Luke 3
3
John jungthalamtey wa aa phanchan aa
(Matthew 3:1–12; Mark 1:1–8; John 1:19–28)
1Tiberius sha Ajong lungwang ang eq pang asi pang banga ang atho Pontius Pilate Judea Governor angta, Herod tha Galilee lungwang angta, etho upho Philip tha Iturea nia Trachonitis lungwang angta, etho Lysanias tha Abilene lungwang angta. 2Etho Annas nia Caiaphas tha ajong Tingwa tang solwa angta, ethi rangham tho Shkewa raaq shu shu haqna Zechariah miqwasa John ching náng thuta. 3Etho piq aa Jordan jungku relna thaji mingkang náng ka eq ning thima raaq phanchan kotta, “Ngarey wang wel inn etho jung shi lam inn etho Shkewa nim ngarey sha tolchak pha nin.” 4Rangsamal Isaiah likdap na taka thimal,
“Shushu haqna chamtey ring aa,
Teyhungwa ma lam kacha shing inn,
piq qhing ma lam ni tachal inn.
5Thaji haqkan sha thamal shingching
etho thaji kangphang nia haqkan shi kara shing inn.
Etho bara akot ake lam shi tachal eq ching,
etho bara lam abing alum shi thajin eq shing inn.
6Thaji miqtang aa Shkewa thalun sha khina.”
7Miqtang tha jungthalam ma John ching náng rong thuta, piq aa ning thima raaq ta, “Nim pu tang! Shkewa takat tharo tacham wang jinlun angni ta nim ma utang eq bat taphin? 8Nim thaji miqma ma ngarey wang uwel sey ang tita somlo eq takhi inn. Etho Abraham tha nim aa tey aa wa angta ta nim jaktung o nak wey phangwan inn. Nga nim ma ira bat phang, Shkewa iri long tang riwang Abraham ma usatang tho jin hun eq na. 9Minki eq bang uchíng o dukma achol sey; etho jaqhal bangti kot moq ang ajo eshi bang sha duk chak eq, wal náng bichak na.”
10Etho miqtang aa piq thima pitta, “Thanga í aa chamlang sey somlo ching aa?”
11Piq aa batta, “Utang ma samqhong ani tey aa ahungtey thima ashey kotching, etho phaksat utang jakna atha shey uphal eq kot ching.”
12Qhotqheytey tang tha jungthalam ma thuta, etho ning aa piq thima pitta, “Tatalteywa, í aa chamlang somlo ching aa?”
13Piq aa ning thima batta, “Nim aa ngin chamtan qheyching aa eshináng eq ahan nak qhey inn.”
14Chamtey ralkoltey tang atho piq ma pitta, “Tatalteywa, í aa chamlang somlo ching aa?”
Piq aa ning thima batta, “Nim aa miq jakwang ngin kachang chang aa chuk ching ang moq etho hutbat eq chuk ching ang moq. Nim aa chamtan ngin kap inn esho hun sungti rangma tong inn.”
15Miqtang aa Khristo tha ban siin ta etho John raa hun Khristo tha ta tathin ta. 16John aa ning thima batta, “Nga nim ma jung eq chen thalam phanáng, etharin miq ashey kapha eshey nga náng eq tho rapney tarong hal angna. Nga raa piq jaaqhong ru qhangkot rol thitan tho ang mong angnáng. Piq aa nim ma Asang Tsija nia wal wang jungthalam kopha nin. 17Piq jakna wanchap atha. Piq aa thaji asak cham tang sha chamtap sho thajoq na etho cham phang sha baluk otho mit moq wal o tak chakna.”
18Uphan phan lam o John aa miqtang ma tungtang aqhal raaq phanchan kota etho kalo hun nim lam sha kaley ching. 19Etharin John tha govenor Herod ma khata chammatakoi piq aa upho himteynu Herodias tha rikthaang hunga ujamoq uhimteynu mal shingta etho adak jashit dang ajang tho nari hun angta. 20Etho John tha chuk náng sak eq ashey ahan jashit rapsomta.
Jesu ma jungthalam aa
(Matthew 3:13–17; Mark 1:9–11)
21Daqhan miqtang thima jungthalam jio, Jesu atho junglamta. Piq aa romtam chu atho rangmungtan tha thalakta, 22etho Asang Tsija tha hanphung o wotopin mal uhann o qhat kata. Etho rangmungtan wang raaq tatat qhong raaq ta, “Nang raa itinmat sa. Nga nang o rapney sungrang ang.”
Jesu tey aa wa tang
(Matthew 1:1–17)
23Jesu aa uraaq phang bat tan atho, piq tha pang roktom mal sey angta. Miqtang aa tathin ta Jesu raa Joseph miqwasa angta. Joseph tha Heli miqwasa angta. 24Heli tha Matthat miqwasa angta. Matthat tha Levi miqwasa angta. Levi tha Melchi miqwasa angta. Melchi tha Janna miqwasa angta. Janna tha Joseph miqwasa angta. 25Joseph tha Mattathias miqwasa angta. Mattathias tha Amos miqwasa angta. Amos tha Nahum miqwasa angta. Nahum tha Esli miqwasa angta. Esli tha Naggai miqwasa angta. 26Naggai tha Maath miqwasa angta. Maath tha Mattathias miqwasa angta. Mattathias tha Semein miqwasa angta. Semein tha Joseph miqwasa angta. Joseph tha Joda miqwasa angta. 27Joda tha Joanan miqwasa angta. Joanan tha Rhesa miqwasa angta. Rhesa tha Zerubbabel miqwasa angta. Zerubbabel tha Shealtiel miqwasa angta. Shealtiel tha Neri miqwasa angta. 28Neri tha Melchi miqwasa angta. Melchi tha Addi miqwasa angta. Addi tha Cosam miqwasa angta. Cosam tha Elmadam miqwasa angta. Elmadam tha Er miqwasa angta. 29Er tha Joshua miqwasa angta. Joshua tha Eliezer miqwasa angta. Eliezer tha Jorim miqwasa angta. Jorim tha Matthat miqwasa angta. Matthat tha Levi miqwasa angta. 30Levi tha Simeon miqwasa angta. Simeon tha Judah miqwasa angta. Judah tha Joseph miqwasa angta. Joseph tha Jonan miqwasa angta. Jonan tha Eliakim miqwasa angta. 31Eliakim tha Melea miqwasa angta. Melea tha Menna miqwasa angta. Menna tha Mattatha miqwasa angta. Mattatha tha Nathan miqwasa angta. Nathan tha David miqwasa angta. 32David tha Jesse miqwasa angta. Jesse tha Obed miqwasa angta. Obed tha Boaz miqwasa angta. Boaz tha Salmon miqwasa angta. Salmon tha Nahshon miqwasa angta. 33Nahshon tha Amminadab miqwasa angta. Amminadab tha Ram miqwasa angta. Ram tha Hezron miqwasa angta. Hezron tha Perez miqwasa angta. Perez tha Judah miqwasa angta. 34Judah tha Jacob miqwasa angta. Jacob tha Isaac sa angta. Isaac tha Abraham miqwasa angta. Abraham tha Terah miqwasa angta. Terah tha Nahor miqwasa angta. 35Nahor tha Serug miqwasa angta. Serug tha Reu miqwasa angta. Reu tha Peleg miqwasa angta. Peleg tha Eber miqwasa angta. Eber tha Shelah miqwasa angta. 36Shelah tha Cainan miqwasa angta. Cainan tha Arphaxad miqwasa angta. Arphaxad tha Shem miqwasa angta. Shem tha Noah miqwasa angta. Noah tha Lamech miqwasa angta. 37Lamech tha Methuselah miqwasa angta. Methuselah tha Enoch miqwasa angta. Enoch tha Jared miqwasa ang ta. Jared tha Mahalalel miqwasa angta. Mahalalel tha Cainan miqwasa angta. 38Cainan tha Enosh miqwasa angta. Enosh tha Seth miqwasa angta. Seth tha Adam miqwasa angta. Adam tha Shkewa miqwasa angta.
Obecnie wybrane:
Luke 3: Mmmm
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
CC BY-NC-ND 4.0
