ADECHHÜ 4
4
Kain Nu Abel
1Tsaseng wi Adam na ma wubvü Eve manyi gweghe nu ma wubvü na atsa-npvüya. Ma atsa kesü pvüghaya nu khi, “Apvüwa kekiqa ghena hi atsa kesü muyadha.” Ma atsawa nyan pi Kain #4.1: Kain; Anyan hawa ha Ibri jüh wina “muya”ciya. 2Tsaseng wi ma atsa kesü mu nengya nu ma nyan pi Abel ciya. Abel na aneni hie isala Kain na allikeca nyi sa. 3Matsü pahan seng wi Kain na abikehai pahan sengho Apvüwa kinyi. 4#Ibr 11.4. Nu Abel la ma neni tssütsewa tsü pathi nu ma sa kemehai ntsawa sengho kinyi. Apvüwa na Abel nu ma kinyi kechi tsü nen, 5isala ma Kain nu ma kinyi kechi tsü meyala. Tsalina Kain na ma lebenminu nu ma mmijan wa. 6Apvüwa na Kain kiza, “Mangkesa na nlebenminu nu n-mmijan ben nu? 7Keujüla no kekuli meshon lethu, no n-nonghe kesa; #4.7: n-nonghe kesa; nyelela hi no kekinyi tsü yaya kesa isala no kekuli nkemehai ghena kesami na no tetsaki bendha. Tsüna no yaya mvu saben, isala no tsü miwi khangya nsathu yishü.”
8 #
Mat 23.35; Luk 11.51; Jhn 3.12. Kain na ma cünyuwa Abel kiza, “Ishinyi alli wi wa na.” Ciwi manyi alli wi keben wi Kain na ma cünyuwa Abel pathia.
9Apvüwa na Kain keü, “Ncünyuwa Abel na khiewi ben nu?” Ma khineng “Hi nchüle, hi icünyuwa kehiewa kwe?”
10Apvüwa na khi, “No mangkesa na kemessi kekuli hati ha satheng nu? Ncünyuwa jjü na ayyi wina hewi magha shagha bendha. 11Kishen-keshi na nmiwi bendha nu no ayyi ha cakeya nmi. Ayyi na ma pang ka pi no ncünyuwa kepathi jjü tsü tsenyadha. 12No allica lela ayyi na mangla shigü cü nben; no ayyi wi ajjenlli nmila kegoedeja thsüden.”
13Kain na Apvüwa kiza, “Kemeten hawa ha ighena di mtsüdha. 14No ayyi hawi nu ntu wina hi jügüshi bendha. Hi ayyi hawi ajjenlli nmila kegoe waden, nu anyi thowa na hi muya khe hi pathiaben.”
15Isala Apvüwa na khineng “Nyele, anyi thowa na no pathi khe ma miwi ajukhi tagü tughu yaben.” Anyi kesüle kesü lela Kain metu keyawa ma npathi thsüle kesalina Apvüwa na zensu kesü pi Kain miwi chia. 16Tsalina Kain na Apvüwa tu wina bvü nu wa ayyi kesü “Kegoedejapen” kesa Eden na nishuwa wi hang wa.
Kain Shicübvüghathu
17Kain nu ma wubvü manyi na atsa kesü muya nu ma nyan pi Enok ciya. Kain na anyunuti kesü saya nu tsüpi ma tsawa nyan ci. 18Enok tsa na Irad, Irad na Mehujael ba, nu Mehujael tsa na Methushael, Methushael na Lamek ba. 19Lamek na ma wubvü keni, manyi nyan na Ada nu Zila. 20Ada na anyi asahang kecen nu anithsüjjen wi hang ketenthu baqhaiwa Jabal tsü pvügha. 21Ma cünyuwa na harp nu lalali khou ketenthu baqhai Jubal. 22Zila na lezza nu amighe pi atsanqaithu tsüdi cü ketenwa #4.22: atsanqaithu tsüdi cü ketenwa; kheni zhükechi kesü wi amighe pi kekuli tsüdi sa ketenwa. Tubal Kain pvüghaya. Tubal Kain tssüggüwa na Namah.
23Lamek na ma wubvü keni kiza, “Ada nu Zila nshinyi ijüh kinalo, anyi kepvünyi kesü na hi misamina kecü ghena hi ma pathidha. 24Keujüla anyi Kain kepathiwa miwi kahangli tagü yalethu, hi kepathiwa miwi kahangli achentagü nu tagü yaben.”
Seth nu Enosh Manyi
25Adam nu ma wubvü manyi atsa kepa wi la kesü muya. Eve na khi, “Kain na pathi kesawa Abel mithon wi Anyiza na atsa kesü pi hi cüdha.” Nu ma nyan pi Seth#4.25:Seth; Anyan hawa ha Ibri jüh wi “pi cüdha” kekhi hhai ti. ciya. 26Seth tsa na Enosh. Tsü nten anyi na Apvüwa kemetha nyan sen nu kinyi wa.
Atualmente Selecionado:
ADECHHÜ 4: RENGNBSI
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
