Versículos Bíblicos Populares relacionados a Matthieu 23

Compartilhar

Zo so ayeke kota zo na popo ti ala, ayeke nzoni lo ga zo ti sarango kua na ala.

Zo so asara tere ti lo tongana kota zo, fade a yeke sara si lo ga kete zo. Zo so asara tere ti lo tongana kete zo, fade a yeke sara si lo ga kota zo.”

“Mawa na ala, awafango-ndia, ala na afarizien! Tënë ti yanga ti ala ayeke nde na sarango ye ti ala! Ala yeke mu *dime ti aye ti ala, ataa akete kete ye ti yaka ti ala; me kota tënë ti *Ndia, ala baa ni gi tongana senge ye na le ti ala. Kota tënë ti Ndia ni ayeke sarango ye ti mbirimbiri, bango mawa ti azo, ngbango na lege ti tënë ti Nzapa. Ye so ala lingbi fade ti sara ni laa, me ala zia pepe ti sara tanga ti aye ni.

“Mawa na ala, awafango-ndia, ala na afarizien! Tënë ti yanga ti ala ayeke nde na sarango ye ti ala! Ala yeke sukula tere ti akopo na asembe ti ala, me na ya ti akopo na asembe ni, gi aye ti nzi na aye ti kota be laa asi singo daa.

“Jérusalem! Jérusalem! Mo so mo yeke fâ awayanga-Nzapa; azo so Nzapa atokua ala na mo, mo bo ala na têne ti fâ ala. Lege mingi, mbi ye fade ti bongbi azo ti mo na gbe ti mbi tongana ti so mama ti kondo ayeke bongbi amolenge ti lo na gbe ti maboko ti lo, me mo yeda pepe!

Ala nga, ala yeke tongaso. Na le ti azo, ala kpa azo ti mbirimbiri, me be ti ala ayeke nde si siokpari asi singo daa.