Oduu Nagayaa Ka Yohaannisii 15
15
Yesuus Muka Woyinii Dhuga'aa Ti
1Jirmi woyini'ii ka dhuga'aa ana. Ka isa dhaabee guddisellee Abbaa kiyya. 2#Mat. 3:10; 15:13; Filph. 1:9-11 Damee daraaraa hin baafne ka na irra jiru maraa Abbaan kiyya kutee gata; ka daraaru maraa guddisee akka daraaru hin tottolcha. 3#13:10; Efe. 5:26; Phex. 1ffaa 1:23 Isin dubbii amma ani isinitti hime kanaaf qulqulloota. 4Ana keessa jiraadhaa'a, anillee isin keessa jiraadha. Dameen yoo jirma woyini'ii irra hin jiraanne, ufitti daraaraa daraaruu akka hin dandeene, akkasuma isin ammoo ana keessa yoo hin jiraanne daraaruu hin dandeettan. 5#Qor. 1ffaa 12:12, 27; Qor. 2ffaa 3:5-6 «Ani jirma woyini'ii ti, isinilee damee kiyya, anaan addatti womaa godhuu waan hin dandeenneef, ka naan jiraatu, ka anilee isa keessa jiraadhu inni daraaraa heddu daraara. 6Ka ana keessa hin jiraanne yoo jiraate, akka dame'e muramee gara diidaa gatama, hin goga; dameewwan akkasii wolitti qabamee ibiddatti gatamee gubama. 7#5:38; 14:13; Mar. 11:24 Na keessa yoo jiraattan dubbii yoo isin keessa jiraate waan barbaaddan maraa kadhadha'aa isinii ta'a. 8#Mat. 5:16 Uduu daraaraa heddu godhattanii darasoota kiyya taatani, Abbaan kiyya kanaan kabajjama. 9Akkuma Abbaan kiyya na jaalate, anillee akkasuma isin jaaladheera. Jaalala kiyyaan jiraadhaa'a. 10#14:15; 8:29; Yoh. 1ffaa 2:5; 5:3 Akkuma ani ajaja Abbaa kiyyaa eegee jaalala isaatiin jiraadhu, yoo ajaja kiyya eeddan, jaalala kiyyaan jiraattan. 11#16:24; 17:13; Yoh. 1ffaa 1:4 Akka gammachuun kiyya isin keessa taa'u gammachuun keessanillee akka raawwatamu kana isinitti himeera. 12#13:34; 15:17; Yoh. 1ffaa 3:11, 23; 4:19; Yoh. 2ffaa 5 Akkuma ani isin jaaladhe, isinillee akka wol jaalattan ajanyi tiyya tana. 13#10:11; Yoh. 1ffaa 3:16; Rom. 5:6-8 Lubbuu ufii jaalalloota ufiitii kennuu caalaa, jaalala kana caalu eennullee hin qabu. 14#8:31; Mat. 12:50; 7:21-23 Waan ani isin ajaje maraa uduu gootanii isin jaalalloota tiyya. 15#Luq. 12:4; Yaq. 2:23 Eegasuu ammaa achi garboota isiniin hin jedhu, garbichii waan Gooftaan godhu waan hin beenneef; jaalalloota tiyya isiniin jedheera, waan Abbaa kiyya irraa dhagaye maraa isinitti beessiseera. 16#6:70; 13:18; 16:23 Anatu isin filate malee, isin na hin filanne, Aabballee waan maqaa kiyyaan kadhattan maraa akka isinii kennu, deemtanii daraaraa akka godhattan, daraaraan keessanillee akka jiraatuuf isin muude. 17#15:12 Akka isin wol jaalattan kana isin ajaja» jedhe.
Yesuus Akka Adunyaan Nama Jibbitu Dubbate
18 #
7:7; Yoh. 1ffaa 3:13 «Adunyaan yoo isin jibbite isiniin dura akka na jibban beekaa'a. 19#17:14; Yoh. 1ffaa 4:5-6; Luq. 6:22 Isin worra adunya'aa uduu taatanii adunyaan waan ufii hin jaalatti. Isin ka adunyaa kanaa waan hin taaneef adunyaa irraa isin filadhe. Kanaaf adunyaan isin jibbiti. 20#13:16; Mat. 10:24-25; Luq. 6:40 Garbichi Gooftaa hin caalu jedhee dubbii isinitti hime qaabadhaa'a, yoo na ari'anii jiraatan, isinillee akkasuma hin ari'an; dubbii kiyya yoo eeganii jiraatan, dubbii keessanillee akkasuma eegan. 21#16:3; Mat. 5:11 Haata'uu ammoo isaan ka na erge waan hin beenneef, kana maraa maqaa kiyyaaf jedhanii isin irratti godhan. 22#9:41 Ani uduu dhufee isaanitti himuu dhabaadhee silaa cubbuu isaanitti hin ta'u. Amma ammoo cubbuu isaaniitiif sababa hin qaban. 23#5:23; Luq. 10:16; Yoh. 1ffaa 2:23 Ka na jibbu akkasuma Abbaa kiyyallee hin jibba. 24#10:37-38; 9:41; 14:11; 12:37 Hujii namni biraa hin goone isaan wodhakka'atti uduu godhuu dhabaadhee silaa cubbuu isaanitti hin ta'u. Amma ammoo anallee Abbaa kiyyallee arganii, jibbaniiran. 25#Kitaaba Faarfanna'aa 35:19; 69:4 Haata'uu ammoo seera isaaniititti akkanumaan na jibban jedhamee dubbiin barreeffame akka raawwatamuuf kun ta'e. 26#14:16, 26; Luq. 24:49; Yoh. 1ffaa 5:6-7 Haata'uu ammoo ka ani Aabbaa biraa isinii ergu jajjabeessaan, innillee ka Abbaa biraa dhufu Ayyaanni dhuga'aa hennaa dhufe, inni waan kiyya ragaa baya. 27#Luq. 1:2; Hu. Er. 1:8, 21-22; Yoh. 1ffaa 4:14 Isinillee akkasuma jalqabumarraa waan na woliin jiraataniif hin raddan» jedhe.
Atualmente Selecionado:
Oduu Nagayaa Ka Yohaannisii 15: WLNT
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Arsi-Bale Oromo New Testament, Literal Type Translation © Light of Hope Ministry, 2013.
