MAIKA 6
6
1Go kuga rogo tea waina Yehovah e noa e: e naga, P̃a tuleana, p̃a vululu narae ni tava warua maga, go tava sula maga euga rogo nadaleom̃a. 2Kuga rogo navululuana ki Yehovah, nimu tava warua maga O, go nimu laketano vatoko maga ni maramana: nalakena Yehovah e peani navululuana sikai dip̃a narei aneana, go ega wo pululu ki Israel. 3Narei aginau O, nasava waina kinau a mari a paki‐go? Go dapale sava a pei tea madaga one ako? P̃a noasokisoki dip̃a au asa. 4Nalakena kinau a piragi lua ko sake m̃elu dua ki navanua ni Ityipt umai, po daulua ko m̃elu dua ki nasum̃a ni navei‐naviti‐ana; go a dip̃aki lua Moses, Aaron go Miriam eu pea ki‐go. 5Narei aginau O, kuga midoa ki parati ki tea waina Balak nawota ni Moab e midoa ki p̃ai a, go tea waina Balaam natu ni Beor e pasadara e asa; go tea waina e pakilina Shittim go pa pa paki Cilcal, naga kuga atae nawosiana leana maga ki Yehovah.
6Aga wo dape nasava po paloti paki narae ni Yehovah, po kolo suai natano narae ni Sup̃e vakilagi? Aga wo dape navituaana tap̃arakiana maga, go kau natuna anoai maga ni natau sikai, po paloti paki naraena, kite? 7Yehovah ega wo midoa ki m̃ata ki shiip anoai manu laapa, kite noaisara maga ni naroro tivilia laapa, kite? Aga wo pitua ki natugu takalapa nalakena natapiriana aginau, nawa ni nap̃atokogu dip̃a namarinaleosaana ni naatagu, kite? 8Nae e mari pisei ki sua paki‐go, naatam̃oli O, ki tea waina e p̃ia; go nasava waina Yehovah e datagovi ko asa, ma naga p̃a mari leana, go naga p̃a dodomi nadodomiana, go naga p̃a surata sikoti Sup̃e anigida doko naveip̃op̃o‐vakitano‐ana?
9Nadaleo ni Yehovah e pioso paki natokoana, go naatam̃oli ni namanumatuaana ega wo matau ki nagisam̃a: kuga taki dorogo, nimu nalauna O, go nimu nasaisaiana ni natokoana! 10Naleo tauakiana maga ni nasigisigileoana eu ko doko nasum̃a ki tea sigisigileo doko, vatu rowogi ni namarisoreana waina e pei tea mamaragokiana, kite? 11Aga wo noa naga lasa totowo ni namarisoreana, go nala sikai ni vatu rowogi sorosoro maga, eu pei lomau, kite? 12Naatam̃oli sogolapa kakana maga eu pura ki namaripavakotoana, go naatatoko kakana maga eu pasa nasorosoroana maga, go namena ni namarisoreana e doko nawokada. 13Nalakena tea wanogoe kinau a pae asa atugi ko ki wotu sa liu sikai; a mari ko ku pei maso maladi doko nalakena namarinaleosaana anigo maga. 14P̃a wo ganikani, ma p̃a wo da puka mau; go nap̃alaum̃a ega wo p̃alo ki navinaga: go p̃a wo pila daua ki, ma p̃a wo da mauti mau; go tea waina ku mauti a, kinau aga wo pitua ki nia paki lova. 15P̃a wo sapura ki, ma p̃a wo da dagaukotovi mau: p̃a wo pasi lesue oliva maga, ma p̃a wo da dum̃am̃a puvurai ki‐go ki naroro kakana mau; go p̃a wo pasi m̃oru ni nawa ni vaine, ma p̃a wo da munu waine kakana mau. 16Nalakena natawonakiana maga ki Omri, go nawosiana maga mamau puti ni nasum̃a ki Ahab, eu pei tea vavaigoroana, go nimu ku surata usi namidoaki‐p̃otaeana adeada maga: naga e one au one naga aga mari ko p̃a vei maso maladi sikai, go naatatoko kakam̃a maga euga vei nasaram̃akotoana sikai; go kuga wo dapetape navasapinoaana ki narei aginau.
Atualmente Selecionado:
MAIKA 6: NTB
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Bible Society of the South Pacific