Zakaria 11
11
Taturamuranenga ki ngiakarakacane ka talialalai
1Lebanungu, mueleba kwi lrawlrawdrusu,
lani lama utu ku apwi ki cedare ka angatusu#11.1 “cedare ka angatu” kikai yai arakai ki angatu patuthingale ku garangane ki cekele si talialalai lini.!
2Tubia karaleale ka alrenge ka angatu! Mwakadrulunga kwi cedare ka laangatu;
kwi matidalamane ki tadradrau ka laangatu kiapulebenga!
Kiangeange tubi, ka tharialupu ka angatu ki swa Basane!
Kwini mawangatungatu kiakabebetethenga!
3Kilalalra kwi tubi ki amani ku warathudu,
asi lwiyane maulrawnga ku lriguini!
Kilalalra kwi giringi ki raiyungu,
asi lwiyane kiakabebetethenga kwi thili ki kadravane Yuredange kwi angatungatu!
Tadrusa ka taraagwagu ki kiu
4Ku Tamatama ka Twaumaseli amia kai, “Lu kamania ka taraagwagu ka umawmase#11.4 “taraagwagu ka umawmase” kai taraagwagu ka umawmase sapatuthingalane ka talialalai si tarasangililuku; ku kiu laka sapatuthingalane ka kawkawlu ki talialalai si kwidra ki latwapapapalra. kudra ki lri kiculu ka lakiu. 5Kwi tawki ki lakiu papacai liniane la kai kipathavungu. Kwi lalasu kialangai kwi beate ki kiu, si la iya kai, ‘Sapaiswanengata, tadrengedrengere ki Tamatama!’ Adravane ka taraagwagu ki kiu, kai makuru liniane.”
6Ku Tamatama amia kai, “Lri kainaku kakalithinga kikai yakai kai ka laumawmase; lri ngikakamaniaku malra liniane si baai ki amani ku warathudu. Kikai lawarathudu lri kabebetethe kai ki kadaengane kai; lri kainaku palribulu liniane pakatwase ki puku ki lalasu.”
7Kudra tarakilangalangai ki lakiu ka laumawmase arakainga nakwane; amaninga naku kudra taraagu kwini ki lri kiculu ka lakiu. Wamalraku ku drusa ku sagwagwane ka ukudru, ku vaeva sia “Migemi”; ku vaeva sia “Maelre avaevanga”. Ngiamia kikai, pathagilaku agu ki lakiu. 8Maupungaku kudra ki drumane ka tatulru ka malisilisi nakwane ka lataraagwagu; ikai kai ki tinaradradramarane mwalrathaku liniane. 9Amiaku kai ki lakiu, “Lri kainaku ka amaninga ku taraagwagu numiane. Lani pacai kudra lri paacai, lani kamudu kudra lri kaamudu. Ku tedranenga lai lri mapapacapacai.” 10Ala malraku celra kudra ki “Migemi” ka ukudru, si suburu ku tamakaketeketane ki Tamatama si sanaka kuni. 11Sakavaivai, kwini samakaketeketane masuburu. Kwini la tarakilangalangai ku lakiu waleengethe nakwane; kwi lalasu wathingale ku tapangukaiyane nakwane ki Tamatama si pelaelaela ku matiakiragai ka vaga. 12La iyaku kai liniane, “Alaiyasi ubangalre numi, badhaili ku sapawlrawlravane ku paisu, lu kai numi ubangalre, la sura.” Kwi lalasu ala kirimu baai nakwane ku matulrulu ka gingi ka paisu tusapawlrawlravane ku takaunganeli.
13Ku Tamatama amia kai nakwane, “Malra kikai paisu si pudringai pwa ki tagingiane ki daane ki Twaumase#11.13 “pwa ki tagingiane ki daane ki Twaumase” patwalai ki sidrumane ka nihunyakane ka lahungu, ku pacase ki Hiburu yai “wamalra si baai ki taratudilrungu” amia..” La malraku kikai matulrulu ka gingi, ka amani kudra lu kidremedreme kwi lalasu ka naika amalraneli ka kaika bekelane ku takathane, si pudringai pwa ki tagingiane ki daane ki Tamatama. 14Ala malraku celra kwini mwasakadrusa ka sia “Maelre avaevanga” ka ukudru, si suburu kabebetethe ku amaelreane avaeva ki swa Yuda si swa Iseraylri.
15Ku Tamatama amia kai nakwane, “Lu pelana ataraagwagu; ki kikai yai amalisia ka taraagwagu. 16Ku arakaili pamulrawlrau ka tangea ka taraagwagu, lri kamani ku marasiakaikai ki lakiuli; ai kwi lasu kai paralubu kudra ki la kiapangituluku, kai wasilape ki laamuli, kai wasulrau ki madula, la kai pakane lapu ki panianianiakeana; ngiabaalrelringa, kwi lasu wakane kudra ki lamaricucurunga ka kiu, la thirace ki la lrubungu lini.
17Kudra manganga ka taraagwagu ka wacilri ki lakiu lri matisalregesege,
ku amakaruruburane lri nguelre amudu ku pukuini.
Ku alrimaini lri aru suludru;
ku vanale ki macaini lai lri kitulreepenge kamukici.”
Atualmente Selecionado:
Zakaria 11: NDV
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
© The Bible Society in Taiwan, 2017
All rights reserved
© 臺灣聖經公會版權所有，2017