SEFANIAH 3
3
1Ai ki tea vei p̃auluulu go tea loa, natokoana waina e do diesoki! 2Nae e da dogo parati ki nadaleo mau; nae e da dape natapavanauana mau; nae e da pavatu Yehovah mau; nae e da disu paki m̃aladigi ki Sup̃e aneana mau. 3Tea maraki aneana maga waina eu doko m̃aleoputo kakana eu pei laion maga waina eu do uru; tea vasap̃otae aneana maga eu pei wulf maga ni ragi melu; eu da doropusi te navatu ni tea katip̃oraeana e doko pa pa paki malip̃ogi mau. 4Profeta aneana maga eu pei tea mari lagilagi go naatam̃oli vei malauweluki maga: tea viri aneana maga eu mari m̃oli ki tokora tapu, eu po mari pavakoto ki nawotaeana. 5Yehovah waina e doko m̃aleoputo kakana e leana; e da mari dagele mau; sara malip̃ogi navasap̃otaeana aneana e doko lina, e da mamale asa mau; ma tea tagele e da atae namaliereana mau. 6A po daelua nalauna maga, tokora vakilagi adeada maga eu pei maso maladi; a po mari napua lapa adeada maga eu p̃alo, naga naata sikai e da surata pae ara mau: natokoana adeada maga eu po mavunuvunu, naatam̃oli e dika ara, naatatoko sikai e da doko ara mau. 7Kinau a naga, Lomau ega wo matau ki nau, ega wo dogo parati ki natapavanauana; go ega wo da malio ki nia mau nalo ni tea mamau puti waina a po pasa parati ki nia asa; ma eu mari m̃araverave, po mari sa ki puti namariana adeada maga. 8Nalakena tea wanogoe kuga ko doko raki nau, Yehovah e noa e, pa pa paki naaleatia waina aga wo duleana asa dapala nanoasokisokiana sikai: nalakena namidoaki‐p̃otae‐ana aginau e pei naga aga wo piragi saisai ki nalauna maga, naga aga wo saisai ki namarakiana maga, naga aga taki namaritausuana aginau doko ara, navivitinuana ni namaetoana mamau aginau; nalakena maramana mamau ega wo pei tea kani‐dinomi‐ana ki nakapu ni natotowo‐kasua‐ana aginau. 9Nalakena ragi wanogoe aga wo dua narei maga masileo wia sikai, naga euga mamau puti soso nagisa ni Yehovah, po maneana suasua ki p̃op̃o sikai maau. 10Tea tatago aginau maga, natu nagoroi ni tea veravera aginau maga, euga wo pae taleva ni noaisara maga ni Ethiopia, euga wo piragi navituaana aginau umai. 11Naaleatia wanogoe p̃a wo da maliere mau nalakena namariana maga waina ku po mari p̃auluulu dip̃a au asa: nalakena ragi wanogoe aga wo disua ki lua naatam̃oli anigo m̃elu dua ki m̃aleoputo kakam̃a pano, waina nap̃op̃oda eu pakilagi, waina eu do dum̃ada sorosoro ki da, go nap̃op̃om̃a ega ta moro pakilagi mau, doko tava tapu aginau. 12Ma aga wo doropusi narei sikai waina eu doko sa doko, po pei tea tika, euga toko m̃aleoputo kakam̃a, go nara euga wo pavatu nagisa ni Yehovah. 13Namagovai ni Israel waina e doko euga wo da mari dagele mau, kite pasa nasorosoroana mau; go namena sikai ni navasasoreana ega wo da pei tea vap̃aiana doko nawokada mau: ma euga wo ganikani po one natano one, go te naata ega wo da mari ra euga mataku mau. 14P̃a lega, Sion natuna nagoroi O; p̃a rarasa, Israel O; p̃a sokamidi po laelaea ki nap̃op̃o mamau, Yerusalem natuna nagoroi O. 15Yehovah e po dape lua navasap̃otaeana maga pakigo, e po kopa lua tea kokona kigo: nawota ni Israel, Yehovah nogo, e doko m̃aleoputo kakam̃a; p̃a ta moro matau ki tea sa mau. 16Doko naaleatia wanogoe ega wo pei tea noaana paki Yerusalem, P̃a ta mataku mau: Sion O, nam̃elearum̃a maga euga ta manainai mau. 17Yehovah Sup̃e anigo e doko m̃aleoputo kakam̃a, tea kasua mau waina ega wo mautipauri: nae ega wo laelaea ako pilake nalaelaeaana, ega wo mari pau ki‐go doko nadodomiana aneana, ega wo laelaea ako ki nalegaana maga. 18Aga wo piragi saisai ki tea maga waina eu dogokitesa raki nasaisaiana tapu, waina eu pei tea anigo: naga p̃a wo da dapetape navasapinoakiana mau. 19P̃a leo, doko ragi wanogoe aga wo mari puoli ki tea maga mamau puti waina eu do diesoki ko: go aga wo mauti tea vei pito, po piragi soki tea waina e pei tea kopasiluaana; go aga wo doa namaliereana adeada ega vei nasamasamaana, go euga wo peani nagisa sikai usuraki maramana mamau. 20Doko ragi wanogoe aga wo piragi mu liliu umai sara naatamoli animu,Aga marimu kuga vei te adaeana maraman mamau,Go aga mai naveaniana animu ega moro Parualiu Yehovah e noa e.
Atualmente Selecionado:
SEFANIAH 3: NTB
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Bible Society of the South Pacific