Luke 11
11
Chapter 11.
1WAIGIEN tliga swonshung gu singlthgang il gushouon; waigien tlistleuon tlan il shouondlu, Shalana, singlthgang gushou lth itil shkotadi, John gyang disciplesgai gin shkotadagun ging-an-a, hin lagia disciplesgai swon il shudaian.
2Waigien hin la il shudāwon, Singlthgang dalung gushusdlu lth hin shūū, Aung-a, akwon lth kyang kwōyādi. Akwon lth kingdom-gai althgwī ga ung-a isdi.
3Shantlan wautliwon gut lth sing gut tou itil ga isdi.
4Waigien lth itil dāung-as kalthshint gudung; itil un ga dāung-asgai kalthshint talung gudung-gung-us altha. Waigien lth gum edē kil-kang ā itil istaldang, hin la il shudāwon.
5Waigien hin ishin la il shudāwon, Gīshdū dalung shu tō dāung? waigien aliako la ā il kaids gien, hin la il shudalthing-āgung, Di tō-i, shibli kū-lthōnulth lth di shilda-di;
6Di tō-alung swon tliga jīng-a sta di un katlas altha, waigien gum gin la lth tāda-lthing-e kang-gang-gung, hin la il sbuda-lthing-āgung;
7Gum lth di gudung-ai kil-lthkwīdang; keu-e wau shkotajāgung, waigien gitalung dung-alth lth tidang; gum tliku dung ga isdie un lth kālthoulthing-e kang-gang-gung, waigien anā nung is hin hanglthang shoulthing-āgung.
8Il tō-i il isis alth ū, il kālthūe isgien, la ga isdie ishin ga il gwou-os-kianan, la alth il kianung-hunsguts alth ū il kālthūs gien, tlistleu ga il stalthasi ging-an la ga il isdāashang dalung ga lth shugung.
9Waigien hin ishin dalung ga lth shugung, Kianung-ūltha, waigien dalung ga isdiāashang; da lth keng-ū, waigien dalung kēi-āashang; shkusdagā-ūltha, waigien dalung un wau sta ostlāashang.
10Tl wautliwon hun gin da kiānuns ū isdagung-gung; waigien gin da nung kens ū ū kēi-gung-gung; waigien nung shkusdagasi un wausta ostlāashang.
11Dalung swon aung-asdlu, waigien il git shibli kūga da la alth kiānunsdlu, kwau gu la ga il isdāash? shkolthung da ishin il kiānunsdlu, shkolthung shoutga gu sik la ga il isdāash?
12Khou da ishin il kiānunsdlu, scorpion gu la ga il isdāash?
13Dalung dāung-askianan, gin lā gitalung ga isdie un dalung ūnshitsdlu, gīsdlu wau telg dalung Aung sha isis la alth ga kiānunsgai ga Hants Las isdāashang? hin tla il shudaian.
14Waigien hants dāung-a nung ā ijan kilgāwon wau sta il dang-an. Waigien tlistleuon hants dāung-as la sta ijandlu, nung kil-gāwon gushouon; waigien ga shkūlasgai kuldung-āgan.
15Beelzebub, hants dāung-as un nung ītlagadas, alth bants dāung-as tla sta il dang-gung-gung, waigien hin tl īlthi shouon.
16Tl ilthi isliin il edē kil-kang-an gien, sha sta gin kang-ūdsada da la alth tl kiānang-an.
17Waigien tliku tl kwūlthilths un il ūnshidan gien, hin tla il shudaian, Tliga wautliwon gu hun gut hanltha tl etsdlu, tl hīlūgung-gung; wraigien nuh ti-swonshung ā ga isgai gut hanltha ēlthsdlu, tl hilūgung-gung.
18Waigien Satan ishin hanlthalthgang ēlthsdlu, gushinu lagia kingdomgai dugwīa-tljū-ashang? Beelzebub alth hants dāung-as tla sta lth dang-ung dalung shūs altha.
19Waigien Beelzebub alth hants dāung-as tla sta lth dansdlu, gīshd-alth-ū dalung gitalung ishin tla sta dang-gung-gung? althji alth ū dalung gitalung dalung un ging-kil-isalang-lēgāashang.
20Ltha tlou Shanung-itlagadas stlukung-i alth hants dāung-as tla sta dansdlu, Shanung-itlagadas gia kingdomgai dalung ing-gu isīl-gung.
21Tlistleuon nung īlthiog-a dugwīas tlāwau-ānī ung-a gits-guts gien, nai duman ung-a il kensdlu, gin il dāas ū duman lang-a ēdung;
22Waigien tlistleuon la telg nung dugwīa un katlas gien, la il dukw-āadasdlu, tlāwau-ānī wautliwon alth il kwauguts la sta il isdas gien, ginagai lang-a il tlāadīgung-gung.
23Gum di alth nung isans ū di hanltha ēdung; waigien gum di alth gudā gin nung isdāans ū ū hagūjang-gung.
24Nung hants gum shkwūnans nung īlthing-a sta isisdlu, tliga gu untl gū kalthgūt li il kas gien, unshandsuda-danai da il keng-gung-gung; waigien gum il kēi-ans gien, Gyang nai gwī lth stīlthshang, gyā sta lth ijun ā-a, hin il shugung-gung.
25Waigien tlistleuon il katlasdlu, lthkiou-dalas gien, duman gin tlīishkutung-as ishin il keng-gung-gung.
26Itan il kaids gien, hants la telg dāung-a jikwau il isdagung-gung; waigien ai tl isdsas gien ā tl nāung-gung-gung; waigien nung īlthing-as kwūnā il dāung-aian telg il dāungē-dung-gung, hin tla il shudaian.
27Waigien hawun adshi il shudagundān, nung jada shkūlie shu sta kilthgulaian, Dung nung dulthgang-an isgien, nung tlinū-e dung tlanan ishin yenkien lāgung! waigien hin la il shudaian.
28Āng, Shanung-itlagadas kil ga guduns gien, duman ū kens tlou wautelg lāgung, waigien hin il shouon.
29Waigien tlistleuon tl shkūlas la ā gudā ijandlu, hin il shū-īdan, Adshi gūdista kang-gai gūdista kang-gai dāung-a ijung; gin kang-ūdsada da tl keng-gung-gung; waigien gum gin kang-ūdsada tla ga isdiang-ashang, tlan Jonah gia kang-ūdsadāgai swonan-a.
30Nineveh haade un Jonah kang-ūdsēlan ging-an, nung haada Git ishin adshi gūdista kang-gai un etishang.
31Ging-kilisalang shantlanai ai ousik haade un nung queen-gas adshi gūdista kang-gai alth giāang-ashang, waigien tla ga ēdā il idāashang; tliga jīng-ā sta Solomon kutung-as kil gudung-ai un il katlagan altha; waigien Solomon telg nung ets adlun ijung.
32Nineveh haade ishin ging-kilisalang shantlanai ai adshi gūdista kang-gai alth tljū-giāng-ashang, waigien ēdā tla ga isdāashang; Jonah tla geu gu gushouondlu, gudung-ung tl stīlthdaian altha; waigien Jonah telg nung ets ū adlun ijung.
33Nung haada tlistleuon kāsōdou ōgulthdasdlu, lthē-ang kol ai isgien, kwīdou hetgwī ishin gum isdagung-ung-gung; keusi ing-gu tlou il isdagung-gung, ga isdsasgai otgagai ū kang-gai una.
34Dung lthū un ū dung hung-i kāsōdou-waugung; dung hungi lasdlu, dung lthū dlishkwau-hun ishin otga alth stāūgāashang; dung hung-i dā-ung-asdlu tlou, dung lthū ishin alga alth stāūgāgung.
35Althji alth otga dung ā is algagai lth keng.
36Althji alth dung lthū dlishkwau-hun otga alth stāūgas gien, gum lthing-an algāansdlu-yenkien otga alth stāūgāashang, kāsōdou ōgai otdasdlu dung ga otgāguns ging-an-a, hin il shouon.
37Waigien hawun il gushugundān, nung Pharisee haada kotdung il lthdanū-halan; waigien il kudsaian gien, lthdanūe un il kouon.
38Waigien il lthdanue konast gum il stlandlinang-an nung Pharisee haadas kang-andlu, il kuldung-āgan.
39Waigien Shalana hin il shudaian, Dalung Pharisee haadas shkutlang-we kul isgien kēilth-gagai kyagūstsi ishin tla-shkwūnagung-gung; dalung kalthi tlou kwolthda alth isgien, gin dāung-a alth ishin stāūgāgung.
40Dalung kōnuns, gum gu kyagūstsi nung tloulthaian nāgūstsi ishin tloulthang-ūja?
41Nāgūst gin is tl lth Shanung-itlagadas ga isdū; waigien gin wautliwon dalung un shkwūnagulgung.
42Dalung Pharisee haadas un gin ga lthwau-gīgāashang! mint isgien, rue ishin, gin īnastlas wautliwon ishin tīch Shanung-itlagadas ga dalung isdagung gung; ging-kilisalang isgien, Shanung-itlagadas kwōyādie ishin tlou da dalung kēshgīdung-gung; a gin isis dalung isdie lāgung, waigien ga kulat da dalung kēshgadai tlou gum lā-ung-gung.
43Dalung Pharisee haadas un gin ga lth-waugīgāashang! synagogue-nagai ā aulthga-hung-u tudsgwau is dalung kwōyādas gien, gyāgu tl wahdasgai gu ishin dalung hung ā tl kwahgulthdie ishin dalung kwōyādagung-us altha.
44Dalung un gin ga lthwaugīgāashang! tl ltl ēāwau gum kang-gans gien, tl haada ing-gut istalguns gien, gum wau un ūnshidung-uns ging-an dalung ets altha, hin la il shudaian.
45Nung Itlagadas, hin dung shūsdlu, itil ishin dung kil-ēdāng-gung, waigien hin king-gogung-lēalung swon hanglthang il shudaian.
46Waigien hin il shouon, Dalung king-gogung-lēgas un ishin gin ga lthwaugīgāashang! gin ken-euon tl haada dalung ging wūnīdung-us altha, dalung tlou gum stlukung-ung skaswonshung alth-hun tla da tlā-ēdung-ung-gung.
47Dalung un gin ga lthwaugīgāashang! gyagu ga prophetgas lthēāwos dalung tloulthas altha, waigien daiung aung-alung ū tl tldaian.
48Althji alth tliku dalung aung-alung waugan un dalung witness-gas gien, dalung gwūlāgung; tla tl tldas gien, dalung ishin tl lthēāwos tloulthas altha.
49Althji alth ū hin Shanung-itlagadas gia kutung-gai shugung, Ga prophetga isgien, ga apostlesga ishin tla ā lth kil-isisang; waigien tl īlthi tl tldas gien, ishin gin shing-idsa tl āndung-dāashang;
50Het-tligai elthgīgan sta ga prophetgasgai wautliwon ai wausta kwah-yandaian tāa adshi gūdista kang-gai tl tlū-unshkotdie una.
51Abel ai wausta kwah-yandaian gien, Zachariah altargai isgien nuh kwōyas ishin yākosīa tl tīiaian ai wausta kwah-yandaian ishin, tl kulat wautliwon ai wausta tl kwah-yandaian ishin tāa, adshi gudista kang-gai tl tlū-un-shkotdāashang dalung lth shudang.
52Dalung king-gogung-lēgas, dalung un gin ga lthwaugīgāashang! gin un tl ūnshitlthing-as kikostlāwe tla sta dalung isdagun altha; dalung ū guni ai isdsa-ang-gun, waigien ai ga isdsa-ungkasasgai ishin ā dalung kēigīdun, waigien hin il shouon.
53Waigien tlistleuon sta il kāgwaulandlu tuhālung-lēalung isgien, Pharisee haade ishin la hanltha ēlth-euon-īdan gien, gin kwon edē la tl ging-gūshouon;
54Waigien gin dāung-a il shudie keu tl edang-an.
Atualmente Selecionado:
Luke 11: HAIDA
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
First published by the British and Foreign Bible Society 1891-1899.
