Sirak 5
5
Anang Sumbung Dalam Pengaya tauka Dosa
1Anang bepanggai ba pengaya nuan, ngumbai nya aja chukup, lalu enda bepanggai ba utai bukai. 2Anang nitihka juluk ati nuan taja nuan tulihka utai nya. Anang nitihka peneka pengingin nuan. 3Anang nyebut, “Nadai orang bekuasa atas aku.” Ila Tuhan tetap deka ngukum nuan. 4Anang nyebut, “Amat aku udah bedosa, tang Tuhan enda ngukum aku”, laban Tuhan besabar enggau nuan. 5Anang majak ngaga dosa siti-siti, laban nuan arapka diri tetap diampun Tuhan. 6Anang nyebut, “Pengasih Tuhan endang besai amat, lalu pemayuh-mayuh dosa aku deka diampun Iya.” Tuhan amat bepengasih, tang Iya mega enggai meda orang bedosa. 7Berubah jampat ngagai jalai Tuhan, lalu anang nganti-senganti laban pengeringat Iya tau datai sebarang maya ba nuan, lalu nuan deka tusah maya timpuh Iya ngukum nuan. 8Anang bepangai ba pengaya nuan ti ulih enggau jalai ti enda lurus, laban pengaya nuan nya nadai guna semimit maya nuan kena penusah.
Pengelurus enggau Ngatur Pendiau Diri
9Anang nguji deka ngenyenangka ati genap iku orang, lalu anang besetuju enggau genap penemu, laban baka nya meh gaya orang ke bedosa ke bisi ati bebagi dua. 10Tetap keringka penemu nuan, lalu kereja pengawa nitihka jaku nuan. 11Jampat mendingka utai, tang belubah nyaut iya. 12Semina nyaut enti nuan nemu saut iya; tang enti enda nemu, manah agi enda bemunyi. 13Jaku nuan ngasuh nuan dibasa tauka dikeleseka orang, lalu jaku nuan tau ngasuh nuan tusah.
14Anang nuan dikumbai betenahka orang sereta anang ngerembaika berita ti ngenusah orang. Laban penchuri deka malu, tang orang ke bula deka diukum berat. 15Anang ngereja utai ti salah baikka nya mit tauka besai.
Atualmente Selecionado:
Sirak 5: BK
Destaque
Compartilhar
Copiar
Quer salvar seus destaques em todos os seus dispositivos? Cadastre-se ou faça o login
Hakcipta © 2011, The Bible Society of Malaysia
Copyright © 2011, The Bible Society of Malaysia