Genesi 14
14
Abrama a ngu pala livbandre dzipfhumu
1Khu matshigu yale, Amirafeli, mufumeli wa Sinari, Ariyoki, mufumeli wa Elasari, Kedhorilawomeri, mufumeli wa Elamo ni Tidali, mufumeli wa Goyimi, 2va di pwanana va gu dwanisa Bhera, mufumeli wa Sodhoma ni Bhirisa, mufumeli wa Ghomora, ni Sinabi, mufumeli wa Adima, Semebheri, mufumeli wa Seboyimi ni mufumeli wa lidhoropa la Bhela li ranwago gambe pwani Sowari. 3Vafumeli vava nya guhegise, va di tshanganisa masotshwa yawe kovani gwa Sidimi, yi guromo umo Yiphwa nya Gufe. 4Va dzumede gu fumedwa khu Kedhorilawomeri gipimo nya likhumi na mivili myaga, aholu khu mwaga nya likhumi na miraru, va di mu wugela.
5Khu mwaga nya likhumi na mina, Kedhorilawomeri a dita gumogo ni vafumeli vale a nga bani a pwananide navo, va ta pala Varefayi wulanga wu ranwago gupwani Asiteroti-Karinayimi; va vbindra va ya khinyela Vazuzi, wulanga wu ranwago pwani Hami; khu vbale, va diya pala Vaemisi wulanga wu ranwago pwani Savhe-Kiriyatani; 6ni Vahorita gigomoni gwawe ga Seyiri, va gu va tutumisa kala wulanga wu ranwago pwani Eli-Parani, vbinganoni ni giwula. 7Khu vbale va di thendregedza vata tigoni ga Eni-Misipati, a gu Kadesi vata khozisa gipandre gyatshavbo gya Vaamaleki, ni Vaamori va vbanyago Hazazoni-Tamari.
8Aholu vafumeli va Sodhoma, Ghomora Adima, Seboyimi ni Bhela, olu gu ranwago pwani Sowari, va di duga gasi guya dwana kovani ga Sidimi 9ni Kedhorilawomeri, mufumeli wa Elamo, Tidali, mufumeli wa Goyimi, Amirafeli, mufumeli wa Sinari ni Ariyoki, mufumeli wa Elasari. Khu guralo, ava vafumeli nya vana, va di ema gumogo va gu wugela livbandre vafumeli. 10Kova watshavbo wa Sidimi wu di tade khu milambo nya maraga, vafumeli va Sodhoma ni Ghomora na va gu thava, va di ya thegela milamboni momo, vambe va di thavela sigomoni. 11Valala va di phanga dzithomba dza Sodhoma ni Ghomora, ni guhodza gwawe gwatshavbo, va gu hongola.
Loti a ngu dzegwa kha nga khumbi
12Va di dzega nuye Loti gyanana gya ndruye wa Abrama, gumogo ni silo saye satshavbo, kholu va di gu vbanya tigoni ga Sodhoma. 13Moyo nya vale va nga thavago, a di ya embela Abrama, Muhebheru a nga bani a vbanya misimboni nya yikhongolo ya Manire-Mambre, nongo wa Esikoli ni Aneri va nga bani va hungide pwanano ni Abrama. 14Abrama, na pwide gupwani mwanaye Loti modwe, a di somisa matshari sithumi saye nya gu si thembe, esi si velegedwego ndrangani gwaye, khu sayo nya mazana mararu ni likhumi na livbandre na vararu (308) vama, va gu bela ndzilani va tutumisa valala kala tigoni ga Dhani. 15Abrama a di kabanisa vathu vaye khu mitsawa a randrela valala a va pala ni vbakari nya wutshigu, a gu va tutumisa kala Hobha, nyambade ga Dhamasiko. 16Abrama a di wuyisa nyaluphye dzithomba dzatshavbo, a gu tshula mwanaye Loti ni silo saye, gumogo ni vanyamayi ni vatshavbo va nga bani va modwe.
Melikisedheki a ngu kategisa Abrama
17Abrama na gu wuya, hwane nya gu bani na pade Kedhorilawomeri ni vafumeli nya dzipari dzaye, mufumeli wa Sodhoma a di duga a mu khinga, aya mu hakha kovani ga Savhe, a gu kova wa Mufumeli.
18A nuye Melikisedheki, mufumeli wa Salema, a nga bani nari muphasi nya mhamba ya Nungungulu nya gukhugege ngudzu, a dita nuye na pharide gibaba ni vbinyu, 19a ta mu kategisa khu magana yaya, khuye: “Nungungulu a khusegidego ngudzu, muvangi nya ndzadzi ni mafu, a na kategise Abrama! 20#Wona gambe: Hebh 7:1-10. A na dhumiswe Nungungulu
a khusegidego ngudzu,
a gu ningidego tshivba nya gupale valala vago!”
Abrama a di mu ninga gipandre nya likhumi nya silo satshavbo a nga si wuyisago nyaluphye. 21Khavbo avbo, mufumeli wa Sodhoma a di embela Abrama, khuye: “Eni nyi ninge basi vathu, gasi silo, khala naso uwe.”
22Abrama a di hakha, khuye: Nyi ngu sambanya na nyi gu khusedza mandza yangu ga Pfhumu Nungungulu a khusegidego ngudzu, muvangi nya ndzadzi ni mafu, 23gukheni kha nyi dzumeli gutshala ambari ni gimwegyo basi nya silo satshavbo si lumbago uwe, ambari khu khindra mwendro ngodzi nya guhunge khiyo silato, kha nyi vbweti u ganele gukhuwe: Khuwe u nga fumisago Abrama. 24Eni nyi na eneledwa basi khu esi va hodzidego vathu vangu, ni gipandre gya vale va nga hengela ni eni, Aneri, Esikoli ni Mambre. Avo khu lisine va na ni fanelo nya guduse gipandre gyawe.
Atualmente Selecionado:
Genesi 14: BGE2014
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
A Bíblia em Gitonga © Bible Society in Mozambique, 2014.
