Versículos Bíblicos Populares relacionados a Matthieu 22

Compartilhar

Jésus akiri tënë na lo: “Alingbi mo ye *Kota Gbia Nzapa ti mo na be ti mo kue, na yingo ti mo kue, na tënë ti be ti mo kue. Ndia so ayeke kota si ahon atanga ni kue laa. Use ndia so ayeke nga kota ayeke so: ‘Mo ye mba ti mo zo tongana ti so mo ye tere ti mo wani.’

*Ndia ti Moïse na ambeti ti awayanga-Nzapa kue aluti na ndö ti andia use so.”

Ti hunzi na ni, Jésus atene: “A iri azo mingi biani, me a soro gi ambeni kete.”

Biani, na lango ti zingongo ti akuâ, fade akoli na awali ayeke mu tere pepe, me azo ayeke duti tongana *a-ange na yayu.

Ala fa na mbi le ti nginza so ala yeke futa na lapo so!” Azo ni aga na mbeni le ti nginza na lo. Jésus ahunda ala, atene: “So li ti zo wa laa? So iri ti zo wa laa na le ti nginza so?” Ala kiri tënë na lo: “Ti kota gbia ti Rome.” Tongaso Jésus atene na ala: “Ala futa na kota gbia ti Rome ye so ayeke ti lo, ala futa na Nzapa ye so ayeke ti Nzapa.”