MAIKA 5
5
1P̃a tum̃am̃a dutua ki‐go pae taua maga ragi waia, taua maga natuna nagoroi O: e po kelugoro gida: euga wo atugi tea vasap̃otae ni Israel nap̃orona ki tiko sikai. 2Ma nigo, Bethlehem Efratah, ku pei tea kiki m̃aleoputo ni natokoana maga ni Yudah, ma tea sikai waina ega wo pei tea maramara doko Israel, ega wo maginau m̃elu ako umai; waina natave‐pano‐ana aneana maga eu pei tea lawo‐ki‐laketoko‐ana pae tuai pa pa, pae ragi vea mau pa pa e du mau du. 3Nalakena tea wanogoe nae ega wo pitua ki da, pa pa paki ragi waina nagoroi waina e do pitivitinu, ega wo pisola: ragi wanogoe taina maga waina eu pei tea viragi‐lua‐pavakotoana, euga wo liliu paki Israel natuna maga. 4Go nae ega wo lawodu, go ega wo pagani navata aneana doko nakasuaana ki Yehovah, go doko natatap̃auana ni nagisa ni Yehovah Sup̃e aneana: go nara euga wo doko, po doko p̃ia doko, nalakena nae ega wo p̃arua pa pa paki namatap̃ago maga ni maramana. 5Go naatam̃oli wanogoe ega wo pei natam̃ateana anigida: ragi waina tea ni Assiria e pe umai paki navanua anigida, go e pe lawo ki nam̃ele natuana natano anigida, go nigida tuga wo sike tea leoparatiki larua, go tea maraki naatam̃oli latolu euga tuleana dip̃a e. 6Go euga wo dinomi navanua ni Assiria ki lova, go navanua ki Nimrod ki lova sailuaana: go euga wo pualua gida m̃elu dua ki tea ni Assiria, ragi waina e pe umai paki navanua anigida, go ragi waina e pe lawo ki nam̃ele natuana navanua anigida. 7Go namagovai ni Yakob waina euga wo pei tea mautiana, euga wo doko m̃aleoputo ni nalauna laapa dapala nasovaki m̃elu Yehovah, dapala narikiti maga paki nam̃enau; waina eu da leogoro raki naatam̃oli mau, kite doko raki naatam̃oli natuda maga mau. 8Go namagovai ni Yakob waina euga wo pei tea mautiana, euga wo doko usuraki nalauna maga, m̃aleoputo ni narei laapa, dapala laion sikai m̃aleoputo ni nalo mila maga ni namalasi, dapala laion tureai sikai m̃aleoputo ni navata maga ni shiip: ragi waina e surata duaduru usuraki ara, e pasi puludoa ra po kati p̃oraworae ra, go tea vualua ra e dika. 9Nam̃elearum̃a ega vei tea sikeana dip̃a tea maga waina eu pei walup̃ota paki‐go, go tea kokona ki‐go maga mamau puti euga vei tea taeluaana.
10Go ega wo pakilina naaleatia wanogoe, Yehovah e noa e, naga aga wo daelua horse anigo maga m̃elu dua ki m̃aleoputo kakam̃a, go aga wo mari puoli ki kariot anigo maga: 11Go aga wo daelua natokoana maga ni navanua anigo, go aga wo nadi ki pakitano nasum̃a kasua p̃aakagoroana anigo maga mamau puti: 12Go aga wo daelua nawosidoaana maga m̃elu dua ki nam̃elearum̃a; go p̃a wo da moro peani tea vasapua maga mau: 13Go aga wo daelua nasup̃e taeana anigo maga go tea lawodu anigo maga m̃elu dua ki m̃aleoputo kakam̃a; go p̃a wo da moro lotu ki tea ni nawosiana ni nam̃elearum̃a maga mau. 14Go aga wo paku lua Asherah maga anigo m̃elu dua ki m̃aleoputo kakam̃a: go aga wo mari puoli ki natokoana anigo maga. 15Go aga wo mari nasikosikoana doko namaetoana go namaritausuana paki nalauna p̃ota maga, tea tapala waina eu da pea dogo e sala vea mau.
Atualmente Selecionado:
MAIKA 5: NTB
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Bible Society of the South Pacific