Madiu 1
1
Yesu Kerisona aya kasuanuna binu wia einu
(Luka 3:23-38)
1Go eiri Yesu Keriso nipuna aya kasuanuna binue. Yesuri Deipidina anda repaa ali aisaya pange Deipidiri Eparamena anda repaa ali aisaya.
2Aisake nipuna arare Eparame aisaya. Dieikopo nipuna arare Aisake aisaya. Dieikopore Diuda pange nipuna amenuna ara aisaya. 3Poresi pange Sira niipu laapona arare Diuda aisaya. Niipu laapona amare Damare aisaya. Esaroni nipuna arare Poresi aisaya. Rami nipuna arare Esaroni aisaya. 4Aminadapa nipuna arare Rami aisaya. Nasoni nipuna arare Aminadapa aisaya. Salamono nipuna arare Nasoni aisaya. 5Boasi nipuna arare Salamono aisaya. Boasi nipuna amare Raiabe aisaya. Opede nipuna arare Boasi aisaya. Opedena amare Ruda aisaya. Diesi nipuna arare Opede aisaya. 6Kini Deipidi nipuna arare Diesi aisaya. Solomono nipuna arare Deipidi aisaya.
Ambala ririna Yuraya nipumi Solomono nipuna ama lamisayapare werepena Deipidimi lamisayandare gore Solomono mandisaya. 7Riaboame nipuna arare Solomono aisaya. Apaidia nipuna arare Riaboame aisaya. Asa nipuna arare Apaidia aisaya. 8Diosapade nipuna arare Asa aisaya. Diorame nipuna arare Diosapade aisaya. Yusaya nipuna arare Diorame aisaya. 9Diodame nipuna arare Yusaya aisaya. Eiyasi nipuna arare Diodame aisaya. Esekeya nipuna arare Eiyasi aisaya. 10Manasa nipuna arare Esekeya aisaya. Amoni nipuna arare Manasa aisaya. Diosaya nipuna arare Amoni aisaya. 11Diekoyakani pange nipuna amenuna arare Diosaya aisaya. Go dinare mo Babiloni andasu nane aisimiya alinumi Isaraeli wenaalinuna andasu para yanda pulame ipuma mo Isaraeli wenaalinu duame andaoma nimuna olemole raayo ora waru ma-koyaisimiya. Mo Isaraeli wenaalinu andasu nane karu paisimiya.
12Werepe nane Isaraeli wenaalinu mo Babiloni andasu nane ara pange Isaraeli andasu nane wala lekeya ipuma aisimiya dinare mo Diekoyakani nipuna mandu rangala pisiya wenaalinu gurupa aisimiya. Sielediele nipuna arare Diekoyakani aisaya. Serapapale nipuna arare Sielediele aisaya. 13Apiyude nipuna arare Serapapale aisaya. Elayakeme nipuna arare Apiyude aisaya. Asore nipuna arare Elayakeme aisaya. 14Seidoke nipuna arare Asore aisaya. Akime nipuna arare Seidoke aisaya. Eliyuda nipuna arare Akime aisaya. 15Eliyasa nipuna arare Eliyuda aisaya. Madani nipuna arare Eliyasa aisaya. Dieikopo nipuna arare Madani aisaya. 16Diosepa nipuna arare Dieikopo aisaya. Diosepa nipumi Yesuna ama Meari lamisaya. Mearimi Yesu mandisaya. Yesuna biri ande Keriso lisimiya.
17Go einare Eparame pange Deipidi niipu laapo rupara arimiya aranu ora ki laapo pereyoma angena malapu arimiya. Gupuma Deipidi aripaya naare rupara pange Isaraeli wenaalinu Babiloni andasu para arimiya dinare niipu laapo rupara arimiya aranu ora ki laapo pereyoma angena malapu gurupa arimiya. Gupuma mo Isaraeli wenaalinu Babiloni andasu para arimiya dina pange go Mesaya mandisaya dinare niipu laapo rupara arimiya aranu ora ki laapo pereyoma angena malapu gurupa arimiya.
Yesu Keriso mandisaya ei
(Luka 2:1-7)
18Yesu Keriso mandisaya ei gurupa. Yesu nipuna ama Meariri Diosepame ambe na-la mi ara rome komea lisayapare Mearimi kone sialore niri Epe Yaakopi Sipiridimi naki ma-maidalia kone wisaya. 19Diosepare naare raayo ora epe aunu komea puaisaya. Go peapare Diosepa nipumi Meari wala wenaalinuna lee rona yala ma-papeyare pa nipuna gole kundiripusi gialuameya kone su rapaya. 20Gupuma Diosepa nipumi go kone siala-ainyalomare Realina eindiolo alimi nipuna upame penameyao nipu para ipisaya. Gupuma mo eindiolo alimi Diosepa para lala ara lalore, Diosepa Deipidina repaa alio, neeme Meari lamuape eina paalame na-komape, lisaya. Go nakiri go Epe Yaakopi Sipiridimi nipuna lo para ma-piraya, lisaya. 21Werepe nane Meari nipumi naki maidia, lisaya. Go naki maidiandare neeme nipuna bi Yesu lape. Akepeandare nipumi wenaalinuna koae koae einu randepealia lisaya.
22-23Go aunu raayosi pisaya eiri Reali nipuna poropedi ali andalo la alisaya aunu minyaya pisaya. Go alimi lalore, gurupa lisaya.
Ali rapu ambe na-pali nongo mendame
naki panda piruma maidiandare
nipuna biri Imanuele deme, lisaya.
Imanuelena bina reere Gode naa rapu aya loma lea.
24Go einare go upa puma Diosepa nipumi monde Realina eindiolo alimi la alisaya angele pangoma Meari lamisaya. 25Go au pisayapare Diosepa nipumi naki ambe na-mandi-ainyaloma nipumi Meari rapu komea para ambe na-palisaya. Gupuma werepena mo naki mandisayandare Diosepame mo nakina biri Yesu, lisaya.
Obecnie wybrane:
Madiu 1: POLENT23
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
The New Testament in Pole Language of the Southern Highlands. Revised Edition 2023 © Bible Society of Papua New Guinea, 2023.
The New Testament in Pole Language of the Southern Highlands © Bible Society of Papua New Guinea, 1993.
