ZEKARIA 3
3
Sidyükesha gü Le Tsemi Ki Püshükengun Gü Kehyu
1Tsemi kecha nme ki Püshükengun gü Joshua le Npugü lilo gü mhundyü nyu so kebin Npugü le tsin pe ahishü. Lo Joshua khoka Satan le so-o a-nmu titse gwen ndo bin. 2Npugü lilo gü le satan ka zoshü, “Npugü no n nmu lalo satan! Jerusalem so kehü gü, Npugü no n nmu lalo. Temi higü hile mahnyu nlo kelo sento nme hontse le.”
3Joshua le phi nshünkemvu ben-o tsüka sobin. 4Lilo gü le tsanggelokethyü nyu ka zoshü, “Temi higü le ben kebin phi nshünkemvu dan sentin lalo.” Tson-o a-le Joshua ka zoshü, “Ale nkemu sentin laso lo nno ben nrün genyu phi kenshün pe ntsüti.”
5A-le lokethyü nyu dan no pekeju phi kenshün nme pe Joshua pe ge shülo tse zoshü. Anyugun le tsü thyüshü, lo Npugü lilo gü le so kebin ka phi keshün gü ko pe a-nben shü.
6Tsüselo lilo gü le Joshua ka zoshü 7Kekvutsin Npugü le zo: “Nle atejvü then lo ale nno thyü lotse pe ntsü keshü tho dan thyü hü yatselo n no a Kershvuka lo chonrha dan Kentsen gü thyüzin bin ti, lo ale a mhundyü nyu bin kehü tsanggelonyu dan kehi nyüshü kehü hontse nkehi nyüshü ti. 8Nyülo, Joshua Püshükengun gü; Nyülo, hagun a-püshükeda nyu dan, hagun le siki kegwa le ryü nrün zansü le. Ale ago gü khishwi shüti, Aaron gü tse ko kehü gü! 9Ale tso nme a-mhun tsenyü le kebin pe Joshua mhundyü ka shü bin nle. Ale tsüge thathu shüti, lo khenyüme jon ale kazü higü kemu sentin lati. 10Jon tsügü le ryülo, hagun nmeme tse a-kajon nyu kozen ryü hagun vainlow lo kherobin le hun kebin nyu kenshvu ndi lo nyunbwen-o shekerhün thyüti.”
Atualmente Selecionado:
ZEKARIA 3: REGSBSI
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.