Lukas 6
6
Duduat suat nu Runat Pongintoronan
(Mat 12:1-8; Mrk 2:23-28)
1Ido Runat Pongintoronan, laid ni Yisus om mompomaid Niyo ri tumalib so umo, minongotu' sono mompomaid Niyo ri nu paroi, inimporian om inokan.#Pom 23:25 2Tongaro yo nosiro nu tinu-tinu lobuw Parisi ri nu, “Nokuro ka su momaal kou nu nipogos nu Ukum toko nu Runat Pongintoronan?” koo.
3Sumombuto yo si Yisus nu, “Dai kou po ka nokobasa' onu winaal ni Raja Daud gulu ri nu winitilon iyo om kouna'an niyo ri? 4Minasuw iyo so Waloi Maayo nu Kinoringan-i, mongalap nu baang-baang nokousaa' yo so Kinoringan, om inokan Niyo om tinaakan-a kouna'an niyo ri, ampa mongowaid nu Ukum toko, imam-a su kowasa mongokan nu baang-baang iiri.#Ot 24:9 #1 Som 21:1-6
5Aku yo su Anak nu Riniba, om Aku yo su kopogbaya' nu Runat Pongintoronan,” koo si Yisus.
Lobuw kimai sompodi longon
(Mat 12:9-14; Mrk 3:1-6)
6Ido Runat Pongintoronan wokon, minasuw si Yisus so waloi sosombooyangan montuduk. Kuwai dii ido koyuwan kimai sompodi longon. 7Tinu-tinu moomontuduk nu Ukum om lobuw Parisi dii modium nu pounayan monginsala' so si Yisus. Iri yo ko' tinoyinu ya nosiro nu momali' ka Iyo nu Runat Pongintoronan ko' dai. 8Nga noilaan-a ni Yisus padu-padu nosiro ri, tongaro yo Niyo lobuw kimai sompodi longon iiri nu, “Undii yo om ian so otingkuangan mai tu,” koo. Tumungago yo lobuw iiri om mundiio yo. 9Mongoduato yo si Yisus so nosiro nu, “Mongowaid nu Ukum toko, onu ka kowasa waalon toko nu Runat Pongintoronan, monabang ko' mongoraai nu lobuw? Monapul intawa momatoi?” koo. 10Bontongi yo ni Yisus nosiro om mutongaro yo#6:10: mutongaro yo; intawa: mutongaro yo maid nu mungot. so lobuw kimai iiri nu, “Kaangi yo longon mu no,” koo. Kaangi yo nu lobuw-i longon niyo ri om sonduun-duun-a nopoli'an.
11Nga minungot sobana lobuw Parisi om moomontuduk nu Ukum-i, om tumimpuuno yo muupakat ong onu opatut waalon nosiro so si Yisus.
Opulu om duo pinongoorapan ni Yisus
(Mat 10:1-4; Mrk 3:13-19)
12Iya iiri tinumidong si Yisus so ido bulud mogdu'a so Kinoringan musingkosuaban. 13Nosuab-o po, paawo yo Niyo mompomaid Niyo ri om momilio yo Iyo opulu om duo kiat so nosiro. Iningoranan Niyo opulu om duo oono nu pinongoorapan. Nosiro yo po oono, 14si Simun (ingoranan-a so si Pitrus), om adi' niyo si Andrias, si Yakubus, si Yuanis, si Pilipus, si Bartulumius, 15si Matius, si Tumas, si Yakubus anak ni Alpius, si Simun iri lobuw kiat so puimpugan lumawan nu lobuw Ruum,#6:15: lobuw kiat so puimpugan lumawan nu lobuw Ruum; intawa: lobuw nu Jilut. 16si Yudas anak ni Yakubus, om si Yudas Iskariut, iri minongoraai sono so si Yisus.
Minontuduk om minomali' si Yisus
(Mat 4:23-25)
17Tumaado yo si Yisus kiat so bulud-i maid nu pinongoorapan Niyo ri, om mundiio yo Iyo so gona'-gona'. Osuang-a dii mompomaid Niyo om lobuw wokon linumoga' ungkiat so pilolongkop nu wonuo nu Yudia, Yirusalim, Tirus om Sidun so imbing nu sungoi-i. 18Linumoga' nosiro so' mokirorongou so si Yisus om mokipali' nosiro nu rorooton. Ongo lobuw sinorungan nu moinat-i nga linumoga' ya, om nopoli'an-a. 19Kiawi' lobuw-i mogkari'-kari' monaambai so si Yisus so' kuwai lumabus nu kuasa ungkiat so koyuwan Niyo kopali' so nosiro.
Kosonangan om koogutan
(Mat 5:1-12)
20Bontongi yo ni Yisus mompomaid Niyo ri om mutongaro yo nu,
“Osanang#6:20: Orati yo po nu osanang tuui kaalib po nu kosudu'an suat so onu-onu ya nololagan so wonuo tu, nga, ono yo koworongan kiat so Kinoringan. kou yo su lobuw koilo
nu d'ado kobosagan nu inawo
sondiang ko umarap so Kinoringan,
so' kou yo su koirasa
nu kosonangan so Pogkuosaan Niyo.
21Osanang kou yo su lobuw sobana ko mokipopomaal nu koinginan nu Kinoringan,
so' popusintopodan kou Niyo!
Osanang kou yo nu kikoogutan
nu ono sono tu,
so' insosomodan kou
nu Kinoringan ong wagu.
22Osanang kou yo
ong bisigon,
tulakon, usiba'an, om simbaalan kou
so' poimaid kou nu Anak nu Riniba.#6:22: Anak nu Riniba iitu yo po pomaawan so si Yisus. Siowan Kamus Kitab.#1 Ptr 4:14
23Soko ono yo gama'
nu odu aki nosiro ri
so ongo poo'abar nu Kinoringan gulu ri.
Sumudu'an kou yo
om posonangon-o inawo muyu no,
so' osuang koworongan so surga
sinodia' nu Kinoringan so kou.#2 Kot 36:16; P'rapan 7:52
24Nga, aagut kou yo
su lobuw okaya nu ono sono tu,
so' nokoirasa kou yo
nu kowiawan osanang!
25Aagut kou yo
ong owasug kou
nu ono sono tu,
so' witilon kou ong wagu!
Aagut kou yo
ong kokaayak kou
nu ono sono tu,
so' lumunggui
om tumangi' kou ong wagu.
26Aagut kou yo
ong osuang lobuw
mongorayou so kou,
so' soko ono ya odu aki nosiro ri
mongorayou nu
musingkopoo'abar nu gulu ri,”
koo si Yisus.
Osamod so alod-alod
(Mat 5:38-48; 7:12a)
27Mutongaro yo si Yisus nu, “Nga mutangar Aku so kou lobuw mongkinongou nu tinongaran Ku no nu, somodi muyu yo alod-alod muyu no, om worongo muyu yo lobuw obisig so kou no. 28Borokati muyu yo lobuw mongawag so kou no, om pogdu'a kou yo nu lobuw oraai so kou. 29Bang sompakon nu lobuw sompodi ilaan mu no, posompaki po sompodi no. Bang solodon sabung mu otalup-o yo, taaki nai' sabung mu owagu no so iyo. 30Ponaak-o so lobuw mokitaak nu onu-onu ya so ikau, om kodi yo ulio gonggamon sinolod so ikau-o. 31Pomaal-o so lobuw wokon nu onu yo po koinginan muyu waalon nosiro so kou.#Mat 7:12
32Bang ono ya su somodan muyu lobuw osamod so kou no, d'ado ya kosudaan so kou. Insan lobuw-a kisala' no monamod-a nu lobuw osamod so nosiro no! 33Om bang momaal kou nu owarong so lobuw owarong so kou no, d'ado ya kosudaan so kou, so' lobuw kisala' nga soko ono ya! 34Om bang ono ya su poidamon muyu nu siin lobuw kopongobarai-a so kou no, d'ado ya kosudaan so kou. Lobuw kisala' no nga poidam-a so lobuw kisala', om mokibarai ya iyo koimbagu ombo ontob noidam-i! 35Okon ko soko ono, ala' nai' somodi om worongo muyu yo alod-alod muyu no. Poidam kou yo nu siin so lobuw, om ikod kou yo pokibarai. Bang soko ono waalon muyu, kikoworongan kou om ourug kou nu inonakan nu Kinoringan, so' owarong-a pudi Kinoringan so lobuw oraai nu dai koilo monuli' nu koworongan. 36Lumuluudan kou yo, soko Amo muyu so surga su lumuluudan-a,” koo si Yisus.
Pontudukan suat so monginsala' nu lobuw
(Mat 7:1-5)
37Mutongaro yo si Yisus nu, “Ikod kou yo ponginsala' nu wokon, su' dai kou insola'on nu Kinoringan! Ikod kou yo pongukum nu lobuw, su' dai kou ukumon nu Kinoringan. Pongampun kou yo nu lobuw, om ompunon kou nu Kinoringan. 38Ponaak kou yo nu onu-onu so lobuw, su' taakan kou nu Kinoringan, om kotorima' kou nu itaak nu noinsok po sampai mada'-ada' po so sukuban. Sukuban pokayon muyu suat so lobuw, ono ya su pokayon nu Kinoringan suat so kou,” koo si Yisus.
39Monolig-soligo po si Yisus so nosiro nu, “Ido lobuw bolou, dai koponundan nu wokon bolou. Bang tundanon niyo, nosiro kiduo kaasuw so uang.#Mat 15:14 40D'ado murid moilo po ko' moomontuduk so iyo no. Nga bang opaas-o murid oono moguru', muinong-a iyo om moomontuduk niyo no.#Mat 10:24-25; Yns 13:16; 15:20
41Nokuro ka su mongombiri kou nu limbota so mato nu una', nga so mato muyu no kilimbota nu watang dai muyu ya oirosaan? 42Dai kou otoop mutangar nu, ‘Oo lakitu, idu'on ku ya limbota mu no,’ koo kou, ampa insan limbota muyu no dai muyu osiou. Oo su musingkobana-bana, iduo po laid limbota so mato mu no, om oidu' mu nai' limbota nu una',” koo si Yisus.
Puun om bua'
(Mat 7:16-20; 12:33-35)
43“Puun ookang, dai mubua' nu oraai, om puun orukung dai mubua' nu owarong. 44Nga kiawi' puun otondu'an-a so bua' no. Ugop nu koruwian dai mubua' nu anggur.#Mat 12:33 45Lobuw owarong, owarong-a gogoma'on, so' owarong inawo niyo. Nga lobuw oraai, oraai-a gogoma'on, so' oraai inowoon niyo. Onu yo po kiro-kiroon so inawo, ono ya su otangar toko,” koo si Yisus.#Mat 12:34
Duo moomuwaloi — Oilo om olowong
(Mat 7:24-27)
46Mutongaro po si Yisus nu, “D'ado ya kosudaan pudi dadan momaau kou s'aku nu, ‘Oo Tuhan,’ koo, ampa dai muyu ya goma'on totongaron Ku no. 47Iri lobuw lumoga' tuui so Aku om mongkinongou om murogama' nu totongaron Ku no, kogoyaan niyo soko 48moomuwaloi monguang nu olalom sampai kosondot so kiwatu om niwansuk nai' niyo pasok-o su' opiot. Osapu pona nu loni', dai ya ookat so' opiot. Kinomuro pona pinogon nu loni' no dai ya mooba'. 49Nga iri lobuw korongou-a nu tinongaran Ku no om dai murogama' nu ono, iyo soko moomuwaloi so pantai. Lumoni' yo po, osapu yo sono om osikap miob, om okon ko nogina-gina koo'usiba' no,” koo si Yisus.
Atualmente selecionado:
Lukas 6: TomPWPgLgPn
Destaque
Partilhar
Copiar
Quer salvar os seus destaques em todos os seus dispositivos? Faça o seu registo ou inicie sessão
© 2023 (Active), Wycliffe Bible Translators, Inc. All rights reserved.