 14:19, 28 Hennaa diqqo'oon maayessa na hin argitan, akkasuma hennaan diqotu jira na argitan, ani gara Aabbaa waan deemuuf. 17Darasoota keessaa gariin, « ‹Hennaa diqo'otu jira, na hin argitan; ammallee hennaa diqo'otu jira, na argitanille'e; deebi'ee gara Aabbaa deema› ka jedhu kun maali'i?» woliin jedhan. 18#7:33-36 Eeganaa, « ‹Hennaa diqoo ka jedhu kun maali'i?› waan inni dubbatu hin beennu» jedhan.

19 # 6:61; Luq. 9:45 Yesuusillee akka gaafachu'uuf ta'an beekee akkana isaaniin jedhe, « ‹Hennaan diqqoon hin jirti na argitanille'e, akkasuma hennaan diqqoon hin jirti na hin argitan› waan jedheef, kana wol qortanii? 20#Luq. 5:35; 6:21; Mat. 5:4; Mar. 16:10 Ani dhugama dhuga'aatiin isiniin jedha, isin hin boottan mararoo baafattan, biyyi lafaa ammoo hin gammada. Isin hin gadditan. Haata'uu ammoo gaddi keessan gara gammachu'uu jijjiirama. 21#Isaayyaasii Raatticha 26:17 Dubartiin hennaa deettu jiini dayiinsa isi'ii waan itti gayeef hin gadditi, haata'uu ammoo yoo daa'ima deetteen maayii waan namni biyya lafaatitti dhalateef sababa gammaddeef maayessa dhiphachuu isi'ii san maraa hin irraanfatti. 22#Kitaaba Faarfanna'aa 126; Isaayyaasii Raatticha 35:10; 66:14; Yoh. 20:20; Luq. 24:41-52 Eeganaa isinillee akkasuma, amma hin gadditan. Haata'uu ammoo deebi'ee isin arga, garaan keessan hin gammada gammachuu keessanillee ka isin jalaa fudhatu hin jiru. 23#14:13-14; 15:7; Mat. 7:7; Yoh. 1ffaa 5:14-15 «Guyyaa san, ana irraa waan tokko hin kadhattan, dhugama dhuga'aatiin isiniin jedha Aabba waan maqaa kiyyaan kadhattan maraa isinii kenna. 24#15:11; Yoh. 1ffaa 1:4; Mat. 18:19 Haga ammaa maqaa kiyyaan womaa hin kadhanne. Gammachuun keessan guutuu akka ta'u kadhadhaa'a hin argatanii.

Injifatamuu Adunya'aa

25 # 10:6; 16:4; Mat. 13:34 «Kana fakkeennaan isinitti himeera. Haata'uu ammoo waan Aabba addaataa isinitti himu malee achiin gama mammaakaan hennaan hin dubbanne hin dhufa. 26Guyyaa san maqaa kiyyaan kadhattan. Anillee waan keessaniif Aabbaan isinii kadhadha isiniin hin jedhu. 27#14:21; 17:8, 25 Isin waan na jaalattaniif Rabbiin biraallee akka Ani dhufe waan amantaniif Aabba inninuu waan isin jaalatuuf. 28#13:3 Abbaa biraa bayee gara biyya lafaa dhufeera; ammallee biyya lafaa gad dhiisa; gara Aabbaallee hin deema. 29#16:25 Darasoonni kunoo amma addaataa dubata'aarta, womaa fakkeennaan hin dubbattu. 30#2:24-25; 21:17 Maraa akka beettuuf eennullee si gaafachuu akka hin barbaanne amma beenneerra, kanaaf Rabbiin biraa akka dhufte hin amanna» jedhaniin. 31Yesuusillee akkana jedhee isaanii deebise, «Amma hin amantanii? 32#Zakkaariyaasii Raatticha 13:7; Mat. 26:31; Mar. 14:27, 50; Yoh. 8:29 Amma isin maruu gara manaa hennaan bittinnooftan, sa'aatiin nallee hojjatti dhiiftan hin dhufa ammaa gayeera, haata'uu ammoo Aabba waan na woliin jiruuf hojja kiyyaa mit. 33#14:27; Rom. 5:1; Xim. 2ffaa 3:12; Yoh. 1ffaa 5:4 Nageenni na'aan akka isinii ta'uuf kana isinitti himeera, biyya lafaa keessa hennaa jirtan hin rakkattan, haata'uu ammoo jabaadhaa'a! womaa mit ani biyya lafaa mooyadheera.»

Atualmente Selecionado:

Oduu Nagayaa Ka Yohaannisii 16: WLNT

Destaque

Copiar